سلسلة وآخزياه للإنتاج الساخر تقدم ...
موضاعات إجتماعية .. وسياسية ( الله يكفينا شر الكلبوش ) .. ودراسات علمية أساسية قائمة على اللآمنهجية أستوقراطية مكسيكية << ولا فاهم أيتوها حاجة .
موضوعاتنا ستكون متنوعة وتحمل العنوان نفسووه وتقول لكل العالم (( وآآخزياآآه )) .. حصري فقط لغرابيل ونمنع أي قناة من نقلها إلا قناة سبيس تون فقط
لأني أحبها كثيراً ,,, وتفكني من أخوي الصغير لا يقعد يعبث في جهازي ..
....
....
....
وآآخزياآآه (1)
من أمثال 2010
(( بعد ماشاب لبسوه طيحني وكآب ))
ملئ الشيب وجهه .. وتعفط خشمه وأنحنى ظهره .. له أحفادُ أحفاد . وأبناءٌ كالجراد .. وفجأه \\ وفجأه طن طن << متأثر بالمسلسلات
تدب في عروقه حمى المراهقة المتأخرة ,, وأول باب يدخل منه إلى شهرة المراهقة ألا وهو باب الإنتر نت ..
العجوز المراهق \\ يا وليدي هالحديدة هذا كيف تهرجون الناس فيه .
حفيد العجوز المراهق \\ يا جدي يا جدي هذا لآب توب يا جدي مو حديدة هذا تطور جديد نكلم بنااات وورعان . وشي شي يا جدي .
العجوز المراهق \\ بنات!! يا وليدي علمني عليه .
حفيد العجوز المراهق \\ تعال تعال يا جدي أعلمك وأدخلك الشات الفلاني ..
وتبدأ القصة ويروح فيها الشايب يأخذ العلم من أسفل ولا ينتبه لإشارات حياته المروريه .. ومانيب أتكلم من الفاضي هذا شيء شفته وسمعته ووقفت على مواقف كثيرة من هالنوع .
شايب يطارد بنت في عمر حفيدته .. يغريها بماله وشعره الرومانسي ويقول أنا ما تزوجت في حياتي مره وأبي أستقر ..
أستقريت في قدر ضغط يالبعيد ... وين شيبان قبل الي كل شيء عيب وإن تعديت الحدود معهم أشتغلت الخيول في روسهم درقن درقن درقن درقن ومسطووك بالعقال لين تسف كيس طحين ,,
7
نقوله
7
.وآآخزياآآه.
,,,,
,,,,
وأتركني من عالم النت لأن حدث ولا حرج فيه النت وشيء ملحوظ بقووه ولكن شووفهم في الحياة العادية !
نزلت مره سوق الهرم بتبوك لقيت شايب مكشخ وش ذا الوقار وريحة العود تصفق في جوانب السوق وواقف برا عند باب محل ملابس نسائية .
وسبحة وساعة ماغير تلمع ,,
أنا صراحة دخلت قلبي هيبته وركزت عليه قلت أكيد رجل أعمال كبير بأنقز في حلقه وأقول أبي وظيفة سوكرجي قصدي سوكريتي عندك بالشركة
شوي طلعوا بنات من دآخل المحل وقالت وحده شكراً حبيبي على الهدية خلاص سواقنا جاء ..
قال هو وش الي جاء بدري ماجلسنا مع بعض .
طمرت وحده وبصوت مرتفع علشان تسمعني أنا الخاروف الي قاعد أتصنت عليهم إن دفعت أكثر صرفنا السواق .. << أولاً خطاب للبنت سواق يا شحاذه وأنتي بايعه شرفك وشرف أهلك بكم مية ريال .
طاح من عيني طيحة والله قوية وفعصته برجلي بعد ... وقلت يا ويلي يا ويلي .. وش خلى للشباب المراهقين .. المفروض هذا مصلح للمجتمع ماهو مخرب .. هذا عنده بنات كيف ما يخاف عليهم
هذا عنده حفيدات كيف هدر عرضهن .. ..
7
نقوله
7
.وآآخزياآآه .
,,
,,
شايب همل زوجتة الأولى وعيالها عمره في الخمسين وبس سفريات برا كل سنة مرتين ومضيع الطاسه ويدق الكاسه بالكاسه ..
ويلبس جنز وصاير ينافس العنز ,,, جيكر بقوووه .. وبعدها تزوج حبيبته في المغرب وطنش أم المسؤوليات في السعودية
وصارت زوجتة على الضمان وعيالة على الجمعية الخيرية ..
7
نقوله
7
وآآخزياآآه
,,
,,
الشيب زمان إن طلع في الرجال زاده رزانه وأكثر من إحترامه لنفسه قبل أن يحترمه الناس وصار مرجع للحكمة والعدل والرؤيا الصائبة ..
ألحين يا خسارة تسفطوا شيباننا .. وضاعت هيبتهم ..
وينك يا جدي وينك يا جدي وتشوف ألي أنا أشوفه ..
ألحين في راسي شعرتين بيضاء بأحاول أحترمها وأعطيها قدرها .. وأنتم بعد يا من تقرأون لاتهملوا الوقار وأحفظوا الفضيلة .
ولا تندرجوا تحت ( وآآخزياآآه ) ..
وإلى لقاء آخر ..
بندر النايف