رداً على أمل بنت عبدالعزيز (عني وعن ولد عمي سعود )

[*أهداب*]

السلام عليكم ورحمة الله وبركاته ..

وش أخباركم جميع ...


هذي قصيدة مني ..أرجوا تمريرها ..وهي رد عني وعن أبن عمي المراقب العام سعود العتيبي
على الغالية والعزيزة ..أمل بنت عبد العزيز

وهي على هذا الرابط


http://www.sfsaleh.com/vb/showthread.php?t=95281

***

[poem=font="Simplified Arabic,5,black,bold,normal" bkcolor="transparent" bkimage="" border="double,1,black" type=1 line=0 align=center use=ex num="0,black"]
حنا عتيبه من رجال الفراسه=يابنت من شبه الجزيرة حرسها
المزح يجعل للمواقف بلاسه= وأنتي من أكبر من غنم وابتلسها
الذئب ذئب ولا يخلي النجاسه=وأنتي من اللي يقتبس من قبسها
عتيبة الهيلا غمصها فراسه=فريس وقت الضيق محدن فرسها
درعك لياجاء فالمواقف عماسه=تدعس رقاب الناس محدن دعسها
والعذر من بنت الشيوخ إلتماسه=والطيب في أولها ومطلع نفسها[/poem]


وسلامتكم ..
كانت على السريع ...
والحال ضايق ..
لكن أضحك الله سنك يا أمل ..
مثل ما أضحكتي ضروسنا ...

[سـعـد الحويماني]

المقعد الاول بكل فخر

[عبدالناصرالعالي]

اهداب



صح لسااااانك

[سـعـد الحويماني]

هذي قصيدة مني ..أرجوا تمريرها ..وهي رد عني وعن أبن عمي المراقب العام سعود العتيبي

هاذي يا اهداب عابره للقارات يعني مررت نفسها غصبٍ عن اللي مايرضى

صراحه ...

جزله ..وقدحة زناد محترمه من شاعره واخت قديره

الله يوفقك وفالك الجنه ياوخيتي باذن الله

عتابه يارفاقه

:)

[عايدالعنزي]

اهداب وقصمن رد ناري فلو كان نفس رصاص امل اي التزام القافيه
كان نخلي ابو الدحمي>>>> يكلم صديقه(كوفي بن عنانه)
<<<<طيب وش دخل خروفي نعامه فالموضوع مودري:مدري:

>>>>>سعود ههههههههههه شكلك مسافر

>>>>سعد الحويماني الله يسعدك يالدب هههههههه

صح لسانكِ ياأاهداب وننتظر القنابل القادمه منكِ ومن امل
<<<<يحب يشاهد جمس بن بوند العنزي

[محمد الجبريني]

الشاعره اهدب صح السااانك
دايم انتي جزززززله لله درك من شاعره
وموفقه خير ان شالله
تحيتي وتقديري

[بـنـت الـشـيـوخ]

اهـــــــــداب

كفو والله

وصح لساااااااااااااااااانتس ملايين

ولاهنتِ يالغالية

==========>> خطيرة يااهداب

[خالد عبدالكريم]

[align=center]إيش الكلاااااام .... هادا ...

.... نترقب . .. محاوره شعريه ... يبي يولعها ..



لاهنتم جميعا ... كا ن لي حضووور .. وأطلعت على قصيدة امل .. [/align]

[*أهداب*]

حياك الله ياسعد ..ولنا الشرف في حضورك يابن العم ..

لا خلا ولا عدم ...

خلك قريب بس تسمع وتشاهد ولا أحتجنا لك ولاك قريب ..العلوم فيها طلق ..وقناصة ..

وبنت عمك لها ..لا تاكل هم ..

[*أهداب*]

عبدالناصر
لاهنت يالقرم

[زايد الروقي]

اهداب



صح لسانك



و الموضوع فيه رصاص و قتل و علوووووووووم



كفيتي و وفيتي و انا خوك



دمتي بخير


....

[عتيبي جداً]

ماشاء الله تبارك الله

كفو والله يابنت العم وصح لسانك الى يوم الدين

ومشكلتنا مع أمل مشكلة عويصة

هههههههههههههه

بالتوفيق

[صالح المرزوق]

[align=center]بسم الله ..

اهداب .. صح لساااااااااانك

الله الله بالطلق والطليق .. لاتحرمونا كثر الرصاص ههههههههههههههههه


ما قصرتي

.
.
.


صالح المرزوق[/align]

[أمل عبدالعزيز]

,
,
,
,
الرائعة ( أهـــداب ) الحبيبة أضحك الله سنك وخشتك كلها بعد:هاها:

صح لسانك انتي وولد عمّك على هالأبيات الجزلة:هاها:
ههههههههههههههههههههه بس لاتتعودونها وخلوا رصاصكم لغيري

ويشهد الله اني تنومست وتعومست بعد بهالمجاراة الطيّبة
ههههههههههههههههههههههه

وبعدين بصراحة أني قلت خلينا نغير الجو الروتيني في الشعر نبي نسوي اكشن هيك فمابه أزين من أكشن كله رصاص أبد تسنه جمس ولد بوند فيذا مغير طقها والحقها

وبصراحة عيال عمك العتبان ماقصروا الله يوفزهم ههههههههههههههههههههه

ولك حبي وتقديري

[*أهداب*]

عايد العنزي ...
الرصاص خبرك أنواع ...وفي النهاية رصاص
تعددت الرصاصات والموت واحد


حياك يالذئب..ولا هنت ...

وولد عمي سعود قريب ماهوب ببعيد ..
وعطاها طلقتين ...تحذيرية ...

صح لسانكِ ياأاهداب وننتظر القنابل القادمه منكِ ومن امل

لا يغرك فــ أمل حبيبتي ...وأنا حبيبتها
ما أدنى عليها دقة الشوكة