والله يا جماعه علشان الأخوات اللى هما ( البنات ) مايقولوش علينا
إننا ( مغربلين ) أقصد غايرانين منهم ( قال إيه ) علشان هما حلوين وزى القمر ومسكرين
وعلشان ما يقولوش إننا الرجالة عملنا عليهم ( روباطيه )
كررت أوضح لهم إن البنت أحسن من الولد في حاجات كتير قوى منها بقي :
1 _ البنت وهى صغيرة عندها كده بتاع سنتين يدلعوها بـ ( ياختى يا كاميلة )
الواد بقي يدلعوه بـ ( أنت يالاه أنت ياض ) *
2 _ ولما توصل للـ 18 يقولولها ( يا قمر )
الواد يقولوله ( أنت يا شحط يا بغل بقيت قد الباب ) *
3 _ ولما تكبر البنت وتوصل للستين مثلآ يقولولها ( يا ست الكل )
الواد بقي لما يكبر يقولوله ( يا راجل يا عجوز مناخيرك قد الكوز ) *
4 _ البنت لما تيجي تتجوز ما بتجهز نفسها أبوها أو البيه اللى هايتنيل ويبقي جوزها هم أللى هايدفعوا دم قلبهم وهى ولا في الدماغ *
5 _ فى الفرح مافيش حد بيبص على بدلة العريس ( لأنه في الغالب بيبقي سالفها ) إنما كله بيبص على فستان العروسة وجماله ( مع العلم إنها مش دافعه مليم أحمر فيه ) واللى دافع تمنه المأسوف علي شبابه اللى جنبها*:كلوش:
6 _ لو حصل وأبو البنت زعل منها مش هايطردها برة البيت كبيرها قوى ( هاتهئ هئ ) يعنى هاتعيط شوية وبابا هايروح يصالحها على طول ....
أما الولد فيادوب يلحق مكان ينام فيه علي الدكة جنب البواب *
7 _ البنت ترغي براحتها فى التليفون وأبوها أو جوزها هو اللى بيدفع دم قلبه في الفاتورة فى الأخر *
8 _ لو واحدة عملت مخالفة بعربيتها وعيطت شوية للظابط هايعديها علشان خاطر عيون السنيورة
أما بقي لو راجل هاياخد على دماغ أمه وتتعمله المخالفة ويسجب الرخص منه أو الونش ييجي يشيل العربية*
9 _ لو البنت أتأخرت على المحاضرة الدكتور يدخلها علي طول ومن غير أسف كمان
أما الولد الدكتور يقوله روح يابابا كمل نومك برة فى الشمس *
10 _ لو واحدة ماأديتش قرايبها الصغيرين العيدية في العيد مش هايقولوا عليها بخيلة هايقولوا العيب على جوزها البخيل ( الجلدة ) *
11 _الزوجه قاعده في البيت قدام التليفزيون كبيرها قوى إنها ( تتاوب ) وتعمل ضوافيرها
أما الراجل يطلع عين أمه في الشغل كل يوم *
عرفتوا بقي يا بنات إنكم أحسن من الولاد في حاجات كتيييييييييير *************
يا بختكم يا بنات !!!!!!!!!!!!!!
ههههههههههههههههههههه
سلالالالالالالالالالالالا لالالالام