السلام عليكم ورحمه الله وبركاته
هذه مصافحه جديده لكم من خلال هذا القسم الرائع بعطائكم اللا محدود
أتمنى أن تحوز على شي من رضاكم و إستحسانكم
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="double,4,gray" type=1 line=0 align=center use=ex num="0,black"]
أبنتظــر ردّك وانا اقــــــــــول يا عل=ياعل قلبك بالغــــــــــــلا يحتويني
أسـباب صدك كنه السيف لـــنسل=وحسام بعدك واضعه فــي جبيني
زود الغــــلا والشوق يازين مـــا قل=الله لو شفتي بقـــــــــــايا حنيني
دام الخطا مــــردود والخــــل ما زل=ليش الجفا وش صار بينك وبيني
من عقب هجرك الحزن داخلي حل=حطم رجا عمري وفرحـــة سنيني
تكفين عودي لي فنا خاطـــري مل=يا ليت قلبك مالقســـــــاوه يليني
اناظر القمرا وانا عـــــــــالي التل=واقول خلي راح ما حــــــس فيني
الفكر سارح ظل بين الوهـــــم ظل=والشوق يصرخ في ضلوعي أنيني
عاشق مولع تاه في الدرب مــا دل=كــــريم من أصله ولا جاب شيني
عزيز قومٍ رافع الـــــراس ما ذل=ما يشتكي لو صـــار جرحه دفيني
يا صاحبي لحظه طــــلبتك تمهل=حكم ضــــميرك وادري إنـك تبيني
ليتك تشوفيني وتعطيني الحـــل=الحل بيدك صــــــــار ما هـو بديني
القلب من عقبك غـــــريبٍ ومعتل=والدمع حاير مالـحزن وســـط عيني
ابنتظر ردك وانا اقــــــــــول يا عل=ياعل قلبك يالغـــــــــــلا يحتـويني[/poem]