السلام عليكم ورحمة الله وبركاته
أسعد الله صباحكم بالخير والمسرات
هي قصيده أرجو ان تعانق ذائقتكم
[poem=font="Simplified Arabic,5,white,bold,normal" bkcolor="coral" bkimage="backgrounds/37.gif" border="none,9,sienna" type=2 line=1 align=center use=ex num="0,black"]
الوقت يغري فـي كتابـة قصيـده=للحاير اللـي خـط همـه بيمنـاه
يبـي يجـدد للمواجـع جـديـده=وينشر على بيض الورق كل ماخفاه
هذا الزمـن كلـه ظـروفٍ عنيـده=يجرح ويخطي ثم نجنـي خطايـاه
وبعض البشر صارت حياته بليـده=عايش بذل ونظرته تحـت ماطـاه
ماينتهـض للعـز والـذل سيـده=ولايفرج الضيقه على من تنصـاه
غريب وقتٍ يِبكـي اليـوم عيـده=ياكيف نفرح والفرح قفّـت خطـاه
وشحيلة اللي قابض الجمـر بيـده=صُبر كثير وتالـي الصبـر خـلاه
وشح الزمان ولا حصـل مايريـده=واقفى وهو من حيرته عاف دنيـاه
كنه سجينٍ مـل شـوف الحديـده=يبي الخلاص ولا لقى شخص ينخاه
غير الجدار اللـي يـدون قصيـده=هو الوحيد اللـي لياضـاق يلقـاه
(( حمدان الشمري)) [/poem]
وســلامة قلوبكم