مفاجئة مذيعة الجزيرة أدهشت المشاهدين

[قوت القلوب]

الحمدلله ان في ناس لحد الحين تخاف ربها
الله يهدينا ويهديها
جزاج الله كل خير اختي ياسمينا
تحياتي

[ريموو]

أخوي فيصل أجمل تحيه أوجهها لشخصك

يحق لك تتكلم في الجزيره متى با بغيت انت أو غيرك

للجميع أقول ردودي هنا كانت دفاع عن الجزيره 00 دفاع عن قناة مفضله لدي

وتمنيت من الأخوه يكون ردهم ومشاركاتهم في حدود الموضوع نفسه وما يتطرقون لمواضيع أخرى

ذكركم لدولة قطر في أكثر من مره 00 هذا شي يزعج ويضايق

ولو تلاحظون اني ما ذكرت قطر ابد لا من قريب ولا من بعيد

كل اللي تكلمت عنه قناة فضائيه والمفروض كل المشاركات تكون عن القناة نفسها

وعندي سؤال حيرني 00 اوجهه لكل اللي شاركوا بهالموضوع

قطر وش دخلها ؟؟
من جاب طاريها بالموضوع أساساً ؟؟

لا تقولون ما غلطنا على قطر 00 وانتم ذاكرين سياستها وحكوماتها
وحتى لو ما غلطوا
ما كان له داعي تتطرقون للدول

دفاعي عن الجزيره 00 نابع من حبي لها واعتزازي بها
مو لانها قناة قطريه

بعدين لو انا من السعوديه او الكويت او البحرين ودافعت عنها كنتم بتتكلمون عن دولتي

ما أظن

يا جماعة الخير 00 قـــطـــر 00 ديرتي 00 مالها علاقة بالموضوع

اللي بيقول رايه 00 يقول براحته

عن الجزيره وبس ولا تذكرون قطر


اتـــفـــقــــنـــــــــا ؟؟

[][ الفيصل ][]

أختي أسرار أحلى تحية صباحيه أوجهها لمعاليك


لعل أن الشباب تكلموا عن قطر بدافع أن القناة تصدر من قطر وبرأس مال قطري



بس هل لي أن أسمع منك ماذا وجدتي فيها وجعلتيها القناة المفضلة لديك؟؟؟ أعرف أن لا دخل لي بالموضوع ولكن لتجاذب أطراف الحديث



والله الهادي إلى سواء السبيل


تحياتي لك

[ريموو]

تحيه صباحيه موجه لك أخوي فيصل بالمثل

والله العظيم انسدت نفسي من هالموضوع والمناقشه فيه

يمكنني اني اذكر لك أشيا ومميزات كثيره بالجزيره 00 وأرد على كل شخص بالمثل

لكن

الجمهور الكريم ما يتكلم ولا يناقش في حدود الموضوع نفسه
ويتطرقون لمواضيع 00 لو انا رديت عليهم بالمثل 00 كان قامت القيامه ;)

عموماً

ماعاد لي خلق اتكلم بهالموضوع 00 أخاف لو ناقشتك وقلت وجهة نظري بالجزيره

يجي اللي بعدي 00 واللي بعده 00 ويدخلون عرض بالموضوع

ويتكلمون ويتمادون على ديرتي 00 وهذا الشي اللي ماراح اسكت عليه
وبيجبروني أتكلم عن أشيا انا مبتعده عنها

لحد الآن الوضع أخوي 00 وأتمنى يظل كذا

وودي أقفل على هالموضوع


شكر خاص موجه لمعاليك 00 ولعشق ليل 00 وللجميع

تحياتي

[][ الفيصل ][]

أسرار مساءاً معطراً بالرياحين لمعاليك



ثقي تمام الثقه أن النقاش يخص الجزيرة لا لدولة قطر الشقيقه
ولكن الرأس مال القطري هو من جعلنا نقحم دولة قطر في هذا الموضوع

لن نتعرض لدولتك الشقيقه بالتجريح لأننا نجرح أنفسنا بأيدينا

ونحن العرب نعرف كيف نجّرح بعضنا البعض ولكنا لا نعرف كيف يتم جرح الدول الغير مسلمة



فلله درك يااختي أسرار ومن عندي الموضوع أقفل


تحياتي الحاره لمعاليك ولعلو كعبك في هذه المواضيع ولدماثه طبعك