منور العوني

[فراج العتيبي]

السلام عليكم


اليكم هذي الابيات اللتي تعتبر مازحه للاخ العزيز والشاعر القدير / منور العوني
لعلها تشفع لي عن الغياب اللذي لااجد له تبرير



[poem=font="simplified Arabic,5,black,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
الصوره اللي على حيد الاسم من يمين = ماغير آمد النظر فـ / إيطارها واقصره
ياناصر إسلم بعد مرت علينا السنين = وان كان ذا صاحبي ( منور ) ماجبت إخبره
ماني مصدق خبر والله يامسلمين = لاكن تدرون هذا النت .. يامخطره
خلوني اهرج معه واصافحه باليمين = واطلب من الله ثم من شخصه المعذره
وينك يامنور وانا عنك من العام وين = اشوف واجب عليه ناصر اتشكره
الله جمعنا على عز ومعزه ودين = وكلٍ يعد الخوي ويشد فيه إضهره
من عادها ايامنا مابين شده ولين = لا قالو العسكريه .. نارها مكبره
رحنا بعدها نجاهد وقت .. والله يعين = ومثل ماقال المثل ( العيشه مدوره )
ولو يمضي الوقت من عمري سنين ودنين = مانساك والكذب ماوالله فيه إثمره
تمت ويبقى طلب واحد ياذرب اليمين = الصوره إيطارها فالمنتدى كبره[/poem]


وسلمتو,,

[محمد بن ضاوي]

رحنا بعدها نجاهـد وقـت .. والله يعيـن
,,,,,,,,,,,,, ومثل ماقـال المثـل ( العيشـه مـدوره )


سلمت يافراج قصيده ولا اجمل لشاعر تعودنا منه الجزاله




تمت ويبقى طلب واحـد يـاذرب اليميـن
,,,,,,,,,,,,,, الصـوره إيطارهـا فالمنـتـدى كـبـره

وانا من هذا المنبر اشاركك الطلب بعد هههههههههههههه


صح لسانك يافراج وننتظر منور

[نياف العتيبي]

فراج


اشهد انك دعيت نشمي ومادامك مخاويه فالنشاما تجتمع


على عزّ ومعزّه الله يدم المحبه


وصح لسااانك

ولاهنتتتتتت


ويستاهل العوني القصيده وحبة خشم بعد


الناايف

[محمد الروقي]

لا ياخوك الا الصوره لا يكبرها

هذا ذيب الماحاورة تباه يجفل الغزلااان

صح والله لساااانك اشهد انك حكرتها صدق

وعاده وقانون يافراج الجزااااااااااااااااله

ومنور... يستاااهل الطيبات منك ومن غارك


تقبل تحياااااتي

وتريلاتي

ورد
وند
والود كله

[احمد مناحي]

فراج العتيبي

هلا بك وغلا

صح لسانك الى رضاك

ادام الله المحبه والالفه بين الاحبه على عز ومعزه .

انت وافي ومنور كفو الله يديم اخوتكم .

قصيده وافيه ماهي غريبه عليك يافراج

تقبل مروري

[خــــالـــــد]

[align=center]
فراج العتيبي
ـــــــــــــــــــــ
صح لسـانك وقلبك يالغالي

الله يديم بينكم المعزّة والمحبّة

لاهنت يالغالي

ننتظر جديدك
ـــــــــــــــــــــ
أخوكـ/خالد
[/align]

[ركود ركود الغنامي موجود]

فراج العتيبي

صح لسـانك وقلبك يالغالي

[مفرح بن مناحي]

صح لسانك يا فراج

أبيات رااااائعة

حملت الكثير من الجمال

لله درّك

وبانتظار جديدك

[محمد نايف العتيبي]

/

الصوره اللي على حيد الاسم مـن يميـن
ماغير آمد النظر فـ/ إيطارهـا واقصـره

ايه عاد منوور يضحك كنه يقول ابك فراج وينه ههههههههه
ياناصر إسلم بعـد مـرت علينـا السنيـن
وان كان ذا صاحبي ( منور ) ماجبت إخبره

الله الله , ياجعلني فداك انت وناصر ومنور كلكم غالين , وناصر والله اللي يبي له قصيده لين يجي .. اخذته الشرقيه ..



ولو يمضي الوقت من عمري سنين ودنين
مانسـاك والكـذب مـاوالله فيـه إثمـره

الطيبين ماينسون بعض لله دررررك يافراج ..

تمت ويبقى طلب واحـد يـاذرب اليميـن
الصـوره إيطارهـا فالمنـتـدى كـبـره

الله واكبر ,, منور يلا يابو سعد كبر الصوره لاهنت ...




فراج العتيبي


جززززل وماشفع غيابك بعد الله غير هالجزله ولا تجيب الا جزل طال عمرك



صح لسانك مليوووووووون لاهنت



دمت بخير


محمد بن نايف

[منور العوني]

صح لسانك
وبيض الله وجهك يافراج

الطيّب مايجي منه الا الطيب


لي عوده بمشيئة الله

[منور العوني]

هذا الرد والمعذره على القصور

[يوسف عبدالله الغنامي]

فراج


صح لسانك ياجزل

أنت شاعر مبدع ورائع يالغالي

[وجـد]

الله الله

يا سلام على هالحضور الوافي

صح لسانك × صح لسانك

لاهنت

احتراااامي
و
ج
د

[فراج العتيبي]

ابو ضاوي



اسعدني تواجدك واطرائك الطيب

[فراج العتيبي]

نياف العتيبي



بيض الله وجهك وصح بدنك



اخوك