بسم الله الرحمن الرحيم
السلام عليكم ورحمة الله وبركاته




عليك مني مـلام وحـط فـي بالـك
مشروهنا عند مـن نغليـه ونـوده
الوقت لوزان يوم ولـو تهيـا لـك
لابد ياتيك من بعـض الزمـن شـده
واللي بوقت الرخاء ماقال وش حالك؟
لأحتجت له فالنوايـب زاد فالصـده
إلى بغيت الذخر ماهوب في ريالـك
الذخر كل ابلج ن يصمل معا المـده
لاغبت عن شاشته قام يتوحـى لـك
في خاطره ما يقول " إي والله مسده"
احرص على رفقته لو ينعـدم مالـك
لاخير في المال لـو ماتملـك العـده
ترى الرخا طلعتك والضيق محوالـك
دور على رفقتـن فالوقـت ممتـده
وأمانتـك لا تشـوه وجـه جوالـك
بأرقام من لايحب الطيب مـن جـده
من كان يبغيك ذا مجلسـك ودلالـك
ولا تجامل وشيء ن تستحـي بـده
يكفي من الناس ماشفنا ومـن ذلـك
حكي القفا لا تحـرك جـزره ومـده
لا صرت في منزل ن ماهوب متهالك
نفسي على تبعهـم ماهيـب محتـده