[align=center]
بسم الله الرحمن الرحيم
السلام عليكم ورحمة الله و بركاته
اخواني الكرام
يسرني مشاركتكم بهذه القصيده الجديده
و إن شاء الله تحوز على رضاكم و اعجابكم
أقوووووووول فيهـــــا :[/align]
[poem=font="Simplified Arabic,5,green,bold,normal" bkcolor="transparent" bkimage="backgrounds/19.gif" border="groove,5,indigo" type=1 line=0 align=center use=ex num="0,black"]
الصمت حكمه بس بعض العرب ثور = في كل حاجه دوم مطلـق لسانـه
والصاحب اللي بندقه دايـم تثـور = ما امشي مع دربه ولا اجلس مكانه
في خوته يا ناس مانـي بمجبـور = لنه جبـان و نسـل قـومٍ جبانـه
حيث الردي راع الكذب راعي الزور = محـدٍ يعـده يـا النشامـا تكانـه
أحب اجالس كـل قـرمٍ و منعـور = نسل الرجال أهل العقل و الفطانـه
اشفق على خوة هل الطيب و النور = الصدق عادتهـم و حفـظ الأمانـه
ما نلحق الطيب ملامه ولا قصـور = لـه عندنـا قـدرٍ كبيـر و مكانـه
اللي مثل هذا عسى ايامـه سـرور = يا طيب من جود لسانـه و صانـه
لا تخرج الكلمه قبل تحكـم الشـور = خلك ثقيـل و خـل عنـدك رزانـه
السانك حصانك و ذا قول مخبـور = يوهقـك لـو مـا تجـود عنانـه
من لا حسب للهرج ما هو بمعـذور = من لا يصون الهرج لا شك خانـه
قلته و انا ربعي لهم فعل مشهـور = رجالنا بالطيـب مسـرج حصانـه
عزيز نفس و من رجال لهـم دور = مرضى لنفسي يا عرب با الإهانـه
يا الله ترحمني ليا نفخ فا الصـور = يا عالـمٍ سـر الزمـان و علانـه [/poem]
[align=center]و سلامة الجميع
أخوكم الشاعر : مسفر الدوسري
أبو نايف
تقبلوا كل الود و التقدير[/align]
رد مع اقتباس
المشاركة الأصلية كتبت بواسطة ضيف الله الحميدي
