[align=center]اخواني واخواتي اعضاء هذا الصرح الشامخ
اولا لي الشرف بإنضمامي لكوكبة من خيرة
الشعراء والمفكرين والكتاب
واحب ان اشكر الاخ يحيى ابي نمي على توجيه
الدعوة لي ..
واحب ان ابدأبهذه المتواضعة التي ارجو ان تجد
ولو الجزء اليسير من
اعجابكم واستحسانكم[/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
يابن الحلال..الله يرحم شايبك..خل العلوم=بعض العلوم كبار وانته..مانته بكفولـّها
واعلم..ترا حب القدم ماهو مثل حب الخشوم=فإن طعتني لاتبتلش..بعض السوالف خلـّها
قال المثل..بأن الرخامة ماتخليها الرخوم=خصن ليا من عارضت.. من صفـّق وطبلـّها
كانك تبي العليا..فخلـّـك من قويين العزوم=والا يبا الله..خلـّـك بفي القصور وظلها
حنا هل الطالات..يوم الناس معطى ومحروم=في ساعتن..يوم الرجاء في عزّها عن ذلـّها
انشوم عن طبع الردا..واهل الردا عنهم نشوم=ولا ناقف الا في مواقيفن ينومس دلـّها
هي كلمتن بأقولها لك..ثم جعلك ما تقوم=لكنّ ركـّز في معاني كلمتي..وافطن لـّها
الحر حر..وراس مال البوم مهما صار بوم=وش جاب هاذي..عند هاذي..والطلاسم حلـّها
جعلك فدا..لام الحلا..وام الدلع..وام الرقوم=الي تمثنا حبها..فالروح لين احتلـّها
حبيبتي..انتي على بال الشعر في كل يوم=ياجعل تفداك القصايد..والمعاني كلـّها
ماهوب ينساك الشعر..لا..! والذي نشأ الغيوم=وياكيف ينسى الشعر ملهمته وهو حقن لـّها؟!
حرام بالله العظيم..اني على ذكراك دووم=واني على عهود المودة..مستحيل اخلـّها
الله وكبر..يازمانن صار حلم من الحلوم=إليا طرا..غصتني العبرات لين اهلـّها
يابنت..وطعون الجفا..العن من اطعون السهوم=اوااااه..! واشين الطعون..انّ ما لقيت ادوا لـّها
من يوم غبتي..والخفوق يصارع جيوش الهموم=والنفس..مابين الرجاء واليأس..زايد..غلـّها
الله يعفو عن خطاك..ويلعن الي لي يلوم=ويصبر القلب المعلق بين..ليت وعلـّها
وانكان صدقتي هل النمة..مروجة العلوم=الي لها دل على النمات..مااشين دلـّها
شمس الحقيقة واضحة..ولاتغطيها الغيوم=والفرق يكمن...في رضى بعض النفوس وغلـّها[/poem]
[align=center]وسلمتوووووووووووووووووووو وا[/align]