قصة الإرهابية وفاء الشهري

[فلاليط]

لا حول ولا قوة الا بالله

[اميره الثلوج]

نســــــــــــــأل الله العفو والسلامه

يااامقلب القلووووب ثبت قلبي على دينك

[أضواء مدينة]

شـكــ وبارك الله فيك ـــرا لك ... لك مني أجمل تحية .
والحمدلله على كل حال .

[ALRHAL]

مشكلة التطرف الديني
معتقدين أن المجتمع خطأ وهم الصواب ..
وكأننا نرى فيهم الإخوان المسلمين في عهد الملك عبدالعزيز وإن اختلفت الزمان والأفعال لكن يلتقيان في فكر متطرف جاهل لا تعرف أيديهم سوى القتل ولا يعرفون للحوار طريق ..

إمرأة غرر بها وعاشت داخل أسرة متطرفة فطبيعي أن تنحرف بفكرها ..
نتمنى أن نرى هؤلاء السفاحين القتلة داخل زنزانة أمام الناس ..

استباحوا الدم في شهر فضيل ولم يفرقوا بين مسلم وكافر ..
سمو مساعد وزير الداخلية في حديثه أعطاهم الأمان وكان يتحدث عن الإرهابية حديث الأب لبنته
لكنهم خانوا الوطن

[حنوووووونة1]

لاحول ولا قوة إلا بالله ...
الله المستعان ..
يعطيك العافية

[خيالية]

[align=center]لاحول ولا قوة إلا بالله
يعطيك العافية [/align]

[عبدالله بن فهد]

الله يهديها ويرجع لها صوابها
حسبنا الله ونعم الوكيل
شـكــ وبارك الله فيك ـــرا لك ... لك مني أجمل تحية .

[هاوي العيون]

شـكــ وبارك الله فيك ـــرا لك ... لك مني أجمل تحية .

[ابوعوض]

لا حول ولا قوّة الا بالله

[دفء الكلمات]

المراءة اخطر من الرجل في التطرف والفكر والدخول في هذا المجال

وما تقوم بة المراءة في هذا المجال ليس لدين فية سنع لانها تغرد خارج هذا السرب
ومعرضة للجنس ومعرضة للخدمات الذ اتية التى لاتليق بالمراة

حمنا الله منهم

[عاشق الرومنسية]

لاحول ولا قوة الابالله

[شوق الفرح]

بسم الله الرحمن الرحيم
السلام عليكم ورحمة الله وبركاته
قصة من نسج الخيال الصحفي او مبالغ فيها
ليس كل مايكتب يعكس الواقع....

[ساااااااااااره]

شـكــ وبارك الله فيك ـــرا لك ... لك مني أجمل تحية .

[ولد ديرة]

ماقول الا الله يرجعها لأهلها سالمة وغانمة وهي وعيالها
..ويهديها وينور قلبها ويبعدهاعن هالغرابيل
وتركد وترجع لاهلها ووطنها وديرتها
وتترك عنها هالخرابيط والبلاوي
... البلا والله مب بلي ضحكوا عليها وجروها للقاعدة وبلاويها ...

البلا والله بالاسرة ... بالمجتمع ... بالام والاب ... اللي مايدرون وين عيالهم فيه ...
مب حاسين بعيالهم .. مايدرون بهموهم ومشاكلهم وشنو يحسون فيه ...
ماغير ياولد عييييب ,,وويابنت عييييييب ... ياولد عيييييب انت رجااال ..ويابنت عيييييب انتي مرة
وماغير يصرف عليهم ويأكلهم ويشربهم وينصحهم كانهم طلاب مدارس وهو مدرسهم ...
وين الابوة وين الحنااان وين القلب الدافي الحاني اللي يضم عياله ويوسع قلبه وعقله وخاطره
لمشاكلهم وهمومهم ..وين الاب والام اللي يفتحون صدورهم لعيالهم ويضمونهم بحنان وطيبة
... وين ذااا كله يامجتمعنا راااقي والفاهم والمتعلم !!!!!!!!!!!!!!!!!!!!!!!!!!!!!!!!!!!!

عبالكم ان الأسرة هي اب وام وعيال يعيشون بزريبة اسمها البيت ..وكل واحدان يأدي عمله
وشغله وياكل ويشرب ويضحك شوي والاب والام ينصحون مثل الآلآت ولو صار غلط من العيال
يقلبون ديناصورات ويستلمون عيالهم ضرب وتهزي ....

