[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] واطـيــري الـلــي / مـــا تـحــدّد طـلـوعـه=لاعتنـي الفجعـه / علـى ضيعتـه لـوع
أخـــذت عـنــه / وتـــلّ سـبـقـه بـفـوعـه=علـى خريـشٍ / ناحـرت لأيسـر القـوع
تـنـحّــرت مــبــدا سـهــيــل / وطـلــوعــه=وصارت لي الحرّه / عن الطرد قاموع
وقـفــت بالـدربـيـل / أخـطّــف سـنـوعـه=وأخفيت شوفـه / يصعـد الجـو بطلـوع
أبـيـه يـرجـع / مـيــر صـعــبٍ رجـوعــه=أصيح وأرمي اللوح / فـي كـل مرفـوع
ليـن الدمـاس / أضفـى علينـا قنوعـه=وأنكفت مثل اللي / به السلم مقطـوع
وأمسيت هاك الليل / نفسـي جزوعـه=والقلـب كـنّـه / مــن محانـيـه مشـلـوع
مانيـب يـمّ الحكـي / مـن حيـث نوعـه=من وجهه يمّي / فـلا هـوب مسمـوع
بـس أكهـف المـاء / والتوجّـد قـدوعـه=لازل قـــرطــــوعٍ / تـلــيــتــه بــقـــرطـــوع
ضاعت به اللـي / فالمتاقـي خدوعـه=ربــداٍ صغـيـرٍ حجمـهـا / طـايـرة شـــوع
فـي قلبهـا قـد عـقـب الطـيـر / روعــه=مـن خلقتـي / ماشـفـت لطيـارهـا نــوع
الله يلـوم الطيـر / مـا أقـشـر طبـوعـه=أنـا أشهـد إن خيـار أساميـه / مقلـوع
لو كان تمشي له / برسـم المطوعـه=فالـجـو يـبـدي لــه / ثمانـيـن مـشـروع
لابـــــد مـايـفــجــع / خـــويّـــه بــلــوعــه=ويغـيّـر الـمـوضـوع الأول / بـمـوضـوع
هذا وأنا أمشي له / بنفـسٍ خضوعـه=مثل الحشيم / اللي له الأمـر مطيـوع
[/poem]