العذر على الغياب
للتواصل
.
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ماجيت أدوّر لي مع الشّعار اسم ولا مكان=مكانتي متوسّط نجوم السما واسمي كبير
شاعر ولا ارضى بالغليبه والتخاذل والهوان=والمركز الثاني امتساوي في عيوني والأخير
مانيب اقلّل من مقام فلان وآهمّش فلان=ولا يحقّر من جناب الطيبين الا حقير
كلٍ على امكاناته بيعطي جماهيره ضمان=ولا تجرّا يسري الليل الضرير الا بصير
من دار أخو مريم عريب الجد ووْسيع البطان=الحاكم اللي وين مايبغى يسيّرنا نسير
اللي وجدنا تحت ظلّه عزّه وأمن وأمان=غير الرخا والعلم والعمران والخير الوفير
ماكان قاسي قدم أبوناصر صباح الخير لان=ولا فيه شي الا على يدّين والدنا يسير
حضرت أمثّلها هنا وبكل فخر وامتنان=حضرت امثّل شعب عن باقي شعوب الأرض غير
شعبٍ يموت ولا خضَع ولا يذلّ ولا يهان=دم الشهيد اللي ارتوته القاع يشهد والأسير
ماهو من امس وقبل امس المجد معهم من زمان=عاد الحقوق يردّها الشغموم بالسيف الشطير
ان كانها بالشعر فكري بيد ولساني حصان=وآجيب من غب البحر ماجيب من جال الغدير
آطب في الدرّ الفرايد وآتخيّر في السّمان=وأقدّم أطيبها على الطّرق الطويل أو القصير
مشاعري اللي ضمّها بيض الورق شاهد عيان=انّي أصوغ البيت وآركّبه باحساس وضمير
أرثي وأعاتب وآتفاخر وآتغزّل باتّزان= أنا مزيج بن الملوّح قيس والأعشى و جرير
وان كانها في وقفة وفزعة طويلين اليمان=فالوضع لله الفضل والحمد والمنّه بخير
لاصرت متدرّع بني هاجر وصبيان قحطان= آمن لو ان الجوّ متوتّر وفي منحى خطير
ربعي وهَلي ورّادة العد العذي بحد السّنان=قبايلٍ حريبهم خايب ومدحور وكسير
لاغيّيب الضيق العقل والحلم والشيطان بان=مايسلم الاّ العود والشوفات والطفل الغرير
العين شافت وقعهم والعلم سمعت به الأذان=وعلى اعداهم منّهم وسمٍ مثل وسم البعير
بالبندق وبالسيف الأملح والرمك والجبّخان=امخضّعَت روس السراه وقمّت طويق وعسير
أقولها وباقي قبايلنا لها سلطه وشان=ماصغّر فعول النشاما واختصرها الاّ صغير
العذر ياازكى من عبير الورد يالغض الليان=ياللي من أنسام الهوى الطاير عليك أخشى وأغير
من قدّك لسلهامة عيونك لثغرك والثمان=أموت وأحيا عندهن وآحوم وآوقّع وأطير
ليلتنا هذي ماهي بليلتك عدّيها عشان=بحاول أشرح علّتي و أعالج الجرح الغزير
ياوقتنا كم لي وأنا أعد الدقايق والثوان=كم لي وأنا آكن الألم والضيم نار وزمهرير
آشد وأنزل واتوقّا فالرّفاع من الطمان=واعي وأراعي البارق الرعّاد وانذار النذير
القاع تطبخ من تحتنا والسما موجة دخان=ومنا قصير يحد سكينه لنا ومنا قصير
صار الضعيف يغولنا بحلوقنا وقام الجبان=من خوفنا ومن ذلنا يجرا ويتمادى كثير
ماسرنا بطرس وهو منا ولا انصفنا عنان=ورحنا عقب ماننصر المظلوم نبحث عن نصير
لو اننا نمشي على جرّة صهيب بن سنان=وعمر وابوبكر وعلي وعثمان وطلحه والزبير
وحمزه وخالد وبن معبد وابصه وبن اليمان=والأشعري موسى وبن زيد و يزيد بن عمير
كان التلاحم كوّن النا سطوه وصيت وكيان=وكنا نجير اللي اشتكى جور الزمن مانستجير
ولو مانصم آذا ننا لامن رفع صوت الأذان=وعن كل شيٍ مايقربنا من الله نستخير
ماحد قدر فينا ولا ركّب لنا سرج وعنان=وماكان خاشرنا على زعامة العالم خشير
يا أمّة اللي حافظٍ عهده ولا قد يوم خان=صلى الله وسلّم عليه وآله الهادي البشير
الحق فيد الحق ولا يعين غير المستعان=عطفه ذرانا عن غثا اليوم العبوس القمطرير
ياامّا نحيا أحرار ولْنا بين خلق الحي شان=ولاّ نموت وماعلينا خوف في اليوم الكبير [/POEM].
وسلامتكم :)
رد مع اقتباس
-new.gif)
