المشاركة الأصلية كتبت بواسطة سيف الاسماء
[poem=font="Arial,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا صباح الخير لطـال السهاد = في عيونه سبة الفرقى سهيره
يقطع الله ماضي سنين العناد = لابـتدى لورديه الاحلام سيره
زادني حتى اذا طـغياه عاد = يترك الحسرات لظلوعٍ كسيره
رحت اردد لوعـته في كل واد= اعطى المعنى لقافي واستعيره
قربك التايه بغّي الابتــــعاد = قيحوانٍ انحرّم لذة عبيره
حزنٍ بخفاق محرومـك بلاد = لسلاني ارسـل همومك سفيره
مايوفي هالعذر ذات المراد= السهايل صارت بدرب العسيره
كني الي غادي بقيض الحماد(1) = ضايعٍ في حره وضيّع بعيره
لا قراح ولامع المسكين زاد = ينتظر في خلوته غربة مصيره
كل ما جفنه تغشاه النواد = تقعده من غفوته مليون حيره
ومن رفع سبعٍ طباق بلا عماد = ثم بسط سبعٍ كما بسط الحصيره
ما نسيتك يا مناتي والوكاد = ان نفــسي في محبتها اسيره
النوايا الغارقه فبحر السواد = الصغيره تبقى همتها صغيره
و صدقيني من بدايات المهاد = لين انــازع سكرة الموت الاخيره
لو تبدل صاد [صرح] الحب ضاد = لو جرحي سل سيفه من جفيره
ما سواكي صادق الإحساس راد = ما احـس بهالمشاعر شي غيره
لو سالتي حلمي العاشق (افاد) = انك الي وحدك بحبي جديره
وان تعجبتي لما حبك اباد = في فؤادي للهوى اطلال ديره
قلت لانك منبع النور ومداد = كل قمراء تسهر بليلٍ وتنيره
انك اول باكيه دمعة حداد = من فراقي وامست بحالٍ خطيره
من توادعنا محبتنا وساد = حكينا مقدّر عسى بالامر خيره
دمعة هليتها باخر وداد = خالطتها همـسة البوح المريره
كل فعل يبادله بالارتداد = رد فعل يشابهه او يستثيره
لو تبادر بالغلا هند وسعاد = او منهي بالحلا تشبه (( .....))
ما لقلبي بالهوى شوقٍ يقاد = ما وردت العد لو صافي غديره
بس انتي من لها بالحب جاد = خافقي واعطى لها تاج الاميره
يعني اني بلتزم خـط الحياد = مستقيم امشي بدنيا مستديره
لين ياذّن باللقاء رب العباد = او اعيشك للابد ذكرى وسيره[/poem]
(1) منطقه صحراويه شمال المملكه
رد مع اقتباس
