حطوا لها عنوان انتم.مالقيت لها عنوان

[عبدالرحمن الحميدي]

introduction
أتعبت رجلي في طوال المشاوير..
لعلي القى بعض شيء زرعتي..
[poem=font="Arabic Transparent,4,blue,normal,normal" bkcolor="transparent" bkimage="" border="none,4,white" type=1 line=0 align=center use=ex num="0,black""]
ليه أدوّر علاجي دام مالي علاج؟=ويش أبي بالأداوي دام مالي طبيب؟
ليه أتعّب ركابي دام مالي خراج؟=مايفيد التوجع والبكى والنحيب
ياتسافر معي واعيش معك بـ مزاج=وإلا تجلس وانا بارحل كأني غريب
الصقر يعشق العزله وسلك الفجاج=يطرد الطلع لوّ الطلع ماهو قريب
مايحب الوكر والعيش خلف السياج=لو عطوه الطرايد مارضي بالنصيب
عادتي من بداياتي وانا لك سراج=أحترق لا جل أضوي لك وانا باللهيب
كل ماقلت زانت فيك زدت إنعواج=طالت السالفه والجرح عيّا يطيب
إختر من الثلاث إبلا حرج وإنزعاج=ياتفارق..ياتقتلني..� �اتصبح حبيب
راحت اسنين من عمري وانا بإزدواج=بين هجرك وتعذيبك وانا معك أطيب
صار كل الركود مخالطٍ بإرتجاج=مابقى شي ثابت فيه اركز واصيب
مابقى غيير فرقانا عساها علاج=ابجرب واسويها عساني ماخيب

[/poem]


conclusion
صدقت شخصٍ قال في تاليّك خير..
ياللاسف وانتي مثل مانتي انتي...

[محمد بن ضاوي]

عبدالرحمن الحميدي...


ابدعت يالشاعر والف صح لسانك ولاهنت




اقتباس:

عادتي من بدايتي وانـا لـك سـراج


يبدو لي البيت هذا في خطا املائي

عادتي من بداياتي وانا لك سراج

[احمدسبيتان]

الحقيقه هذه القصيده تحمل كثيرا" من الاسى والجروح

شاعرها بطل اجحاف تحمل الطعنات من الخلف كثيررا"

لكنه على ثقه تامه انه بالمقدمه

شاعرها شخص عظيم

وهي ايضا" لاتقل عظمة" عنه

[ليــن القســا]

رائعة تنساب بتلقائية , لأنها تمتهن الصدق ..
سلمت ودمت للأعذب أخي ..تنثره بمداد التمكن ..

[كاسب العز]

صح لسانم وقلبك

لاهنت

[بندر النايف]

العنوان

( جرح وعلاج وحبيب )


لأنك جسدت الألم وعلاجة وحبيبه في مسلسل تراجيدي جميل جداً
تحدثت عن الحالة ورغبت بالعلاج منه ووضعت الخيارات وأنت تتحدث إليه من أعلى ,,

شموخ وروعه وجمال ..

هكذا هوعبدالرحمن الحميدي وصح إلسانه ,.

دمت بود يا غالي ..

[غلا أبوها]

صح لسانك آخووي


ولاهنت

[نـــادر]

صح لسانك وكلك

[سامي العطاوي]

عادتي من بداياتي وانا لـك سـراج
أحترق لا جل أضوي لك وانا باللهيب

ذكرتني ببيت مشهور للملك فيصل رحمة الله عليك يقول

ترى بعض العرب فعله بروحه مثل فعل سراج....يضوّي للعرب والنار في جوف المسيكيني

عبدالرحمن الحميدي

صح لسآنك وقلبك لاهنت

[عبدالرحمن الحميدي]

اقتباس:
المشاركة الأصلية كتبت بواسطة سامي العطاوي

عادتي من بداياتي وانا لـك سـراج

أحترق لا جل أضوي لك وانا باللهيب

ذكرتني ببيت مشهور للملك فيصل رحمة الله عليك يقول

ترى بعض العرب فعله بروحه مثل فعل سراج....يضوّي للعرب والنار في جوف المسيكيني

عبدالرحمن الحميدي

صح لسآنك وقلبك لاهنت

العطاوي سامي,,
حي هالطله وشكرا على هالمرور الرائع واحب اوضح لك
أن الملك فيصل رحمة الله عليه رمز لنا بكل شيء مو بالشعر وحده
بالانتماء للامه والاخلاص للوطن والكلمه الشجاعه وغيرها من صفات الملك الشهيد رحمة الله عليه.
والقصيده اعرفها اللي مطلعها:
ألا يامل قلبٍ كل ماجاء الليل جاه خلاج.......
لكن بيض الله وجهك على تنويهك وشكرا لك.

[صهيل الصمت]

( اصعب الحلول )


نص يحمل في طياته ازمة قلبية مزمنة


سلم قلبك واحساسك ...

0اطيب التحايا

[عبدالرحمن الحميدي]

اقتباس:
المشاركة الأصلية كتبت بواسطة محمد بن ضاوي
عبدالرحمن الحميدي...


ابدعت يالشاعر والف صح لسانك ولاهنت




اقتباس:

عادتي من بدايتي وانـا لـك سـراج


يبدو لي البيت هذا في خطا املائي

عادتي من بداياتي وانا لك سراج



أبن ضاوي حياك ربي نورت وشرفت
وملاحظتك بمكانها كان خطاْ إملائي

[عبدالرحمن الحميدي]

اقتباس:
المشاركة الأصلية كتبت بواسطة احمدسبيتان
الحقيقه هذه القصيده تحمل كثيرا" من الاسى والجروح

شاعرها بطل اجحاف تحمل الطعنات من الخلف كثيررا"

لكنه على ثقه تامه انه بالمقدمه

شاعرها شخص عظيم

وهي ايضا" لاتقل عظمة" عنه



صاحبي ورفيق دربي:
ماهذا إلا تواضعاً منك وشكرا لك

[عبدالرحمن الحميدي]

اقتباس:
المشاركة الأصلية كتبت بواسطة ليــن القســا
رائعة تنساب بتلقائية , لأنها تمتهن الصدق ..
سلمت ودمت للأعذب أخي ..تنثره بمداد التمكن ..



لين القسا شكرا لكي على مرورك الطيب.

[عبدالرحمن الحميدي]

اقتباس:
المشاركة الأصلية كتبت بواسطة بندر النايف
العنوان

( جرح وعلاج وحبيب )


لأنك جسدت الألم وعلاجة وحبيبه في مسلسل تراجيدي جميل جداً
تحدثت عن الحالة ورغبت بالعلاج منه ووضعت الخيارات وأنت تتحدث إليه من أعلى ,,

شموخ وروعه وجمال ..

هكذا هوعبدالرحمن الحميدي وصح إلسانه ,.

دمت بود يا غالي ..



شكرا لك اخي بندر النايف عنوان بمكانه كلك ذوق طال عمرك
اسعدني مرورك وردك وسام على صدري
الف الف شكر لك