اخواتي المشرفات اقبلن ما تنثر من حروفي المتواضعه ..كاهداء..متواضع ..بكل ود..
[poem=font="Simplified Arabic,4,white,normal,normal" bkcolor="transparent" bkimage="backgrounds/38.gif" border="none,4,gray" type=1 line=0 align=center use=ex num="0,black"]
( المهار الأصايل )
نفخر بكن حنا بموقع غرابيل = ياخيول صيته . يالمهار الأصايل
يالمشرفات .الشامخات القناديل= بعيوننا شفنا العطاء والدلايل
سود العيون اليا حكت للتعاليل = لحروفها صوت العبر. والمثايل
تأخذ لحواء من عيون التفاصيل =وتهدي لها وجه الغلا والجمايل
والذاهبه راحت بنا للمقابيل = ترسم لنا كف الأمل. والرحايل
تبغى نتطور . نسبق الوقت ونشيل =احمولنا لو صار فيها قوايل
ومجروحه اللي عذبتها المواويل = مابين ترحيب الغلا والوصايل
مدت يديها للفرح والمواصيل = بنت كرمها من كفوف الفعايل
وجواهر اللي كفها كنه سهيل =فيه الحياء. فيه العلوم الجلايل
وطيف خذت الوان ذيك التجاميل = تبغى البنات تشوف نوع ( الستايل )
وحساسه اللي اتعبت. هالمراسيل =الكل يبغاها ترد الرسايل
والمذهله تذهل عقول المساطيل = غير العقول الواعيه بالهوايل
اما الرهيبه. رايقه حيل وتطيل = بعض الجدل لا صار فيها جدايل
ولا مخاوف اسمها فيه تعليل = بين الفرح والحزن ماهو بقايل
وتبقى الرئيسه شامخه بالتهاليل = دايم تذكرنا بأجر النفايل
الله يجزاها بكور الشهاليل = ويجعل لها من هالصعاب السهايل
وطيف الوله تبغى تعيد المواويل = تبغى ترد اللي عن القلب زايل
والنايفه فيها صدوق الأقاويل = وعطر الكلام اللي به الود هايل
وختامها نفرح بكن في غرابيل = ياخيول صيته .يالمهار الأصايل [/poem]
رد مع اقتباس
تمساحـً .. وإن جــار الزمـنـ 
