السلام عليكم ورحمة الله وبركاته ,,
مساكم الله بالخير جميعاً ,,
هذه أول مصافحة فعلية لي في هذا المنتدى الرائع بكم ,,
وهي قصيدة بعنوان :
(( وفيت وكفيت ))
أقول :
أنا أشهد إنك ياابيض القلب وفيت ,,
وفيت وفوق من الوفا به كفاية ,,
لولاك ما ذقت الفرح يوم حبيت ,,
ولولاك ما شفت الحزن في سمايا ,,
إنت الذي من بدت الخلق لك بيت ,,
في منزلٍ بين الضلوع الحنايا ,,
نزلت في داخل خفوقي وحطيت ,,
فيني جروحٍ ما تعرف الدوايا ,,
ولّعت بي جمر الهوى ثمٍ أقفيت ,,
وأجّجت نار العشق داخل حشايا ,,
ما تدري إنك في خفوقي تعليت ,,
وما تدري إنك قصتي والرواية ,,
رحلت عن عيني وبالدمع بكّيت ,,
قلبٍ يحبك ياغلاه وهوايا ,,
شف حالتي لاصبحت وشفها إلا امسيت ,,
ماغير أطالع فالصور والهدايا ,,
أصبحت من عقبك لاني حي ولاميت ,,
والكل حولي ما دروا وش بلايا ,,
هي كلمتين قلتها يوم سجيت ,,
والله عليمٍ بالعلن والخفايا ,,
(( إن كان في حبك تجنّيت وأخطيت ,,
فاعرف ترى باقي حياتي خطايا ))
وسلامتكم ,,,,,,,,,,,,
رد مع اقتباس
