بسم الله الرحمن الرحيم
أقدم لكم اخواني واخواتي العزيزين هذى القصيده واللتي مر عليها مده من الدهر
ومناسبتها مناسبتين عزيزتين علي وعليكم
المناسبه الاولى مرور اللملكه العربيه السعوديه عى مئه عام
والمناسبه الثانيه زيارة مولاي خادم الحرمين الشريفين صاحب السمو الملكي عااااااااهل البلاد المفدى حفظه الله ورعاه الملك عبدالله ابن عبد العزيز وحينذك كان ولى العهد . وقام بزياره في يوم 1\من شهر 1 محرم من عام 1420
هجري لمحافضه الاحساء من المنطقه الشرقيه من مملكتنا الغاليه فعندما علمت بزيارة مولاي احببت ان احاول
بمشاركة فى استقباله فى الحفل المعد لسموه وقمت بسرد وكتابة القصيده وحفظها غيب عن ظهر قلب
ولكن اتى سيدي ولم اتمكن بسبب ظروف خاصه ان القي القصيده بين يديه وكان توقعي ان الشعراء في الاحساء قليلين ويمكن مااحد جهز قصيده واللي توقعته حصل لو لا الله ثم شاعر مري قدم قصيده واحده فى الشعر النبطي فقط وهذى هو موضوعي لااعم الشعر كله بل يوجد شعراء فى الاحسا ء وقدمو اطيب قصايد الشعر العربي الفصيح المتقن
للغوين واما الشعر الشعبي فهو قليل الا ماشالله عند الباديه فقط لاأطيل عليكم
ملاحظه \ القصد من نشر القصيده هو كمايعلم استاذي وقدوتي الشاعر
عبدالله محمد اني ارغب فى اصدار ديوان للي ويعلم انه طلب مني خمس
قصائد لاصدار الديوان وشكرا له على مبادرته وتعبه معنا وجزاه الله خير
وهذى هي القصيده (الأولـــــــــــــــى )
[poem=font="Arial,4,deeppink,bold,normal" bkcolor="transparent" bkimage="backgrounds/27.gif" border="double,4,green" type=0 line=0 align=center use=ex num="0,black"]
يامملكتنا عيدنا صار عيدين = عيد ارمضان وعيد ذكرى مجيده
أمية سنه أمن وأمان وقوانين = والشعب يرفه فى حياتنْ سعيده
من فضل ربي فى البلد مستقرين = فى ظل حكامٍ مشو بالعقيده
نحمدك ياخالق بنادم من الطين = أمن الوطن يارب ينك تزيده
ومرحوم يموحدلناالمملكه لين = صارت معالم مملكتنا فريده
عبدالعزيز اللي له القاسي ايلين = ايلين لون انه سوات الحديده
إمام جاهد واعتلت راية الدين = افنى حياته فى الحروب العديده
بالسيف والشلفاء يخوض الميادين = لين انها جتله على مايريده
رفع علمنا فوق نخله وسيفين = وكوّن لنا أمن وسياده وسيده
من دار اخو مريم غزا معه ستين = من خيرت ارجاله قرومٍ شديده
شجعان ظفرانْ وفى الحرب صلفين = من روس قومٍ فى الملاقاء عنيده
ايقودهم عبدالعزيز احمر العين = ويقول والله ملك جدي لاعيده
على ظهور الهجن فالليل سارين = سارين فى ليلنْ وبردنْ وقيده
متوجهين لنجد نجد العريبين = نجد العرب نجد الرجال المجيده
من عقب ابو تركي رسم خطته زين = خامس شهر شوال من بعد عيده
دخل بربع وثلاثه ارباع باقين = وانشهد ان الحر نفذ وعيده
وطوق على المصمك فقل من دقيقتين = ولين ابن عجلان يرفس مديده
والرمح شاهد حي باقي لذا لحين = على شجاعة صقر نجد الفريده
ثم اكمل ايجاهد ثلاث وثلاثين = عامن وراعام(ن) وربي عضيده
اسس كيان الدوله وقال ذلحين = كل شي قرر بالعلوم الوكيده
وبعده عياله الصقور الشياهين = من بعد الإمام استلمها حفيده
اسعود دار الحكم داره بتقنين = وسعود بعده فيصل اللى طريده
وخالد عساه بجنة الخلد امين = امين فى الجنه وربي يزيده
وفهد فهد كيد العداء والمعادين = خلى عدانا فى حيات(نْ) زهيده
يامسمي اسمك خادم(ن) للحرمين = الله عسى ايامك عديده مديده
نفداك بالارواح لك عندنا دين = ومن دونك الأنفس تموت وشهيده
حنا لرهن اشارتك مستعدين = والله يدبر مايشاه ويريده
ويامرحبا بمزين الحفل تزيين = ترحيبة(ن) بهل الصفات الحميده
فى يوم واحد من سنه عام عشرين = اليوم بزيارتك هجر سعيده
تعطرت بمسك ورد ورياحين = وتلبست هجر الثياب الجديده
لبو الارامل والشيوخ المسنين = يمسح مدامع اليتاما بايده
ياسيدي أمرك على الراس والعين = ياحامي اعهود الفهد ياعضيده
الشعب لامرك يبو متعب مطيعين = وكل يقبل صورتك فى الجريده
حبك جرى فى الدم وسط الشرايين = فى قلوبنا لك المحبه وطيده
وسلطان ابو خالد صعوط المجانين = وهداج تيماء بالخصال العديده
نهار ترجح راجحات الموازين = وزير جيش ونار كبرى وقيده
مده ضفا على جميع المحيجين = ماصك بابه عن ضيوف(ن) تريده
خيره يعم وعم الادنى والاقصين = ماحسب اللي ينفقه من رصيده
ونايف للأمن الداخلي درع حصين = نمشي بتوجيهاته اللي سديده
ولاهانو اصحاب السمو الحاضرين = أمجادكم ماتنحصي فى قصيده
يعظم ملوك الأرض واقوى السلاطين = وخير خلق الله وصفوة عبيده
وختامها عدد جموع المصلين = واعداد من ادوا فروض العقيده
وسعو وطافو بيت ربي ملبين =صلو على محمد بختم النشيده
[/poem]
(اللهم صلي وسلم عليه)
وسلامتكم
رد مع اقتباس
المشاركة الأصلية كتبت بواسطة أبوعبدالرحمن
