ممكن اسم هذا الشاعر

[صدى المشاعر]

السلام عليكم

أخواني ممكن تعلموني اسم هذا الشاعر واسم القصيدة ذا تعرفوها

واللي عنده كاملة زيادة الخير خيرين

[بـنـت الـشـيـوخ]

معروووووووووووووفة



هذي للشاعر المبدع : فهد المساعد

عنوانها : اللي تركني


[poem= font="Simplified Arabic,4,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

اللي تركني وأنا في عـز غربالـي =بعد الشدايد وش اللي ذكـره فينـي

يبغى زمانه يعود ويرجـع الغالـي =وش لون يرجع بعد ماطاح من عيني

لاالوقت وقته ولاله شي في بالـي =أنا نسيتـه مثـل ماكـان ناسينـي

ياما تمنيت نظرة منـه فـي حالـي =يامـا تمنيـت صوتـه لويناديـنـي

وأقول لااظلم علي الليـل بلحالـي =الله يجيبـه يشتـت غربـة سنينـي

من كثر ماكان طيفـه دايـم قبالـي =احيان احسه معي وتضمـه ايدينـي

ولامن تنبهت ليـن وجيـه عذالـي =كلٍ على ماطـرى بالـه يسمينـي

ليته تركني بعد هـذا علـى فالـي =زي ماتركتـه بعدقتلـه بساتيـنـي

من بعد ماصار جاب بلسانه الحالي =يبغى يرجـع زمـان بينـه وبينـي

قولوا له اني مااحبه كثر ترحالـي =او لا حرام يتضايـق والا يبكينـي

قولوا له اني احبه بس مـن تالـي =ان راح والا رجع ماعـاد يعنينـي [/poem]

[صدى المشاعر]

يعطيك الف عافية يابنت الشيوخ

واسم على مسمى

لكن توقعتها اطول من كذا