[poem=font="Simplified Arabic,6,darkblue,bold,italic" bkcolor="transparent" bkimage="" border="double,4,darkred" type=2 line=0 align=center use=ex num="0,black"]
ونتي ونة كسير(ن) يشتكـي هـم الجبـاره
=صار له شهرين يشكي من قويات الجبايـر
يزعج الونه وهم(ن) في ضميره بانتظـاره
=صار همه في ضميره يشتعل مثل السعايـر
والسبايب من نظرته عصر في وسط العماره
=حي مزحوم(ن) وشفت الزين في وسط العماير
شفتها يوم الربوع اللي مضى خلف الستاره
=ليتها ياخوك ماتطـوي جديـدات الستايـر
ناظرتني بالعيون وصار حالي فـي دمـاره
=واعذابي كان حدتني على شـرب الزقايـر
اغمزة بالعين غمزه ضيعت كـل الشطـاره
=صار قلبي يرتجـف والعيـن هلتهـا عبايـر
قلت يابنت العرب ارجوك رجوا باختصاره
=اطلقيني فالهـوى لاتكسريـن اجنـاح طايـر
قلب خالـد ياغناتـه تشتعـل فيـه الحـراره
=ذاب قلبه من عيونك ماقـدر كتـم السرايـر
قالت اللي مبتدي ماهوب حاسب فالخسـاره
=وانت توك في طريقك في مسارات الخساير
الهوى ذبـاح مافـاده طبيـب الاستشـاره
=والسهر اول علاماته يجيـك الليـل زايـر
والمريض اليوم يفرح في مقاديـم الزيـاره
=والهوى عكس اللذي قلته يخـل الـدم فايـر
قلت مادامه كذا ياقـرب وقـت الانتحـاره
=احسن ارجع مع طريقي قبل تعذيب الضماير
مالي ومال الهوى لن كان مافيـه انتصـاره
=ماحصل منكم كفايه والرجاء صـك الستايـر
*** *** ***
خــالــد عـتــيــق الـنـفـيـعـي[/poem][/poem]
رد مع اقتباس
[
انا كلي لجل عينـــك 
