يطول الجفا وتشاغل الخاطر المكسور
........................ويبقى مع الايام طاريك بلساني
اشوفك بعيني مع غياب وطلوع النور
.......................ذكرني خيالك يوم قلبك تناساني
تذكرت يوم اني معك راضيٍ مسرور
...................وسجيت مدري هاجسي وين وداني
تخيلتك وفزيت طولي بدون شعور
.......................اثاريه طيفك صار له وقت ماجاني
طرتلي ليالي لو تذكرتها معذور
.....................لو الوقت يرجع كان انا جيتها عاني
يداعب نسيم الليل مجدولك المنثور
......................تغطيه عني والهوى يكشفه ثاني
اثر من تولع لو سمع مايطيع الشور
...............هو اللي يشوف وباقي الناس عمياني
نسيت الليالي ذيك وشلون يامغرور
....................انا كنت اغالط من يقولون تنساني
هذيك اليالي وين..؟ اثر الزمان يدور
.....................رجح في عيونك ذيك الايام ميزاني
انا كيف ابنسى خابرن قلبي المجبور
.................لو اني نسيتك ماني بناسي احزاني
زمانٍ مضى له دور واليوم غيره دور
...........................انا اليوم مالد النظر لو تعداني
كفى ماجرى ما فيه داعي تجي مشكور
...................غرام الليالي ذيك خله على شاني