صفحة 1 من 3 1 2 3 الأخيرةالأخيرة
النتائج 1 إلى 15 من 34

الموضوع: قصائد مسابقة مجلة ( أوراد )

  1. #1
    إدارة عامة الصورة الرمزية أبوعبدالرحمن
    تاريخ التسجيل
    Dec 2002
    الدولة
    غرابيل
    المشاركات
    34,173

    قصائد مسابقة مجلة ( أوراد )

    السلام عليكم ورحمة الله وبركاته


    الأساتذة أعضاء لجنة تحكيم مسابقة مجلة أوراد :

    الأستاذ / علي المسعودي
    الأستاذ / حامد زيد
    الأستاذ / سعد علوش
    الأستاذ / نايف الرشيدي
    الأستاذ / فيصل العتيبي


    أضع بين أيديكم قصائد الأعضاء المشاركين في المسابقة مرقمة وتحتفظ إدارة الموقع باسماء الشعراء , وننتظر منكم رقم القصيدة الفائزة بالمركز الأول .

    ونتمنى أن يبدأ التقييم بعد يوم السبت القادم 17 /1/1429هـ لكي تتاح الفرصة للشعراء بطلب التعديل على قصائدهم إن كان هناك أخطاء مطبعية أو تعديلات , او سقوط بعض القصائد سهواً .

    القصيدة رقم 1


    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    لاتطري الفرقاء وأنا ميـتٍ فيـك=تكفـا دخيلـك لاتنـوي القطاعـه
    ياروح روحي ويـن بالله اوديـك=مادام حبك فـاق حـب الجماعـه
    أنت الامل وأنت السعاده لمغليـك=وأنت بحياتي شي صعب أمتناعـه
    يعني ببيع الكون كلـه وبشريـك=يأغلى بشر فالكون واغلى بضاعه
    شفني هنا واقف وصوت وأناديـك=تعـال قلبـي زاد فيـه اللتياعـه
    مدام ريضان الحشا هي مواطيـك=تكفا تربـع فوقهـا كـل ساعـه
    وداعب خفوقي واحرقه بين أياديك=خله يموت من الدلـع والمياعـه
    عشان لامن مر بعديـن طاريـك=أيفزلـك ويقـول سمـعٍ وطاعـه
    يعني أبيه ايخلد أسمك وماضيـك=وينقش على وجه الزمن لك وداعه
    يامن شوارد فكـر مانـع تلبيـك=وتنثر على وجه الورق لك متاعه
    قصايدٍ بسمك ورسمـك ومافيـك=من هاجسٍ لطراك يفلت شراعـه
    ويعلق بجيد الشعر لـك ويحييـك=قصايدٍ من قـدح فكـري وقاعـه
    ترقا سماء للبداع كلـه وتعطيـك=شئٍ على الشعار صعب أختراعـه
    مرات اجي وارثيك واحييك وارثيك=ومرات اجي وسلطنـك وبقناعـه
    خليتني مبـدع عسـاالله يخليـك=ونثرت من لبداع صاعـه وباعـه
    من يوم جيت بدنيتـي يامحاكيـك=خليت لي بصمه على كـل قاعـه
    ورقيت في عالـم يحليـه طاريـك=ياغلى بشر فالكون واغلى وداعـه[/poem]





    القصيدة رقم 2


    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    في بعض لاحيان مدري يازمن كيـف اتعامـل=لوبغيت اصبر على بعض العلوم يبيـح سـدي

    كان عديت الصراحه لو على النفـس اتحامـل=قالوا العالم مريض ومنكبـت وانسـان جـدي

    وان بغيت اجاري اللي قال في قوله واجامـل=انسحب من بادي الموضوع لو ماهـوب ودي

    لين فاض الشعر من فكـري وخطتـه الانامـل=والمواقف تحتـدم عنـدي وامشيهـا واعـدي

    ذا سبب في معزلي ولا اعتبـره اهـم عامـل=واعرف اني لو اغيب اعـوام للعالـم مـردي

    ثانـي الاسبـاب واهـم العناصـر والعوامـل=دام عندي شخص فاهمني على مزحي وجـدي

    ويش لي بالناس دامني معه مااشبـع ولا آامـل= منه جربت التحـدي ليـن طوعـت التحـدي

    لين جربت وعرفت ان الهـوى دمـار شامـل=علةٍ بالجوف لا ينفـع بهـا وصلـي وصـدي

    كل شاعر لا بغى ياصف وهو بالوصف صامـل=حـط خلـه لويبالـغ مثلمـا النـور المقـدي

    كيف لـو شافـوك ياكـل الحـلا يافـل كامـل=لو مااخاف اذنب بهم قلت الـك للشعـار لـدي

    لجل يصبح كل شاعر من بعد شوفتـك خامـل=لايحـط وولايشيـل ولا يجيـب ولا يــودي

    ولا انا من يوم شفتـك قلـت وبليـا مجامـل=انك اجمل شخص فوق الارض ذا وصفي وردي

    يوم انا عجزت وصفك لو على النفس اتحامـل=شوف عيني مير ياذا الحسـن خسـران التحـدي[/poem]






    القصيدة رقم 3


    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


    يا مترفه بالحب وشو خطايا ؟=كل الخطا ويوم ان روحي بأياديك ؟!
    تستعذب اسمك لا نظقت الشفايا=و ان جيت انادي الناس غلط و اناديك
    غرستي بكفيك بين الحنايا=و انهيتي افؤاديٍ عروقه تساقيك
    لا تسئلي وش صار مالي بقايا=زايد ضحيه حب ناتج تغليك
    حبي و حبك صار كومة شظايا=انهار في وجه القدر من تماديك
    تذري به الارياح بكل الزوايا=من بعد ماهو كان اعظم مبانيك
    كنتي لي اعظم حب جهر و خفايا=و دايم دروبي نفس سكة خطاويك
    ان مر ذكري عند شوف الهدايا=كل الصور عندك دايم تناديك
    و اذا وقفتي تشتكي للمرايا=من شاعرٍ ماعاد شعره يحاكيك
    روحي وعيشي بين كل النوايا=يمكن تلاقي من يقدر مباديك
    تلقين ناسٍ عكس زايد ولايا=ما همهم يا كود شعرٍ يسليك
    و اذا سئلتي وش نهاية عنايا=في كل لحظه ما شيٍ في حراويك
    بصبر ولو زاد الهوا في شقايا=و ارحل لجده و اتذكر مرابيك
    و ان كان زاد الهجر شدة ظمايا=اموت لو رجلي توصل موانيك
    كان الغلا به كل هذي السوايا؟!=حلفت لا ادوسه لو القلب شاريك
    روقي وانا يا بنت مبدا معايا=ابيع روحي للقبر دون طاريك
    ان كان عنّي ما عشقت الصبايا=بعدك و لا بنتٍ غلاها يوازيك
    بعيش وحدي لين اخر مدايا=و ان متت تلقي ناس فيني تعزيك[/poem]