نعنبو داركم ... حسو ..نعنبو دار ابليسكم ... عيالكم يضيعون بسببكم ..بسبب قسوتكم .. وجفاكم
وعاداتكم وتقاليدكم اللي مانزل الله بها من سلطان ...

البنت يجي مغزلجي ويعوضها عن حنان الام والاب المفقووود ... ويطير شرفها .. وتقعد البنية بعدها تنوووح ...

والولد يجون شباب ويلعبون عليه ويجرون لمثل هالغرابيل والبداية يعوضوونه عن اللي فقده في البيت
ومالقاه لافي امه ولابووه ..الين يستانس ويرتاح وينجر وراااهم ..

والنتيجة يامجتمعنا المغفل ....

النتيجة ... بناتنا كل يوم بمصيبة .. وكل يوم مآساة .. ضحك عليها واحدن وعوضها الي فقدته بلبيت
وبعد ماأخذ شرفها تركها ونحاااااش ...

الابن جرووه الشباب وصار منهم ودخل بلاوي مخدرات .. تحشيش .. تفحيط ... تفجير وتدمير ...

والمشكلة ان مجتمعنا للحين نااايم على بطنه ... ماكو ولاواحدن واااعي وصااحي ...

لا بأدباء ولابمفكرين .. ولابمثقفين ...ولا بعلماء .. ولابشي ... كل بوووووووووهم من اصغرهم لكبرهمـــ

ماغير يطلعون بالتلفزيونات والجرااايد ... ويحكون لنا عن هالمآسي ... ويحذرونا منها .. ويحذرون البنات
من الذيابه واللعابين واللي يغررون بشباب ... ويشدون بيد الام والاب ..

انتبهووووووووووووا على عيالكم لايصيرو صاايعين ويلعب عليهم النااااااس ...
انتبهوووووووووووووووووووو وووووا..ترى البنت عقلها خفيف ..والولد عقله مقرود
وتوهم صغاااااااار ..ينضحك عليهم ...

او بالتلفزيون ..يجرووون مواااااااال حزييييييييييييييييييين وبعده يجيبون قصة فتاة وقعت ضحية ويحذرون البنات من الوقع في براثين الذياب واللعابين ... ويحذرون الام والاب .. بنفس الاسطوانة المشروخة
اللي هي انتبهووووووووووووووووووا على عيالكم .. شدوو عليهم راقبووهم ..سوو اللي تسووه هذولا عيالكم اهم شي لايخربووووووووووووووووووو وووووون ...

يعني اعلام يتناول قضايا مجتمع بكل سطحية ... من عرفت نفسي وهالاعلام هو نفسه وبنفس تعبيره وبنفس
كلااامه .... اللهم الفرق بالالوان والاستايلات والاغنيات والموالااتووالحركات والكاميرات المطورة الجديدة لجذب المشاهدين ..

ورغم هالشي .. اليييييييييييين الحييييييييين نفس المــآسي تتكرر .. نفس المشاكل تتكررر ... نفس البلاوي
تتكرر ...نفس الغلط يتكرر ..وهم يعيدون نفس الاسطوانة المشروووخة بدون حس .....

ابصملكم مليون بلمية ان في بنات قرووو عن المآسي اللي صارت لبنات غيرهــا ..وبعد مدة من زمن
صارت اهي وحدة من ضحااايااا !!!!!!!!!!!!!!!!!!!!!!!!!!!!!!!

البنت والولد او الشاب والفتاة يااعلامنا العزيز يامفكرينا يادبائنا يامثقفينا ..مب بحاجة لقصص ومآسي
وموالات وآآآآآه وآآآآه وبعدها قصة حزينة واللي يلقي القصة شوي بينط من الكرسي من الحمااااااس ...

البنت والولد ياعزيزي او الشاب والفتاة ... يسادتنا الافاضل ..مب بحاااجة لتوصيييااات وتشديد من الام والاب وتحذير يتكرر من 20سنة ورغم جذي تتكرر نفس المآسي والغراااابيل ...

