انا الخاين انا المذنب اللي مـا عـرف قــــدرك
انا اللي خنت احساسك ودمــرت الوفـا تدمـيـر
انا ذاك الذي اغمد سيوف الغــدر فـي صـدرك
انا العاشق لتعذيبك متيم فـي هـوى التغــــييـر
انا من هو؟ عرفتيني.. انا تايه وســـط بحـرك
انا اللي لا عشقت الامس يومي اقـلبـه تذمــيـر
ترى ما اعجبني اسلوبك ولا بردك ولا حـــرك
ولا تعجبني البســــمه وحبـي مـا يبـي تخــييـر
تبين فلان.. روحي له.. انا ما همني هــجـرك
نصيحه لو بغيتي ذاك.. روحي له بلا تحــذيـر
انا منك عرفت الغــــدر ومنـك يحتصـر امــرك
انا فـيك ابتديت الحــلـم وانهــيتـه بـلا تفـــسيـر
انا كل الخطـــايا اللـي حملــتيهـا علـى ظهـرك
انا ذنبك وغـفرانك.. انا الصوره.. انا التعــبيـر
على فكره عرفتينـي؟ انـا جهـــــرانـك وسـرك
انا اللي لا خفاني الامـس يـومي كسره تكسيـر
انا قصة رجل صابر على بعـدك علـى غــــدرك
انا الراضي لاخطـائـك وكلهـــا مالهــــا تـبريـر
انا خــــيمه نصــبتيهـا علـى كفـــك علـى بـرك
كـسرتي دلة اشــواقـي بـلا تـوبـه ولا تكــفــيـر
انا ماني ولد عـاصي افجـــر نفـــسـي بصـدرك
انا المسجــون بأعمـاقك على كـيفي وانا له ميـر
انا من عذبي اسقـيتك عـساه يفـــيض من مـرك
عساك ويا عسى يومك يفــيض من الوله تنكـير
انا يا بنت ماني ذاك ولا مــن بــاح فـي ســـرك
لعبتيهـا مع المسكين وســـرك لا يـزال ف بــيـر
رغم هذا انا الخاين.. انا اللي ما عـــرف قـدرك
اذا نواف هو الخــاين.. من اللي يستحـــق تقدير
من اللي من بعد نواف يكابر في زمن عصـرك
من اللي استعمر احشائك من اللي ينتظر تحـرير
عرفتي من هــو الخاين من اللي دمـــره غـدرك
من اللي خانه المـوقف على شــانك بـلا تفكـيـر
كفى يا بنت ما عادت جــروحي تنتظـر عــذرك
تهني واتركي عمــري وعـــيشي لعــبـة التغييـر
عــرفتيني انا مــن هـــو انـا دنيـاك انـا قـــبـرك
انا حلــــم تلاشى فيـك وحــــب ينتهـــي ويصيـر
رد مع اقتباس