    القصيدة رقم 4


    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


    كل ماجيت أتغزَّل فيها = القوافي يلِّعن هافيها
    كل شعري لحسنها سخّرته = وبالأخير احسِّني هاجيها
    كل ماتطري عليَّة حاجة = من حلاها حاجةٍ تتليها
    قبلها كنت أحسبنِّي شاعر = وعقبها قصايدي ناسيها
    لاطرت لي بس ! يرجف قلبي = وتبرد عظامي على طاريها
    واتشجَّع واستعيد أفكاري = وانوي اكتب بس عن عينيها
    واتذكَّر كيف هي نظرتها = يو أنا خرّيت بين ايديها
    ( ناعسة )ماظن هذي ميزة = العيون الناعسة قاريها
    ( ذابلة ) بس الذبول أحيانا = ماأظنه بس هو زاهيها
    ( قاتلة ) بس القتل للمسلم = ينتقص منها ماهو يعطيها
    ( الحَوَر ) بعيونها اشوفه = هامشي لاغِصْت في خافيها
    ( والسواد ) بعينها رغم إنه = طاردٍ بياضها وغاشيها
    مالفتني كثر ماأذهلني = النخيل اللي غدا حاميها
    ( التحام رموشها) ذكَّرني = كيف كنا نعتلي عاليها
    كانت صْفوف العرب متَّحْدة = من تلاحم رمشها تشبيها
    لاذكرت الرعب في نظرتها = أفتخر إني قدرت أرميها
    ولاذكرت الأمن في لفتتها = أحمد الله يوم أنا غاليها
    ولاذكرت المكر في غمزتها = ادعي الرحمن عن تاليها
    ولاذكرت الشك في صدّتها = قمت أتمتتم بالخفا مابيها
    ولاذكرت السحر في نعستها = صحت أبيها ايه أبيها ابيها
    هذا بس عيونها ياعالم = كيف لو أوصف لكم باقيها !!
    أحسن شي إني أضب أوراقي = قبل لااخبِّص واقوم أرثيها ![/poem]






    القصيدة رقم 5


    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


    شرهة عْتاب إتعلق حْروفنا بيـن=جرح الكلام وسكتة الصمت والمـوت
    قطع الوصل جفت منْه شجـرْة التيـن=شوفيْ الورق من قلة الري مهتوت
    خريف يا عمري ويا قلب مسكين=وللحلم في عيني بعَـد مات تابوت
    وطعنة سيوف البعد في داخل العين=مرّود قهر في موق الاحباب مفتوت
    طول الغياب..فْداخل القلب سكين=وكثر الجفا..من ماضي الوقت ممقوت
    ضاق الفضا ما عاد به غير ثقبين= ثقب آتنفس منه وثقـبٍ بـه آمـوت
    حرفك به أنفاسي وموتي مـن البين=وشلون لو أتصعدك واسمع الصوت
    لاْنك سماءً ثامنه بين قوسين=قوسينها عينٍ لها شوفتك قوت
    وترتيلة حْروفك بها لولو وطين=أصالة أستحداث بأسحار هاروت
    جرْس القصيد بمنطقك لو تغنين=صنت له الأذان والعالم سْكوت
    وقوة بيانك فلسفه للذهينين=مثل الفخر في معركة عين جالوت
    لو تأسرين القاف ثم تستبيحين=دمه نثر دمه على صفحتك توت
    تصويرك الفاتن وتطريزك الزين=نقشة حروف وصارت ابياتك اْبشوت
    شعرك طلاسم خضب وكتابك اْيدين=وسحرك بيان وقافك أقسى من الموت
    أشفق على عاطر قصيدك وتدرين=ياعنبرٍ ماهوب من داخل الحوت
    وان كان عزمتي فْدربك تسيرين=الصوت ما ينفع ليامن قضى الفوت
    يارايحه..!قلبي معك لو تروحين=به زر للتفجير والقلب موقوت
    وان كان موتي لا حصل تستريحين=القلب بين اْيدْيك والبعد ريموت
    صغت إلك دره نادره فالدواويـن=ما هيب قول عقاب يومه عشـق نوت
    وبأقول لك كلمه واْعاهدك عهدين=من قلب صادق ماهي اشعار وبْيوت
    والله لا احطك بعيني عن العين=وأموت بك وأعشق على شانك الموت[/poem]





    القصيدة رقم 6


    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


    قالو هذاه اعلان من لجنة اوراد=للشاعر الي يحترف بالقصيده
    وقالو غزل قلت البلا نقد الاجواد=وخاف جرح(ن)في قافي يزيده
    جرح(ن)من الي حطله زل وشداد=وكوع وقلبي هوهذاالي يريده
    ادعج غنج مملوح فيه الحلا زاد=وعنده مزايا كلبوها فريد
    رمش(ن)ليا حول من الصعب ينعا=ونعاد كنه بالبطي يستعيده
    والخد براق(ن)جذب كل نشاد=في ركم مزن(ن)والهبايب مهيده
    والعود راك(ن)له على النيل ميراد=عروقه من الماء قربها مستفيده
    والقرن يتعب لا انقض كل كداد= تضيعبه لو قلت كل النشيده
    ذباح لقلوب العشاشيق صياد= ترهي عليه ويصعب انك تصيده
    جربت غيره بالهوى بس مافاد=لان قلبي ماباقله شريده
    روح معه وقول ممنون لاعاد=ونعاد في جسم(ن) خوا وش يفيده
    ![/poem]






    القصيدة رقم 7


    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


    يالله يامـن لـه عبيـده يلـبـون =ترفق بحالي وانجنـي مالتهالـك
    الشعر له هاجس خيال ومضمـون =يبحر بها الأفكار من غير مالـك
    مايملكه حضـر وبـدو يشـدون =هذي عطايـاالله تبلـغ وصالـك
    شاعروأوثّق مانظرتـه بكربـون =واساجلك بالشعر وما احلى سجالك
    يامن يناظرنـي بعينـه ومفتـون =عذبت حالـي عـذّب الله حالـك
    تشبح بعينك كنّهـا لـول مكنـون =يازين نظراتـك وياطيـب فالـك
    من لامني في العين ياناس مجنون =أجمـل عيـون تفتديهـا بمالـك
    أصبر وأجامل لكن الناس يـدرون =يدرون عينك موت وانـا باسالـك
    بأسأل سؤال اللي من الزين مغبون =مغبون لجلك وانـت ولا طرالـك
    بأسألك كم من عاشق لك ومسجون =أبغى الحقيقة والحقائـق حلالـك
    ياليت وانّي ولد عمـك وممنـون =ممنون أنا حتى ولو ولد خالـك
    قد تبت أنا مالحب وياكم به اطعون =لكن لعينك صرت عاشق دلالـك[/poem]





