[img]http://missgharabeel.********************************************/esh.jpg[/img]
[poem=font="Simplified Arabic,4,darkred,bold,normal" bkcolor="white" bkimage="" border="outset,10,chocolate" type=2 line=0 align=center use=ex num="0,black"]
*
*
ما يشابه غيابك عن عيوني غياب = وما يشابه حضورك يا حياتي حضور
وما حسبنا لغيرك يا العزيزة حساب = ضاعت سنين عمره في محله يدور
كيف بالله غبتي في غيابك عذاب = ما تشوفين دمّي لا فقدتك يفور
القصايد تعوّد في حضورك شباب =والشعر دون شوفك ما له اليوم دور
والغلا والتوجد والوله والعتاب=كلها لا ذكرتك في خيالي تثور
شاعرٍ حاز حبك لا حشا ما يهاب = دام مثلك يحبه يستحق الغرور
كل عذراء تغنّج في عيوني سراب=لأنك أنتي خذيتي كل ما في الشعور
لو تزيّن بدور ولو تدلّع رباب=ما اجذبتني رباب وما اعجبتني بدور
ما فتح غير عينك داخل القلب باب=أنتي اللي عيونك تستحق العبور
أطلبي يا حياتي كل أمرك مجاب=لو عطيتك حياتي يا غلاي معذور
ما أوفيّ جمالك لو رقيت الهضاب =وما أوفيّ جميلك لو قطعت البحور
كان ودّك بصفحة جيت كلي كتاب=وكان ودّك بكلمة جيت لاجلك سطور
لا تلومين قلبي يوم حبك وذاب = قبل أشوفك حياتي يعتريها الفتور
من عناي وهمومي جيت يمّك مصاب=وبعد ما ذقت حبك صار قلبي جسور
إن ظما القلب صرتي للخفوق الشراب=وإن بغيت السعادة ما ذخرتي سرور
وقتي اللي بدونك يظهر ألفين ناب =والمشاعر حزينة ما عليها قصور
لا يطوّل غيابك ما أطيق الغياب=قبل أموت بغيابك مات كل الحضور
*
*
[/poem]
رد مع اقتباس
المشاركة الأصلية كتبت بواسطة عشق ليل