الشاب والفتاة ياسادتنا الافاضل مب هنوود ولااطفال ولامجانين ..عشان مايعرفووون شنو الصح وشنو الغلط .... يعرفووونه وهالشي بالفطرة مكتسب ...

الشاب والفتاة لاجل تنتهي هالمآسي من حياتهم ولاجل ولاجل يبتعدون عن اللي يغررونهم ويلعبون عليهم ..مب محتاجين لترغيب وترهيب مستمر .. ولابحاجة لقصص ومآسي فيها اصوات ال آآآه عشان يحسوون ويرتدعووون ويعقلووون ... لو كان يرتدعون ويحسوون بذا الشي كان ارتدعوا وعقلووا من اول قصة فيها مآساة ومن اول نصيحة ومن اول تشديد
من الاب والام ومن اول ضربة وتوبيخ وتهزي ...

الشاب والفتاة او المراهق والمراهقة ياسادتنا الكرام ويامثقفينا الاعزاء مب بحاجة الى هذا كله لاجل يشعرون بالواقع والحقيقة ..هم احسن منكم بالاحساس والشعور ..هم اعلم بالواقع وادرى بالصح والغلطــ

لكن اللي يخليهم ينجروون ورى المخدرات والضياع والهجولة وتفجيرات وتدمير والقتل والانصياع وراء منظمات تدمر المجتمعات ..والبنت الى طريق يؤدي
الى هتك شرفها وربما الى طرق اشد واخطر ... هي الاسرة .... الاسرة اللي المفروض تكون اسرة ينبوعها الحنان والحب وتقدير
والمودة ورحمة والعطاء قبل تربية المتشددة والعادات وتهذيب بالضرب وتهزي ..والاكل وشرب ...

الابن والابنة بحاجة الى قلووووب تفهمها تحس فيها تشاركها همومها واحلامها واحزانها وسعادتها
توقف جنبها ... مب تهزئها وتعيييب عليها وتتمصخر عليها وكل شوي هذا عيييييب وهذا عييييييب
الشاب والفتاة بحاجة لأب وأم هم السند والامان والراحة لهمــ ...مب مصدر قلق وخوف لهم ..

الولد والبنت بحاجة الى اسرة واعية عاقلة ناضجة الحب فيه مثل البستان اللي كل ماقطفت منه وردة
طلعت بداله الف وردة ...

بالله كم عندنا اسرة بمجتمعنا تفهم هالكلام او هالاحساااااس !!!!!!!!!!!!!!!!!!!!!!!

بالله علموني كم مثقف او عالم اوبرفيسور او دكتور او طبيب اجتماعي او فيلسوف او مواطن عادي حتى
تكلم عن هالشيء او حس بذا الشي ..او علموني كم برنااامج عندنا قرر يسوي برنامج خاااااااااااااص
لمثل هالموضوع ,,,,مااااااااااااافي ابدا ... ون صار هالشي .. يجيبون دكتور يشرح وكأنه مستحي
او خااايف ..او شكله عارف طبيعة المجتمع .. اللي هي الاب والأم اول شي ..والابناء بستيييين داااهية
مصيرهم يكبروون وينسووون مووووووووووووووووووو!!!!!!!!!! !!!!!

لاا ويتكلم بصوووت واااطي لاجل لايضحكون عليه ربعه ويقولون له وشو حقوق الابناء وشو اللي حب وخرابيط !!!!