    القصيدة رقم 8


    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]



    آخر دوى المرضان قد قيل بالكي=وبعض العرب مافاد طبّه وكيّه
    ماجيتك ابغى شي ياحاتم الطي=ريّح ملايكتك وسْرج العبيّه
    مدام أنا راسي يشمّ الهوا حي=هبّي عليّه يالهبوب العذيّه
    ياللي كلامك غي ومشاهدك غي=اضيع أنا مابين هذي وذيّه
    سلّمت لك روحي على راحة ايْدي=واهديتني منْك التجافي هديّه
    لولا الشرف والدين والهاجس الحي=والحاجه اللي في خفوقي خفيّه
    ماكان يمنعني عن امقابلك شي=الفرق واضح بين شمسٍ وفيّه
    ارفق عليّ شوي واستلطف شوي=ماعاد فيني للمواجع بقيّه
    غيرك طويته عن هوى خافقي طي=واهدرت لك دمّي خليّه خليّه
    ومادمت معتبرك لي الزاد والمي=يعني بوجودك تصبح الروح حيّه
    تعال محصول الغلا ناقصه ري=اروه وفا مابين روحه وجيّه
    أما كذا وألا على ماطرك عي=ويغنيني الله من سحابه وريّه
    وأنت انتعم بالعز والظل والفي=وأن شفت زولك قلت : يالله حيّه
    صحيح بأن آخر علاج المرض كي=بس البلا من نقّض الجرح كيّه
    ![/poem]







    القصيدة رقم 9


    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]



    تدري اسباب البلا ورجف اليدين=ويش يثير القلب بجنون الغرام
    العيون الي حرسها وردتين=تستضل بروضة اهداب السهام

    تستفيق بحسنها فقلب(ن) رزين= تاخذه لابعد حدود من الهيام
    الصفا من لونها ضيه يزين=يعكس اطياف الهوى برقة وئام
    في عيونٍ شاقيه بهَم السنين=لاهيه بهمومها بين الانام
    مادرت بحساس همسات الحنين=ولادرت بفتون حلوات اللثام
    لين صاغ اهدابها بحلو الجبين=صيغة اللازام بوثاق اللزام
    ولتزمت بعشقها عشقٍ يزين= كل نظره من عيوني بأنسجام
    تختزل من حلوها شي(ن) ثمين= تهتني من عذبها صفوْ السلام
    للعيون احساس من طبعه مكين= ماتجيز سهومها خطي المرام
    ايه لوتدري حلاها 0ايش يلين= الصخور القاسيه فشهق العظام
    الغلا 0وهو الغلا 0 يحلف يمين= مايعيش بدونها اي اهنمام

    ايه ياضي الغلا لك مشترين= دام لك برواحنا عز اغتنام[/poem]





    القصيدة رقم 10


    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]




    لو ادري اِنّ الحبّ..يكفيني على صفحة ورَق=كتبت..والصفحات فوق الأرض ماتكْفي غلاك
    وأكبر دليل..تشوف عيني في موانيها غرَق=واِنِّك لحالك بسّ توّ العين..والباقي وراك
    الحبّ في قلبي رعّد..والشوق في عينِك برَق=فداك كل الناس ياروحي..وياعيني فداك
    حبّك سبى عقلي..وقلبك من شراييني سرَق=وأخذْت في تالي جميع العُمْر..قلت العمر جاك
    غنّيت لك..وأنا على أبحُر..في صباحٍ ماشرَق=من دون وجْهِك..كنّ ماله نور يبدي من سماك
    ياجعْلني ماأبكيك..يوم الراس في حبّك طرَق=واستعْذِرِك..دام القوافي ماتوصِّل مستواك
    حاولت أقول أكثر..ولكِنْ طِبْت..والقلب احترق=ماوِدّه اِلاّ بسّ جمر الشوق..تطفينه بماك
    ابانتظر..والله يعين..اَمسَح جبيني من عرَق=ذيك السنين اللّي مضَت..وأناأتَحرّا في لُقاك
    ونْهاية المشوار..وقِّف لي بذاك المفترق=اللي وقَفْ عنده وفا قلبي..وطلّعني معاك
    واِنْ كان شفت الحب يكفينا على صفحة ورَق=كتبت..والصفحات فوق الأرض..ماتوْفي غلاك
    ![/poem]






    القصيدة رقم 11


    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

    الورود اللي مع النسمات تفصح عن شذاها=قلت آباقلد شذاهافي قصايدانتقيها
    بس ماعندي نسايم توصل بيوتي مداها=كلما اكتب لي قصيدة!! اطبق الصفحة عليها
    والقصيدةكان منتي مبتداها ومنتهاها=مالك الله أتعب الهاجوس والأقلام فيها
    لنك أنتي محورالقيفان وأنتي محتواها=ماخبر معشوق غيرك له مكانه تحتويها
    وأنتي اللي لاقرأالقيفان يدري وش وراها=يدري إن الشاعراللي هندس القاف ايعنيها
    لاكتبلك<موووت أحبك>وانتي أول من قراها=حطّهافي داخل القوسين يعني أفهميها
    أفهمي وش مقصدة يامركبده ياحلاها=وأثبتيله موقف الحرة من اللي ينتخيها
    العرب تفدى الغريب اللي تذّرى في حماها=عاد روحي في يدينك كان بك خيراحتميها!!؟
    وأفتحي سجن القصيدةواطلعيلي في سماها=في سماءمحجوزلجلك غيرك أنتي مايجيها
    اطلعي لي شمس يذوي كل كوكب في سناها=اطلعيلي مزنتن كل المضامي تحتريها
    مزنتن تسكب على عوج المحاني عذب ماها=برقها يشدى للثغراللي حياتي في يديها
    اطلعيلي حرب هوجاءتطحن القاف برحاها=تأسرحروف القصيدةقبل قافي يبتديها
    اطلعيلي ناركبرى تحرق الحرف بلظاها=وأحمسي من فوقهابن الهواجس واشربيها
    أشربي فنجال شاعرلابدع قافه حماها=وكان غبتي عن بيوته غيريلعن والديها
    لنك أنتي تلهمينه قاف شعره لابداها=وأنتي أول قصته بالملحمة واللي تليها
    وأنتي أصل النيةاللي قبل مايكتب نواها=وأنتي اللي ملحمة شعري لها ومنها واليها[/poem]





