[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياغبوني غبون الذيب يومٍ عوى=جرعته الليالي من عواذيبها
يوم شاف القطيع بجنب عد الروى=قام يقنب يبي يقدم ويسريبها
مشفقٍ للعشاء والدرب له ماانطوى=رغم قرب المسافه لجل يعديبها
جاه مقرود حظ بنيمس وماحوى=ثم ساقه بطلقه تو يدريبها
اخطت الرجل ثمٍ وقعت بالشوى=كان يبغي العشاء من قبل يثويبها
غير عوّد يبي رحمة ويبغي دوى=واللضا في عروقه زايد لهيبها
ياغبوني غبونه والخفوق انكوى=من ضعوف الرجال ومن عواقيبها
الضعيّف يحسب انه شديد القوى=عد نفسه من القوم ومناصيبها
مادرى بان فعوله والحديّا سوى=لاينوش الغيوم ولايساويبها
كلما زاع لدروب الجمايل غوى=ضاريٍ بالضعافه دوم يلهيبها
مايسر الخوي لو وصل رتبة لوى=جعله افدى من ايوفي مطاليبها
اللذي لو هوى نجم الجدي ماهوى=ناس ماهيب مثله ويش اسويبها
فايز حويس رجلٍ لاكبرت ماانزوى=يعترضها ويطمع في مراقيبها[/poem]
رد مع اقتباس
(الحزن الرغيد)
