[poem=font="Simplified Arabic,5,white,normal,normal" bkcolor="transparent" bkimage="backgrounds/21.gif" border="double,4,purple" type=2 line=0 align=center use=ex num="0,black"]
السلام عليكم ورحمة الله وبركاته
اليكم هذه القصيدة من أواخر ماكتبت
اذبحيني...
جِعْلها الدنيا تموت..وما تشوف الصدّ عيني=والله اِنّه ما يموّتني وداع الاّ وداعك
أدري اِنّك في رجا حَرّ اللقا وتموت فيني=وأدري اِنّ الوقت ماعييّت لو هُوْ كان طاعك
يكْفي انّك قلت ماأبيهم علشانك تبيني=ويكْفي انّ القلب مايشري بشَر لو كان باعك
تسعديني أسعديني..تعذّبيني عذّبيني=ما يهِمِّك كلّها الدنيا بسيطة..باِقْتناعك
المهم اشغِل خيالك..وانتي أبغى تشْغليني=بسّ ما أبغى تشْغليني عن لقاك وعن سماعك
دامِك اللّي عطّشتني شوق..في رمضا سنيني=ودامك اللّي ما شبِع قلبي هوى من يوم جاعِك
ضيّعيني بالدلَع لاجيت يمّك وأحتويني=وأنا بأدلِّعْك لين تضيع..بسّ أحْوي ضياعك
أحفظك حفظي لعهْدِك..والقسم بينك وبيني=مثلما ترضي طموعي..والله اِنّ ارضي طماعِك
بسّ لا قصّرْت في حضرة جنابك سامحيني=وأقبلي عذري..مادام انّ الدلع سيّد طباعك
وأذبحيني بالتمادي..كلما قلت أذبحيني=أذبحيني بالهوى..في كل شي..الاّ وداعك
وسلامتكــــم...
علي عبدالرحمن الاسمري[/poem]