    القصيدة رقم 12


    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


    قال العتيبي يـوم بيّـح كنـا ينـه = والحـال بيـِّن كـل حيّـن يعاينـه
    صاحبني الهوجاس والهم والسهـر= بصروف وقتٍ ياملا شفت شاينــه
    أعاني من العذال مع نكبـة الزمـن=لاشان وجه الوقـت بانـت بواينـه
    شكـواي لله بعـد فرقـاء حبايبـي= يعين قلب ( ن ) صادق الود هاينـه
    يكـن المحـبة للي البـدر وجههـا = لو شافها المحزون ينسى حزا ينـه
    يتبـع لها اللي بالمحبه تبـادلـه =لكنهـا بالقـرب صـارت أدّاينــه
    حال العواذل دونها عن حبيبهـا =عون الزمن جونـا بعـد زل زاينه
    محدي على الفر قاء وعيني تشوفها = وقلبي تكبد مـن سببهـم غباينـه
    يا اللي سنا خدك طرد عني الحـزّن = الحزن كانت من فراقك كواينـــه
    تعدى حدود الصبـر حتـى تبيـنت =عـلا مات فرقانـا للأشـهاد باينه
    وانا علـى عهـدي ووعدي مبدله = قطعته علا نفسـي ولآني بخاينـه
    ولا ينقض العهد الموثّق سوى ألردي= ولا يُطمع بجأشـي ولافي خزا ينه
    ولا اشكي همومي غير للواحد الصمد= عليه اشتكي لـه كلبـونا رهاينـه
    يالايمـي بالحــب ليتــك تجرّبـه = تجريبية اللـي عهد الأحباب صاينه
    يصبر علـى مابـه ولو خانـه الدهر =كاتـم لســره لو يبوح بكنا ينه
    [/poem]








    القصيدة رقم 13


    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


    يشين طبعك بعض الأحيان شيناه = تخطي وتزعل واعتذر منك وارضيك
    القلب من حقه تحنه وترعاه = أمانة حطيتها اليوم فيديك
    تراه جاه من الصواديف ماجاه = تدخل على الله لايخيب الرجا فيك
    أرفق على من لحن اسمك وغناه = على لحن وناة قلبه يغنيك
    يافقر حالي كل ماشتقت وغناه = ماتدري اني في الغلا منك واليك
    قربك مناي وبعدك الصعب مقواه = أروح عنك من الزعل يوم واجيك
    والا هروجك سبة الجرح ودواه = ودي تراعيني بها قدم أراعيك
    اليازهمتك ياغلا قلتلي هاه = وانا ليا ناديتني قلت لبيك
    من زاوية من قدّم الطيب يلقاه = قدمتلك هذي وعيني على ذيك
    أرجوك ساير خاطري واشتر رضاه = واحقن دموع قدلها عام تبكيك
    عجزت لاكتب صافي الشوق واقراه = مغير اعلج البيت علج المساويك
    جريتلي20ونّة على آآآآآآآآآآآآآآآآآآه = وجريتلي 20قافٍ على ييك
    يامعلقة قيس الملوح وليلاه = لافض فو كاتب درامك وراويك
    يشدني نبضك وحرفك ومعناه = والنبرة اللي تحتويها قوافيك
    نبرة حزن تجتاح قلبي من أقصاه = وتفقل عليها درفته والشبابيك
    لابوك ياحظٍ حرمني عطاياه = من وين ماوجهت خابت مساعيك[/poem]





    القصيدة رقم 14


    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


    على ذكرى الزمان اللّي تسوقه لهفة المشتاق=سهجت الفكر في سبع البحور وشفت مضمونه
    وسجلته بحبر الدّم حتى سيّل الاوراق=ولكن عمتي تال الزمن عميا ومجنونه
    أنا وش حيلتي فاللّي عرض لي يآمر السّواق=باشارة كف لا يمكن يجنّب عن دركسونه
    لحقته في طريقه واشهد الله كنت أنا السّباق=وشفت البرق في خدّه وشفت الموت بـعيونه
    أبو عين ٍ كما عين النّداوي مدمي المسباق=وابو خد ٍ كما برق الحيا لا ناض بـمزونه
    طعنّي طعنة ٍ بين الضلوع وقطّع المعلاق=ألا يالله دخيلك من صدوف الوقت وغبونه
    حصل لي منه نظره والنظر يكفي بدون عناق=يورّا لي بنيّة شيخ مصيونه ومزيونه
    أنا ماني سواة اللّي يطامر داخل الاسواق=يسجل بصمته فوق اللّسان وتضحك سنونه
    أنا شوقي بعيد ولو حصل لي كان فكري راق=دفنته والحياه أحلامها لا بدّ مدفونه
    قرينا عن علوم أهل الفلك في دعاية الأطباق=وانا عندي ثلاث أطباق بالألغام مقرونه
    أحد منها سوات الموس يلعب في يد الحلاّق=ليا منّه جرح يصير لون الدّم من لونه
    وأحد منها هواوي فيه روح المغرم العشاق=يغني مع حمام الورق حتى يتقن لحونه
    وأحد منها عزيز النفس يسكن عالي الآفاق=ولا يدخل محيطه غير شخص ٍ يعرف فنونه
    أحرّفها واصرّفها واصدّرها من الأعماق=تبي تودع عقول الناس بالأفكار مرهونه
    ألا يا صاحب ٍ تدري بسرّي شانت الأخلاق=أمدّ لك اليمين وحال شي ٍ دونك ودونه
    ألا يا صاحبي لا بدّ ما يحصل تعب وفراق=ولكن خلّ قلبي في ضلوعك ترجف ركونه
    ولا بدّ اللقا يحصل ونرضي حامي الاشواق=واعلّمك بخفايا رحلتي والرّوح مفتونه
    ألا يا من جبرني بالمودّه سيّد الاذواق=عزيز النفس لو ان الزمان يخالف ظنونه
    سما فوق الأسامي من حياه يشعّ له برّاق=ملك فكري على هونه سلب قلبي على هونه
    على ذاك الطّريق اللّي يلبّي لهفة المشتاق=لنا موعد على بحر الهوا ونغنّي لحونه [/poem]








