السلام عليكم ورحمة الله وبركاته
إخواني أعضاء منتدى غرابيل
أتمنى أن تنال هذه المشاركه إعجابكم
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البطاله ظاهره فـي المملكـة معروفـه=والسبب قل الوظايف يالمقـام السامـي
الشباب يشيب راسه مالقـى مصروفـه=لو يمد يديـه لأهـل الخيـر مايلامـي
وضعهم مزري وحنا بالعيـون نشوفـه=والبلـد مليـان بالخيـرات والأنعامـي
شفت فرقٍ في حياة المجتمـع وظروفـه=أحد تاجر وأحد يمشي حافي الأقدامـي
كل راعي واسطه يدرك جميـع شفوفـه=ماشكى جور الليـال وضـدّة الأيامـي
والضعيف ماله الا حسرته فـي جوفـه=حاجته ماتنقضي في سايـر الأعوامـي
موتره من كثر روحاته يهـرب صوفـه=والنتيجه ماطلع رقمـه مـع الأرقامـي
والحصيل الدين شاله شيل فوق كتوفـه=وآخرتها قيـدوه بقيـد فـي الأقدامـي
ولا له الا إنه يصك بقلته فـي الطوفـه=وش يسوي دام ماله واسطـه ومحامـي
يستريح مع الجميل اللي يخضب كفوفـه=ويتحلى بالصبر لو إن جرحـه دامـي
والبطاله والعنوسـه بالخطـر محفوفـه=والظمى مايونسه في الكبد غير الظامـي
كان شعري مايفيـد المجتمـع بحروفـه=ليه أصوغ الشعر وأسهر وأتعب الأقلامي [/poem]
وسلامتكم