السلام عليكم ورحمة الله وبركاته
اخواني الأعزاء اعضاء غرابيل
من ارشيفي قصيده (غزليه ) اتمنى ان تنال اعجابكم
(قلتي تناسى)
قلتي تناسى والليالي تنسيك
قولي متى بالله كيف الوسيله
مغليك واللي كون الكون مغليك
والحال من دونك تراها عليله
وشلون انا بنساك وروحي تناجيك
انساك انا وشلون وين الدليله
اشغلت قلبي بالهوى وانطرب فيك
وانتي تقولين ابتديتك وسيله
وقلتي بتلقى بالهوى من يسليك
ماظن عندي بالهوى لك بديله
انتي منى عمري وقلبي لك يجيك
حتى ولو بيني وبينك قبيله
شوقي بيدفعني وبسمع غناويك
عشرة سنه ماهيب مده قليله
حاولت اسافر عنك واترك اراضيك
سافر جسد والروح عندك نزيله
((عبدالرحمن بن عمران))
رد مع اقتباس