    القصيدة رقم 15


    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

    بنت التـرف دام انها فـي ديارها = قـولوا لها إما تـجي إو جيتها .!
    وقـولوا لها انا وكـل اشعـارها= بأسبابها نفـس القـوي رثيتهـا .!
    في ديارها قامت تهلّ امطــارها = وانا هنا .! من بّعدها ناديـتهـا ..!
    في سجنها .. وقيودها .. واسوارها = مسجونها ولـولي آمـر ..عطيتها
    عمرن عشق من دونهـا اخطارها = كله فـدى لآأحيــائها ولميتهـا
    أبـدأ بها وميّت على مـأختارها = عشـيقةٍ طـول العمر هويتهــا
    لو ارتوي من يّدهـا .. وآبآرهـا = بكـتب لها في دفتـري .. ضميتها
    وأهدابـها ..وعيونها ..وانظارهـا = إليا عطتنـي نظـرةٍ .. سريتهــا
    وأحـلولها .. وآمالها.. وافكـارها= لـو هي غلط.! مشيتهـا وتميتهـا
    ولو طولت بي وانتهى مشوارهـا= مابـه تعبّ .. وإن طولّت مشيتهـا
    يسعد مساء إعلومهـا .. واخبارها = ياحيّـيها بنت السعـد .. فديتهـا
    كنت احسد اللي حولها أو جارهـا = واليوم انا شمعـة غلا في بيتهــا
    لو به بشّر من مثلهـا وتكـرارها = ماشفتني فالشعـر كيف ارويتها..!
    خزنة ذهب ماحدٍ كشف اسرارهـا = دولة وفـاء في داخلي حميتـهـا
    دلالـها .. وحنانهـا ..اضرارهـا = وقبل انتهي مما بهـا بديتــهـا.!
    سبحان ربي يومها في ديـــارها= كنـت انتظر إمـا تجي أو جيتهـا.!
    وكنت احسد اللي حولها أو جارهـا= واليـوم انا شمعة غــلا في بيتها.![/poem]





    القصيدة رقم 16


    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


    خطوتك كلها ثقة والناس تفرش لك حرير=والمشاعر تنحني لك دام لك هيبة ملك
    والشعر إحساس متوالد مع إحساسك يصير=ترجمة ابيات في إعجاز وافي .. مشترك
    كنت اقول لنفسي إني فيك دايم مستخير=كل ماجيت ارتكبك احساس فيني ملت لك
    وش احس الا اشوف انك قليلٍ من كثير=منسكب لك .. منجذب لك .. لك والله اني لك
    افضل الإيماء عفوي حينما يلقى الأثير=وأفضل الإحساس مايُبهر ودايم يسهرك
    انهدي لك واستثيرك شوف يعني مستثير=انت بس لاحظ حبيبي وين مارحت اتبعك
    حتى لو قالوا وقالوا حبها ذاك الضرير=حبها ماحبها .. بس انت وقف بسألك
    بسألك وشهو الشبه بين العلاقه والمصير=جميعهم اسباب لكن شي عن شيّ(ن) يلّك
    شفت كيف المسأله صعبه ولكنك خطير=عارف اني دايم اتجرأ واحاول اقهرك
    اجذبك في كل حكيي وانت في علياي طير=واسفهك ثم المحك واشتاق لحروفي معك
    يعني انا منك ولك والدرب كلن له يسير=وانتي وانا واصلاً هنا هيبه خذتها من ملك[/poem]








    القصيدة رقم 17


    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


    ياصاحبـي ليـه الجفـاء يـوم جافيـت=وأنا أحسـب أن أبـراج حبـي رفيعـه

    طبعي الوفاء وأن كـان حبيـت حبيـت=وطبيعتـك .. ياشينهـا مـن طبيـعـه

    مديت لك كف الرضـاء وأنـت مديـت=مديـت لـي كـف الجفـاء والقطيعـه

    الله يبارك فيكـ.. وشلـون .. صديـت=وأنت الـذي روحـك لروحـي مطيعـه

    بـأغليك أنـا ياصاحبـي ولـو تغليـت=حتـى ولـو أرض المفـارق وسيـعـه

    وأنت الـذي فـي دنيتـي ذي تمنيـت=وصرت الضيـاع ولازم أنـي أضيعـه

    غلاكـ.. أحكي بـه وأنـا مـا تحكيـت=اللي فـقلبي .. القلـمـ.. مـا يشيعـه

    أنت الفصـول الأربـع وكـان ماجيـت=وشهو الخريف وذا الشتاء مـع ربيعـه

    والصيف كانك ما أنت راجـع فـياليـت=اللي .. يحبكـ.. ما تحـاول .. تبيعـه

    أول غلانا .. بـالبرائه .. بـلا صيـت=كني رضيع .. وعاشق (ن ) له رضيعه

    ومن يوم شافوني .. بـحبك .. تركيـت=في مجلس الحب .. ودروب (ن ) فضيعه

    صاروا .. سهوم وسمها للغلا .. يميـت=وصرت أتحرى .. هجرك .. بلا رجيعه

    واليوم .. شفتك .. الـغلانا .. تناسيت=وصرت .. متندمـ.. للغلا .. يوم أذيعه

    المشكله .. أعرفكـ.. بـأنكـ.. تعنيـت=وأشواق قلبك .. في ضلوعك .. مريعـه

    حديت قلبي .. عـالهجر .. لين حديـت=روحي .. على الحزن الذي ما أستطيعه

    برد الجفاء والهجر .. ودرب التشاتيـت=صاير صقيع .. وضعت أنا في صقيعـه

    ولو صار مهما صار .. ومهما أصريـت=بـأموت أحبك ( دوك ) قلبـي وديعـه

    وياليت : ترحم حالك .. وحالتـي ليـت=واللي .. ( يحبك ) .. لاتفكر .. تبيعـه [/poem]





    القصيدة رقم 18


    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


    تغيب عني ..واحلم ..ابلحظة حضور = واليا حضرت.. اخاف.. واقع .. غيابك

    لا.. البعد ..مقدورن ..ولا ..القرب ..مقدور = شيّبت.. فيني وانت باول ..شبابك

    اليا ..اظلمت ..دنياي القاك لي.. نور = وان ..ضاق.. صدري مالي الا ..رحابك

    حزين .. لا ..جيتك ..والى ..رحت ..مسرور= أجني.. نعيمك.. وانت ..زارع.. عذابك

    خلك.. ربيع العمر..لاتتركه ..بور = ياقاسي.. الاطباع ..ليّن ..جنابك

    مغمور.. لكن منك اباصير.. مشهور = يامنتهى.. اللي في غرامه.. بدا بك

    متواضع.. ولو كنت انا فيك.. مغرور = وازعلت.. لجل ارضيك .. قلبن غدا بك

    أسمح.. لعاشق عن مواصلك.. محظور =وأجمع ..شتاته.. فيك واحسب حسابك

    حتى الحضور ..اشتاق ..لو لحظة حضور!!= أرحم حضورك ..من تجبّر ..غيابك[/poem]








