[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] مدري بكى حلم ؟ .. مدري ليلةٍ غبْرة ؟= نسيوني أحباب ولاّ ضاعت أخباري ؟
هي إتدبّر ؟ .. أو أقفَت مابها دِبرة ؟ =ليت الليالي تقدّر غربة الساري
مدري من اللّي من الثاني نفذ صبره ؟= لا يازمن .. من هو البايع من الشاري ؟
لا الوجه وجهك ولا النبرة هي النبرة =مدري.. ولكن طرا لك يازمن طاري
ماني بجاهل على الشدّات .. تختبره =تشتدّ ياوقت .. وإصراري هو إصراري
بالقلب ما تعرف العبرة من العبرة =وبناظري غيمةٍ ما تمطر أسراري
خلّيت الأحزان بأقصى القلب منثبرة= ياكثر كذبي على نفسي وأنا داري
قم ياقصيدٍ يعزّي لا إنتثر حِبره =إليا حداني زماني تفزع أشعاري
وإن بار فِيَّه رفيقٍ كنت معتبره= أغلى من الروح .. ما نّزلت مقداري
والله لو ردّ هاك الحبّ من قبره =مارِدّ له .. لين تبرد غلّتي .. ثاري
ماكلّ شقٍّ .. مداه السلك والإبرة= وماكلّ عينٍ .. تجامل جرحي العاري
إمّا يقولون .. طاح الضلع .. من كبره= ولاّ يقولون .. ماهو للوطى ضاري [/poem]
