[frame="13 70"]في وقتنـــــا
[poem=font="mudir mt,7,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
في وقتنا كيف الرخم صارت أبطال=وجرح الكرامة في زمنّا عطيبي
وفي وقتنا بنت الوطن شالت الشال=وصار البعض في مجتمعنا غريبي
وفي وقتنا حتى الورع شال جوال=يكلّم أمه جهزي لي حليبي
وفي وقتنا هالتقنية مالها أمثال=بلاك بيري للمراسل عجيبي
وفي وقتنا قد شيخوا راعي المال=وراع الفقر منبوذ حاله كئيبي
وفي وقتنا راع الردى خوش رجال=دام الدراهم هي علاج الطبيبي
وفي وقتنا بعض البشر يدمر أجيال= وعن الحقيقة مبتعد مايصيبي
وفي وقتنا قل المطر مامن خيال=من سبّت ذنوب البشر يالحبيبي
وفي وقتنا همّن على البعض يجتال=والعاقل الفاهم تراه اللبيبي
وفي وقتنا أفكار وأحلام وآمال=ليته تحقّق قبل وقت المشيبي
وفي وقتنا باب السطو ماله أقفال=وعراقنا بين الحمر والصليبي
وفي وقتنا نصف التجارة والأموال=بيد العمالة للأسف والغريبي
وفي وقتنا مامن وظايف ولازال=هم الشباب يطارده مايغيبي
وفي وقتنا أهل البخل صفّت دلال!=في مجلس ٍ ماجاه كود النسيبي
وفي وقتنا كثروا وضيعين وأنذال=وصار الحصيني كنّه تقول ذيبي[/poem]
تقديري للجميع ,,,,,,
2-12-1431هـ[/frame]
رد مع اقتباس
