السلام عليكم ورحمة الله وبركاته
كل عــآم وانتم بخــير
واليـكم هذه المـتواضعه آرجوا قبولها..
[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماني على بعض المداهيل مجبور=طرّت على قلب العنا ذكرياته
مريتها رايحتٍ حطام ودهور=ماكن حيٍ عاش فيها حياته
وقفت فيها تايه الفكر مذعور=اراجع الماضي واجمع شتاته
ابحر مع الهاجوس من غير بابور=تصفق بي امواجه على اربع جهاته
لو همت في بحر الهواجيس معذور=الوقت دايرتن علينا رحاته
سود الليالي تطحن مالها سور=كم واحدٍ منها يهل عبراته
فالحزن والافراح جاين لها دور=واللي جهل فيها خطيرٍ بياته
اترجم الواقع باحاسيس واشعور=شاعر يعبر عن شعوره وذاته
يطلع بجزل الشعر من طور في طور=تلقى الكلام العذب في مفرداته
يذكر له ايامٍ قديمات وعصور=وجب على فكره يحضر بناته
والشعر حبك وسبك واوزان وبحور=ماكل من سواه يحسن سواتها
وانا احمد الله ماعلى شعري قصور=كمل نصابه ولزمتني زكاته
مادام الي في ساحة الشعر جمهور=يافكر مايطري على القلب هاته
في موقعٍ خالي من الناس مهجور=شدوا هله واقفوا بدون التفاته
كلٍ عطى له درب مع شقة النور=يالله دخيلك من حياة الشماته
في مامضى كله بساتين وزهور=واليوم ميت من جذوره نباته
مافيه غير وحوش عقبان ونسور=وقليب راع المزرعه ونخلاته
قضيت فيها ايام وسنين وشهور=يوم الصبا والغي ومناوشاته
يمر يومي كله افراح وسرور=مازلت في ذكراه واطعم حلاته
الله على دنيا الغرابيل والجور=من سانعت له يوم تشقر عصاته[/poem]
رد مع اقتباس
المشاركة الأصلية كتبت بواسطة مرزوق الغنامي
