للتواصل معكم :
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه مرّيت ذكرى قديمه=أبيات عندي من بقايا لحونك
وارخيت راسي والتباريح غيمه=ناضت بوارقها لذكرى شجونك
الهم باقي والمواجع مقيمه=في قلب من حبّك ويعشق طعونك
باقي غلاك وقدرها والحشيمه=تخيّلي حتى المواجع يبونك
توّي عرفت ان المفارق هزيمه=من يوم شدّت عن عيوني ظعونك
وان العمر في غيبتك دون قيمه=وانّي بقايا انسان تايه بدونك
وان الليالي والمشاعر سقيمه=من يوم غابت عن سماها مزونك
لو كان للتذكار والشوق شيمه=ماكنت واقف أنتظر منك عونك
ياللي وصوفك في العذارى عديمه=مالومهن لو كلهن يحسدونك
أنتي على هالزين عندي يتيمه=ما فيه مثلك في وصوفك ولونك
يا اللي عيونك في عطاها كريمه=كل الضلوع تقول : ( لبى عيونك )
أنا أدري أنك في المشاعر حليمه=ولو تجرحين القلب ما أقول هونك
يا زاهية يا غالية يا حكيمه=يا الله عساني حسب رغبة ظنونك
تبغين زبدة هالحكي في صميمه=الموت ولا أني أفكّر أخونك
والبارحه عانقت ذكرى قديمه=واشتاقت أبياتي لذكرى لحونك[/poem]
رد مع اقتباس
المشاركة الأصلية كتبت بواسطة أبوعبدالرحمن
