[poem=font="simplified Arabic,6,darkred,normal,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
أوااااااه من قلب ذبحه التنهات=والعين عجلات الدموع ذرفتها
أسهر طوال اللّيل والصبح مابات=وأقول ياربّي عسى تاليتها
بشرى لقلب مات نبضه ولامات=لادق كنّ عروقها حركتها
نبض يهزّ من الضلوع الصخيفات=اللي حمت قلب عشق مرحبتها
في داخلي نيّه ,, وللناس نيّات=والله يرى فوق البقاع وتحتها
نستوجب الوقفه بحبكات الأبيات=للشاعر اللّي في صخوره نحتها
إما يجيب المعطبه بالنهايات=وإلا يحاددها على قافيتها
والشعر عندي له مواقف وآيات=يوم المشاعر هالخبول سرقتها
ناس بنت بالشعر بيت وعمارات=وأنا دفعت لكل بنت ديتْها
حيث إنّها خلتني آقول الأهات=بحروف عذبات المشاعر زهتها
أتعب على قافي وأرابطه بالذّات=وأقول له شفْ صورتك يابختها
إنظم عقد لأم العيون الوسيعات=اللي تزين من الدلع سالفتها
فديت طلّتها بسمر المساءات=فديتها ,, فديت أنا سلهمتها
فديت من وسّم على الخد بوسات=أموووووت فـ يديها ليا شمّرتها
تلمّني في حظْنها ستْ ساعات=وأضييييييع لامن الحكاية حكتها
إليا حكت كنْها تحاكين بسكات=تاقف شراييني على تمتمتها
اللي غذتني من جميل العبارات=ماقيل بلسان العرب فـ لسنتها
هيهات يرجع ماضي العمر هيهات=ياليتني قطفتها بثمرتها
ياليتني قد قلت بعد اللقا هات=ماغير أكافأها على تضحيتها
ياما عشانه كنت رجل المهمّات=مثل الخفير اللّي على مدرستها
راحت وخلّتني بلا حق وإثبات=ماغير طاعت من على شاكلتها
ناس تضخّم هرجها بالتفاهات=وجهودها للتفرقة كرّستها
الله يكافينا بلاهم .. وبالذّات=الخاله اللّي بالحكي غيّرتها
كانت حكاية غير كل الحكايات=قصّة طويلة والخلايق نستها
وحلفت لأكتبها على شكل أبيات=وأضيفها لأسمي , وأكتب تحتها
حبّيتها بس القدر والمسافات=حالت علينا والسنين أجبرتها
أنها تخلّيني من عداد الأموات=وإنها تموت ولاتحلْ مشكلتها
وإنها تموت ولاتحلْ مشكلتها[/poem]
رد مع اقتباس
-new.gif)
المشاركة الأصلية كتبت بواسطة فايز ماجد
