ذكراك لاهبت يجي عطرها صلف
.............واستنشقه بالصدر مثل الخزامى
إي والله إن غيابها مكلفٍ كلف
................إي والله ان عروق قلبي توامى
رمش النواعس والحجاجين والزلف
...............ياماخذن قبلي قلوب النشامى
أمضى من المصقول واسبق من الشلف
.............سهم الهوى لوكنت عنه اتعامى
لا يخدعك صبري على الجرح ماخلف:
..............هالشعر غير جروح قلبي تدامى
لي خاطر بينه وبين الشقا حلف
......................ياماعثت فيه المقادير ياما
من عاش هالدنيا بلا صاحب وولف
................عزالله إنه عاش عيشت يتامى
خل السوالف والمشاريه والحلف
.............مبطي وأنا على الجروح اتسامى
قلب(ن)يضيق بذكريات الهوى جلف
................وقلبي مثل جرد القفار يترامى