الله ولابعض المجاليس ياحمود..//..مثل الوليش تمر وتروح عفنها

[عبد المجيد بن عريج]

[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الله ولابعض المجاليس ياحمود=مثل الوليش تمر وتروح عفنها
تلقى المعزب بابه اليوم مردود=وتلقى الهلايم له تقاود ضعنها
من مرها يقلط على كل منقود=يجلس وياكل لقمته من صحنها
مع العرب تجزا على عق وصدود=واقدام رجلي تكرم اليوم عنها
العود باير لاترجى ورى العود=ثمره من اللي لك تهزع غصنها
لوهي وراها فود مابغالها فود=ياحمود نبعد عن وطنا وطنها
عن مجلسه يلقى تصاريف ووعود=واليا اتصل هرجته ماجاز منها
موجود لك لوكان ماهوب موجود=يبغى وراك اللازمه وان ضمنها
يقفي ولاعنك من الناس منشود=وسكينته من لحم ظهرك سحنها
هذا الزمن من يصنع الطيب مجحود=(متغثرب ماها وصافي لبنها)
الذيب طاح وطيحت الصخر جلمود=والحصني ان شاف الطويله زبنها
واللي تمد الجود من جود ماجود=كن الزمان يقول ماهو زمنها
وان حاولت تبذل لها كل مجهود=سود الليالي من هو اللي ومنها
في نون عينه تنقلب بيضها سود=ذلول متعوتل بليس برسنها
هذا نصيحه دونها اثبات وشهود=اقبل بها والا نسجنا كفنها
واليا حداك الوقت واصبحت محدود=ذي غلطتك واليوم تدفع ثمنها
مانيب انا ريس على كل مقرود=يبل شبها القبار ان قام ودفنها
دنياك ماني ملحق نقصها زود=اعرف وافرق شامها من عدنها
[/poem]

[أبوعبدالرحمن]

جزل ياعبدالمجيد

صح قلبك وكلك

وسلمت اناملك

ولي شرف اللمقعد الاول هنا


تحيتي لك

[مي العقيلي]

صح لسانك

[ماجد]

ابيات جزله وطيبه

لصح لسانك وعلا شانك

لاخلا ولا عدم

[عبد المجيد بن عريج]

جزل ياعبدالمجيد

صح قلبك وكلك

وسلمت اناملك

ولي شرف اللمقعد الاول هنا


تحيتي لك

يامرحبا يالامير الجزل والابداع منك واليك

والشرف لي وشهادتك وسام على صدري

احتررامي لك

[سـامـيـه]

صح لسانك ودام ابدعك

على هذه الجميله الرائعه

دمت ودام احساسك

[فرج الدهمشي]

عدنها ...


صح الله لسانك وأجــدت في بيانك
وبقي التمـــيز والاقتـــدار عنوانك
وأعلى الرحمــن شــــــأنك وكيانك
قصيـــــدة في منتهى الروعة
وبحرف التميز والكمال مطبوعة

[عبد المجيد بن عريج]

صح لسانك

صح بدنك


احترامي

[مشعل الشايقي]

الله عليك ياجزل


لله درك على هذه الدره


صح لسانك مدد بلا عدد


تحيتي وتقديري

[ياما بكيت دمووع]

بوح شجي رسمته تعابيرك وحروفك

[باسل العتيبي]

بيض الله وجهك
وافيه من وافي
وصح لسانك لين ترضى

[عبد المجيد بن عريج]

صح لسانك

مي العقيلي

صح بدنك ومرورك شرف


احترامي لك

[عبد المجيد بن عريج]

ابيات جزله وطيبه

لصح لسانك وعلا شانك

لاخلا ولا عدم

صح بدنك ياماجد مشكور على مرورك الكريم


احترامي لك

[عبد المجيد بن عريج]

صح لسانك ودام ابدعك

على هذه الجميله الرائعه

دمت ودام احساسك

ساميه مرحبا ومسهلا مرورك شرف

احترامي لك