    القصيدة رقم 19


    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

    الشعر فن ولـه قوانيـن واسلـوب=ماهو كـلامٍ كـل شخـصٍ يجيـده
    احيان اصير بحضرة الشعر مطلوب=ابذر لـه افكـاري وتنتـج قصيـده
    ياغاليه جتنـي مراسيـل محبـوب=تحمـل طوابعهـا الديـار البعيـده
    تحمل بصفحات الامل شوق وعتوب=شوق الحبيب اللـي كتبهـا بايـده
    وتملك احاسيسٍٍ بها شي مرغـوب=رغبـه لمـاضٍ فـات صعب ٍ نعيـده
    وقتٍ مضى كله متاهـات ودروب=حتيش لـو قلتـي لحالـك وحيـده
    من يغفر اذنوبي اذا بغفـر اذنـوب=سبحان مـن يغفـر خطايـا عبيـده
    لعبتي بقلبـي علـى كـل دالـوب=وشتتـي أحـلام الحيـاة السعيـده
    قلبٍ ملك في حبك أوطان وشعوب=ارخص لك الغالي وينبض وريـده
    دستيه باطراف القـدم لازم ايتـوب=وعقبـك تهنـا فـي حيـاةٍ جديـده
    خمسة عشر عامٍ من العمر محسوب=بعتيه فـي لحظـة دقايـق زهيـده
    واليـوم جيتينـي تقوليـن باتـوب=منتي لحالك فـي حياتـي الوحيـده [/poem]





    القصيدة رقم 20


    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


    أضحك على نفسي وانا اقول ذاكرت =والشاهـد الله مافتحـت الكتـابـي
    اليافتحـت كتـاب كنـي تذكـرت=الصاحب اللي مـن غيابـه عذابـي
    لامرني طيفه على البيـض عبـرت =هي حيلتي لامـن طيفـه سرابـي
    مايدري اني فـي عذابـه تصبـرت=وشيبت مـن حبـه بسـن الشبابـي
    لاشفت عينه في مكانـي تخـدرت =وثور على قلبـي بعينـه وصابـي
    بالله قولولـه تـرانـي تـدهـورت =من طول صـده والجفـا والغيابـي
    قولوا غيابك سـل حالـه وسكـرت =قلبه عـن الباقيـن حتـى القرابـي
    ثم خبـروه بقـول كانـك تاخـرت =مجنون ليلـى صـار منهـا يبابـي [/poem]








    القصيدة رقم 21


    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

    مايمدي الذكرى تسافرعن البال=روحك معي يابنت وأنتي بعيده
    خمسة سنين بدنيتي هم يجتال=ماأشوف غيرك في عيوني وحيده
    يامن ملكتي داخل القلب منزال=عمري يشيب وحبّكم في جديده
    معقول أنسى والبلاء في مازال=ياكيف أنسى لوجنابك عنيده
    أنتي عذاب الروح والليل قدطال=وأنتي خيوط الشمس فوق المديده
    قلته أحبك وأرفع الصوت موال=شاعروترجم مايحسه قصيده
    قلبي يدوّر في متاهاتك ظلال=قربك دفى والبعد كنه جليده
    أرجوك أرفق صاحبك يرقب آمال=في داخله والهجرماأحدٍيريده
    أسهرطوال الليل والهم ينهال=نبضي ألم والموت ممسوك بيده
    عشت الليالي ياحلالي على الجال=وأناغريق الحب وأنتي شريده[/poem]





    القصيدة رقم 2 2


    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]



    تعال ابي احط النقط فوق الحروف=اما اتفقنا من هنا ولاسلام
    الى متى وانا على وصلك شغوف= والى متى وانته قليل الاهتمام
    ان كان قلبك حي خوف الله وروف= انا تعبت من التجافي والخصام
    وان كان قلبك مات ماباقي حسوف =اي والله ان الضرب بالميت حرام
    وان كانها دعوى انتقام اسمع وشوف = مافيه بسلوم المحبين انتقام
    اللي يحب يطوف اللي ماتطوف =ومايلحق المغلي بغاليه الملام
    يابن الحلال الوقت قطاع الشفوف = احيانا وشفك يمن ينحيك شام
    وانت اغتنمها فرصه بصنع معروف = وبيني وبينك للضمير الاحتكام
    انت الحكم واحكم ولا يلحقك خوف = الا على الذمه وعادات الكرام
    وانا لك الله وانت من غير محلوف = تعرفني اصدق بالفعول وبالكلام
    هجمة همومي من عنا جور الظروف = كنها يدين جياع وضلوعي ايدام
    اونس مثل ضرب الجنابي والسيوف = بالصدر حتى راحت ضلوعي حطام
    الله لايحرمك دانية القطوف = لاتحرم عيوني ملذات المنام
    لاتنثر احلام المحبه للعصوف = يوم انها صارت مثل ريش النعام
    لاصار شوقك للقا شرب العيوف = انا بحل من العهد والالتزام
    ولاترى فرقاك لاتعني وقوف = مسيرة القلب الخضر مع الغرام
    لن التوقف عند نقطة للضعوف = وانا بفلسفتي اسميه انهزام
    تعثر بخطوه بمفهوم العروف = حافز كبير لخطوه اخرى للامام
    يمكن عن الحب التنحي والعزوف = ياخذ معي شهرين وان طولت عام
    غيرك من امثالك على الدنيا الوف = القى بهم وافي ليامن حب هام
    بالرغم من ندرة شبيهك بالوصوف= اوربما توصل حدود الانعدام
    لنك على اجمل وصف باوصافك تنوف = اعطاك ربي جاذبيه وانسجام
    ماكنه الا شمس ينصفها كسوف = اليا انتصف على هاك الوجه اللثام
    وتبارك الله يوم اناظر بالكفوف = الشاهد الله كن مافيها عظام
    كفوف غيرك جت مع كفوفك خفوف= واصابعك تشبه وهي اعلى مقام
    اعلان تسويقي يخص الديفادوف = ليا استوت بالصف والكف استقام
    وعرض الصدر على الضخامه بالردوف = اشبه بساعة رمل مع دق الحزام
    عيبك على لسانك بعض لفظ معسوف = ومع ذلك احسه على افضل مايرام
    احيان حرف الراء من الاصل محذوف = واحيان تنطق راء لكن نص لام
    وانا اعتقد مهما يكن رغم الانوف = انه لجمال الروح فرض الاحترام
    العلم وصلك والنقط فوق الحروف = اربع حروف بلا نقط يعني (سلام)[/poem]








    القصيدة رقم 23


    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

    كن قلبي روضٍ افلس من سحاب اقفى وطافَ = المطر باطرافَه وما سيّل الوديان يمّه

    أو كأنه قاع بيرٍ يبّسه حرّ وجفافَ= جفّ ماه وخاب ظنّه / في البروقَ اللي تِعمّه

    أو كِما اللي كان شايف /وانعمى فجأه وشافَ= حيلته من يوم فتح /يفرك اصباعه بكُمّه

    بين واقعك وظنوني / فرق واضح واختِلافَ = واقعك خيّب ظنوني / واكتشفت اشيااء مُهمّه

    اكتشفت اني مضيّع فُرصتي في الإكتشافَ = ماظلمت النفس فيك / إلا ،، بها جبت المطمّه!