يعني حقوق الاب والام كاااملة ... لكن حقوق الابناء اللي هم ام واب المستقبل طززززز فيهم بستين حريقة
لينشاء لنا جيل معقد فكريا وعقليا ..او فاقد الحنان والعاطفة ... ويعيد نفس تربية اللي حصل عليهاويسويها على ابنائه ويكرر نفس الغلط معهم .. لتستمر المآساة وينشاء ابناء فاقدين الحنان والحب والمودة والعطاء من
مجتمعهم ليبحثوا عن هذا الفراغ الذي يجدووونه في ذئاب البشرية والمغرريين بالمراهقين وتهريبهم
الى دول آخرى لتفجير والقتال ...وتتكرر المآساة .. ومازال اعلامنا يكرر نفس الاسطوانة المشروخة
ويكرر قصص ومآسي مع مواال ال آآآآه ... تاركا الحقيقة ومشكلتها الجذرية في غياهب النسيان ..تاركا الحقيقة ومشكلتها الجذرية والعميقة ..واخذ يداوي سطوحه وقشرتها الخارجية فقط منذ 20 سنة او بالاصح منذ ان وعيت وادركت ماهو المجتمع وماهي الاسرة
ومامعنى ان تكون لديك اسرة سعيدة ملئها الحنان والحب .. ومامعنى ان تكون لديك اسرة
سعيدة ملئها ترهيب وضرب وتهزي والتحذير والتخويف
والتشدد والملامح الجامدة الخالية من اي مشاعر بينما من خارجها وامام المجتمع تبدو اسرة عادية تعيش بسلام .. لنتفاجاءة ان هذه الاسرة السعيدة .. فيها فتاة تروي مآساتها ..وشاب يروي مآساة ادمانه وتدمير حياته .... وسبب هم الام والاب الذين ربما
فقدوا الحنان والاسرة السعيدة من ذويهم واخذو يكررون نفس المآساة على ابنائهم ..
يدعمهم اعلام يطبل لحقوقهم فقط ويتناسى حقوق ابن وابنة الى الأبد ..ون تكلم هالاعلام عن حقوق الابناء
تلقاه يتكلم باستيحاء او بصوت واطي !!!

نعنبو دار ابليسكم ...
يالشايب يالمخرف ماتعرف تمسك يد ولدك وتضمها بحب وحنان !!!!!!!!!
ماتعرف تنظرله بحب وعطااا ..وتعامله كصديق وأخ
وابن ...!!!

ماتعرف تضمه لصدرك وتشكيله ويشكيلك
تمسح دمووعه .. تهدي من روعه ..تشاركه احلامه
وهمومه ومستقبله !!!

ونتي يالام ..ماتعرفي شلون تضمين بنتج
وتحضنيها سواء كان عمرها سنة ولا 50 سنة
!!!!

ماتعرفين تشاركينها همومها واحزانها
ومشاكلها .. وتخففين عنها !!!!

الولد والبنت محتاجين حضنكم ..محتاجين
حنانكم ...محتاجين نظرة عطف وحب
ومودة منكم ...محتاجين اسرة
تسقيهم حب وحنان وطيبة
ومشاركة ...

ليه تحرمونهم من هالمشاعر وهالاحاسيس ..
وتخلون غيركم يسقيهم هالشي
ومن ثم يجرهم للمآسي
ودمار والقصص اللي اسمع فيها من سنييين
!!!!!!!!!!!!

ونت يااعلامنا العزيز ...
الين متى ونت صاج خشتي بحقوق الام والاب بس ..وتارك حقوق الابناء .!!!

كانهم مب اوادم ولابشر ولاعندهم احساس ولامستقبل ,,
ولاااا كانهم اباء وامهات المستقبل !!!

كل ماطرت سالفة ولد او ابن ..
ياطلعووهم على انهم مفحطين ..او مهجولين
او مدمني مخدرات ..او ذيابة بشرية لاخير فيها ..

ومادريتو ان المشكلة في الاسرة ..
اللي ترقعون وترفعون فيه الاب والام
وساحبين سيفون على الابن والبنت !!!!

تبون تحلون المشاكل !!!
تبون هالمآسي وهالقصص المغربلة
وهالمراهقين اللي يغرر بهم ناس
ويستخدمونهم في امور تؤذي الدين
ودنيا والوطن والاهل !!!!!!!!

حلو اساس المشكلة ..دورو حلول
لعمق المشكلة ,,
وعلموا الاب والام شنو معنى حقوق الابناء على ضوء
الكتاب والسنة والاسلام وعلى ضوء تغيرات زمن
والاجيال ....

وعلموا الابناء شنو معنى حقوق الام والاب ..

واكدوا عليهم كلهم ... ان الاسرة السعيدة هي
اللي فيها الحب والحنان والمودة والعطف واللين
بين افراد اسرتها كالبستان اللي نقطف منه وردة وتطلع بداله الف وردة ...

لابوكم لابو من جمع ابليسكم

وعذروني على الاطالة سادتنا الكرام

[الروقية]

لاحول ولا قوة الا بالله العلي العظيم

اللهم ارنا الحق حقا وارزقنا اتباعه
والباطل باطلا وارزقنا اجتنابه

[align=center][/align]اللهم أكفنا شر أنفسنا والشيطان