ليل ياليل يوم الناس سمّوك ليل
..........................هو عشان السهر وإلا عشان المنام ؟
شف عيوني وشف وشلون جسمي نحيل
...............................لعنبو هالغرام إن كان هذا الغرام !
آه ياقلبي اللي مابقى فيك حيل
.............................من كثر ماطواك الشوق ولد الحرام
قلت لك لاتميل إن طعتني لاتميل
...........................بس هذا أنت ملت وماسمعت الكلام
يوم ذيك الصبية أم ذاك الجديل
.......................جت تهادى وتمشي مثل مشي الحمام
إنكسرت وقعدت تحط فيّ وتشيل
............................لين رحت وخذتني في طريق الهيام
قبل أسلم عليها كنت عابر سبيل
............................وصرت ديرة غرام وعشق بعد السلام
كنت اقول : أي حب وأي خل وخليل
....................................الهوى ماوراه إلا التعب والملام
لكن اليوم شفني ضعت وأكبر دليل
..........................اني امشي واهذري( إبتسام إبتسام )