    أعتبرني يوم ابادل نظرتك باالأنصرافَ= واحدٍ قاطع كلامك /قال :(هرجك في متمّه)

    اعتبرني كِنت جاهل تخدعه صورة غلافَ= يجذبه حسن المظاهر/ والمعادن ماتهمّه

    او مراهق كاد أن ..يسلك طريق الإنحرافَ= او صغيرٍ ما يفرّق بين ابوه وبين عمّه

    ما قطعت من المسافه /غير نصف الإنتصافَ= والطريق اللي بديته/ أقطع اقدامٍ تتمّه!

    كل عشقٍ غير عشقك ينتهي فيهَ المطافَ= وغير دربك ما يوصّل في نهاياته لقمّه

    جيتلك مُجرم بريئُ ،، مجبرَ باالإعترافَ= طاح في حظٍ رديّ ،، وخاين ،، ومعدوم ذمّه

    جيتلك طفلٍ صغيرٍ .. من ظلام الليْل خاف= كل ظلما في عيونه موتها على يد أمّه!

    جيتلك مجنون ليلى ،، اللي كِره ليلىْ وعاف= صار حبّك في خلايا جِسمه / وبعروق دمّه

    جيت يمك فعل ماضي / فاعِله أصبح مُضاف = وانت تدري بِاالإضافه / يُرفع الفاعِل بضمّه

    ضُمني وانت الحُكومه / وانت حِزب الإئتلافَ= القضيه في يدينك وانت ابوها وانت سمّه[/poem]





    القصيدة رقم 24


    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


    مضى لك وقت تستوطن خفوقي وتستبيح ارجاي = وأنا استغفر من احساس ٍ يجيني واتبع احساسي !!

    اخاف الوقت يكتبني حبيب وتنقري اشياي =واخاف الشوق يرسمني غريب وتنمحي ناسي !!

    حبيبي والغلا بعثر سكوتي وتوني مـ/ امداي = بقربك .. كيف اجل لو تنتثربي ويمتلي كاسي !!

    حبيبي مالي وجر الربابة وارتعاش الناي = عن اجراس الهوى واهل الهوى تغنيني اجراسي !!

    انا اللي جيت في عز انكسارك حامل ٍٍ مبداي =اباسوّي بها دور الكبير وجت على راسي !!

    غريب ٍ خانني وجه الديار ولا وفى مسراي =ورحت احطب متاهات السرور وملّـني فاسي !!

    لمحتك .. قلت يشبهني كثير بنظرتي وخـْـطاي = عرفتك .. قلت تفداه العيون وجيت لك ناسي :

    عناويني .. ليالي غربتي .. دربي .. عيون اعداي = طموحي .. بسمتي .. روعة حضوري .. صوت جلاسي !!

    تخيّل من كثر مـ/اكره فراقك لا لمحتك جاي =اشيل هموم توديعك بقلبي واكتم انفاسي !!

    يا أول من تجمّــل في دموعي واستفز بكاي =يا أول من تفلسف في غروري واظهر افلاسي !!

    يهمك تعـْــرف ان غلطة غرامك بعثرت دنياي =تعال اسمّعك نبرة سكوتي وصمت وسواسي !!

    وتعال احدّثك عن بخل صبري وعن كرم ذكراي =اذا حدّتني اشواقي عليك وانت متناسي !!

    ظنون .. جنون .. غيرة .. شوق .. إلى اخر مدى وياي= متاهات ٍ أقاسي جورها وشلون ما أقاسي؟ !!

    وانا اللي قبل تذكرني المحبة داله ٍ نسّاي =ينومسني طموحي واعتلي ويـْــزيد نوماسي !!

    واغني للأماني خطوتي واسمع صدى مغناي =اذا هبت نسانيس الوصول وهب نسناسي !!

    سقى الله ياحبيبي ما مضى يوم النصيب ارضاي =قبل لا اميل ميلة من كبا والشوف متواسي !!

    لك الله .. كيف ابحر بي هواك ونظرتي مرساي؟ =لك الله .. كيف عراني غلاك وداخلي كاسي؟ !!

    حرام اني مـ/ عاد املك من اوطاني سوى منفاي =وحرام ان باسي اللي تذكره ماعاد هو باسي !!

    مغير اروي على عجز انتظاري مقدرة مولاي =ومغير اطفي حطب صمتي - عبث - واشب كراسي !!

    بليل ٍ مثقل ٍٍ بالموت محبط شاحب ٍٍ شرواي =غفابي لين ما صار المحال المعجز نعاسي !!

    سجن .. حراسه اغلو عبرتي واستعذبو نجواي = الا واشيب عيني مْـن التناجي وسجن حراسي !!

    حبيبي .. دامها وصْـلت مداها لا تجيب اقصاي =تراني بالهوى لين مشاعر والهوى قاسي !!

    دخيلك لا تعلقني على كف الزمان الجاي =واراوح بين دوامة رجاي وغطرسة ياسي !!

    حبيبك خاف في عز التلاقي لا يخونه راي =وصاح : الصدق دربي يازمن والعز نبراسي !!

    انا لو ضاعت ايامي محبة ما تضيع امناي =وانا لو مالت كفوفي هوى ما ينحني راسي !!

    بعيدٍ .. تغرق بساكت بحوري همهمة شكواي =ثقيل ٍ .. لا طغى موج الليالي شفتني راسي !!

    حبيبي ما علينا .. ماني مغنّي على ليلاي =تطول المسألة من حد قرطك لين قرطاسي !!

    بفارق دامها من جرح قلب ودمع عين وجاي =ودخيلك لا تواسيني .. وش تخلي وش تواسي !!

    حبيبي جفـّت أوراق المسا - خوف - وقست يمناي =وجيتك طالب ٍ كف الوداع وقلب هوجاسي !!

    اذا اهديت الهوى حرف الموادع .. لا آعدم معناي =واذا شحّيت في حبر الجفا ..لا عاش كراسي !!

