السلام عليكم ورحمة الله وبركاته
من دفتر مذكراتي في ( سلطان ..الإنسان )
سلطان القائد
سلطان المواطن
هذا الرجل المحبوب من الكبير والصغير
والمواطن والمقيم
والغني والفقير
تسعد به القلوب
وتطمئن له الأنفس
إطلالته كريمة
وبشاشة وجهه مؤنسة
حفظه الله
.
.
[poem=font="Arial,5,purple,normal,normal" bkcolor="transparent" bkimage="" border="double,7,deeppink" type=2 line=0 align=center use=ex num="0,black"]
أنا أستأذن سمو النائب الثاني ابا الإمكان=أقبّل كتفه اللي عز وعن الأدناس مصيونه
سمو النائب الثاني قوي الساس والبنيان=مشينا بعزِّه وتقصر خطا العدوان من دونه
خويه رافع ٍ راسه ومصيون ٍ من الحقران=ومن خاوى الكريم فراحته بالجود مدهونه
شريت الخوَّه وما ابيعها لو كانت اغلا أثمان=أنا اشريها وثمنها الروح فدوة رمش بعيونه
أنا بعون الله أدّي الواجبات ابخدمة الأوطان=وشرّفني صدور الأمر مرسوم ٍ بمضــــــمونه
ملكني بعزِّه وشرَّفني وعلَّق لي النيشان=وتاج ونجمتين ٍفوق كتفي بعز مصيونه
أنا ما قلت شعر ولانظمت القاف في سلطان=بيوت الشعر لا طرِّي تجي بالقاف موزونه
وتنشد بالمعاني الساميه لا بو الوفا الإنسان=له ابحور الشعر تنقاد وباسمه حكر مرهونه
كريم ٍ والكريم الله سبحانه عظيم الشان=حشا لله ما اشبّه عباده به ولا اخــــــونه
ولكن في البشر سلطان يعدل كفة الميزان =لا طرَّوا سيدّي اتغيب الاسما اتصير مركونه
صخي ٍوالصخي ضرب المثل في قولة العربان=كما غيث ٍ تحدَّ ر يبرق وترعـــــــد به امزونه
حكيم ٍ حاكم الحكمه خبير ٍ خبرة الميدان=وقدوة الاربع القوات ويامرهم يطيعونه
وقف معنا بحزَّة عسر تحت القصف والنيران=وقدَّم خالدٍ فدوة وطن ما خيَّب اظنونه
تقدم بالقوى والاحلاف وصال وجال بالشجعان=مسح دمعة عيون ٍ باكيه وقلوب محزونه
وحررها الديار الغاليه وقصورها ودسمان =ولله الشكر والمن يمِّن من يخا فونــــه
قليل اللي مثيله في الوفا والجود والإحسان=تمنوا من يقاضونه وفا عجزوا يوفّونــــــــــه
أكرر رغبتي لسيِّدي واستأذنه شفقان=أقبِّل كتفه الله يحفظه للِّي يعزَّونه
أمرت ويالسنافي بالمبرَّه واغتنى الجيعان=ولله الثنا والحمد وكل أنعـــــام مضمونه
أمرت وياكثر ما إنمحت باوامرك الاحزان =كثير اللي عقب ما هو بمعسر قضيت اديونه
أمرت ويالحكيم وبالبنا قامت بها العمران =شواطي خاليه صارت مدن أحلا م مسكونه
أمرت وأمرك السامي بنقل العاجزالمرضان=وباذن الله تشافى بنجدتك فرقه يداوونه
وكاد اني ما اوفّي سيِّدي لو قلتنا ديوان=فعوله ما لها قياس وكثير اللي يحبونه
ولكن بارفع يدي للسما للخالق الرحمن=وبدعي يرحم المرِّث ويسفر موقع ادفونه
ويحفظ خادم البيتين ذخر وعزّ للأوطان=وابو متعب ولي العهدعضده حارس احصونه
تمام ٍ سيّدي ويمتِّعك إبصحة الأبدان=عسى الله يحفظك للجيش وانت مهندس فنونه [/poem]
تقبلوا تحيات مخاويكم
عبدالرحمن الجبابرة
رد مع اقتباس
المشاركة الأصلية كتبت بواسطة أبوعبدالرحمن