    [/poem]






    القصيدة رقم 25


    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

    العنود إللي نحرها غايباً شيطانه=مابعد لمسه كفوف الا كفوف ايديها
    تلمسه من غير قصد ان شبكة ستيانه= اتخيل شوفها لومانظرت إليها
    فالنحر هملول وبلٍ راكدٍ ودانه=يوم تعطف برقبتها والشعر كاسيها
    ربة الخصر النحيف الغضه الريانه=عايشه في نعمة السلوان والترفيها
    من خلقها الله وهي فالبيت مثل الدانه=في عباب البحر وامواج البحر تحميها
    وكل شياً في حماية ربنا سبحانه=الله انه من صواديف الفتن ينجيها
    شفتها لمحة بصر واقفت وهي زعلانه=من حياها ماتبي حياً يناظر فيها
    في عتاب لنفسها واتقوا انا غلطانه=وش علامي ليش محفظ زينتي واخفيها
    يعلم الله ماسمعت إللي يقول السانه=المشاعر علمت بالمعرفه راعيها
    واعذاب الشاعر إللي حركة وجدانه=مابقاء من طيفها إلى قصةٍ يحكيها
    والبقايا من سهوم عيونها النعسانه=صوبتني فالصميم اولا قدرت ارميها
    زينها تهتف بشعري كنها فنانه=تحفظه وتلحن الشيلات وتغنيها
    بعدها لابرتقالتهم ولا الرمانه=وا هني إللي ملكها ملك لويشريها[/poem]





    القصيدة رقم 26


    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


    من قلبي الولهان صدرت مرسوم=بسمي و توقيعي وختم المحبه

    قراري السامي ينفذ من اليوم=يعلن لكل الناس حبي وحبه

    حبيب روحي داخل القلب محشوم=جمر الغلا بعده وقربه يشبه

    لو غاب عن عيني جفا عيني النوم=مالي طبيب الا علاجه وطبه

    مشاعري تتوقله دايم الدوم=والا العيون لشوفته مشرهبه

    قررت ابين كل خافي ومكتوم=يا عاذلي كب العذل عنك كبه

    والا تراك اتعيش وتموت مهموم=نيتك لاترميك في وسط غبه

    راع الهوى والعشق ما يلحقه لوم=لو باح مكنونه ودمعه يصبه

    يا كثر ما نسمع من اخبار واعلوم=في نجد والا يم حايل وجبه

    قصص من الواقع على عز واسلوم=منها الدجيما والمثل ينضربه[/poem]




    القصيده رقم 27

    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    فـرقـاك ســوّت فالحـشـا مــا لا يسـويـه الـجـمـر=تـعـال دوك الكـبـد شـــف طعنـاتـهـا وحـروقـهـا
    أسهر علـى ذكـراك طـول الليـل وعيونـي حمـر=كـنـي أتـحـرى الشـمـس مــن مغيبـهـا لشروقـهـا
    اشتـقـت للنخـلـة وعــذق النخـلـة وطـعـم التـمـر=اللـي قطعـت العهـد تـحـت اظلالـهـا مــا ابوقـهـا
    يـمـر ذكـراهـا عـلـي أحـيــان .. أي والله يـمــر=فـديـت أنــا النخـلـة وتـمـر عـذوقـهـا وعـذوقـهـا
    وصلي أمر وأنت الحكم واحكم وفي ايديك الأمر=لـكـن تـذكــر .. كـــل يـــد ويـــد ربـــي فـوقـهـا
    العمـر لحظـات بحياتـي وأنـت لحـظـات العـمـر=مـا دام لحظاتـي قـدر مـولاي .. يـا خـي روقـهـا
    أنـا بوصلـي المستمـر وأنــت بجـفـاك المستـمـر=إن مــا التـفـت أسوقـهـا .. ولا تـــراك تسـوقـهـا
    اللي عن اصحـاح النوايـا البيـض تغنيـه السمـر=لا يحسـب العالـم يـمـوت الــدم وســط عروقـهـا
    إن ما انهمر دمعك علي .. عليـش دمعـي ينهمـر=وش كبّـرك تجـهـل مقـامـات الـعـرب وحقوقـهـا
    أسكر ولكن سكرتـي طنيـة .. مهـي سكـرة خمـر=والسكرة اللي من هلي .. يحـرم علـي مـا افوقهـا
    شلـون تبغـانـي أعيـشـك نــار وأشــواق وجـمـر=وأنـت العهـود اللـي تحـت ظـل النخيـل تبوقـهـا [/poem]


    القصيدة رقم 28


    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

    يابنت ماني فيـك مغـرم وهيمـان=ولا نيب عاشق أو من أهل الأماني
    أنا مجرد شخص عايـش بحرمـان=وماظنتـي مثلـي أبـد مودمانـي
    من شوفتي لك صرت يابنت حيران=وعادت بي الذكرى لهاك الزمانـي
    وذكرت منهو شب في القلب نيران=هاك الغـزال اللـي بحبـه بلانـي
    وسريت في ليل الهوى دون عنوان=أحلى سنين العمـر بأربـع ثوانـي
    حتى سمعت منـادي قـال غلطـان=وفتحت عيني وأثر حبـي عمانـي
    من شان ذا يابنت بعطيـك برهـان=مثبت بأجمـل وصـوف المعانـي
    أنتي سكنتي قصـر صمـم بإتقـان=وأنا سكنت الطيـن قبـل المبانـي
    وأنتـي تمشيتـي بلنـدن ولبنـان=وأنا بريضـان رغبـه ذا مكانـي
    وأنتي ركبتي الروز والبنز والفـان=وأنا معي موتـر يزيـد إمتحانـي
    وأنتي طربك إليا صدح صوت فنان=وأنا أنطرب لأوحيت صوت السواني
    أكبر همومك لون جزمـه وفستـان=وأصغر همومـي كسـر(ن) المحانـي
    أنتي حياتك كلها أشكـال وألـوان=وأنا حياتي شكل مـن دون ثانـي
    على كذا يابنت وش صار وش كان=صدفه وربي في طريقـك رمانـي
    وختامها نطلـب مـن الله غفـران=وإنـه يسكنـا بعالـي الجنـانـي
    وصلاة ربي عـد همـال الامـزان=على شفيع الخلق قاصـي ودانـي

    [/poem]





    القصيدة رقم 29


    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


    في زوايا الحس هذا الشوق يغلبني عنيد=كيف تمنعني الإراده أتصل لأية سبب

    لملم الهاتف وعانق مهجتي ويا الوريد=مالي غيرك في حياتي..يستمع مني العتب

    أرفع الهاتف وكمّل قصة الشوق الفريد=إشتعل شوق ومشاعر..تلقى هالخافق يشب

    خَلّنا ننسى نفسنا..ولايهمك هالرصيد=مايعادل شوق روحي أي كنوز وأي ذهب


    الرساله ماتوفي ولهفة الخاطر تقييد=كيف تكفيني رساله ابحرف ضامي تنكتب

    ولين مرت فوق أسمك كل مافيني يريد=أضغط أرقامك وأسافر من حياتي وأغترب

    بهرب لعالم حنانك..إهمس حروفك وجيد=وإحتظن لهفة جنون العقل لو لجلك هرب


    أرفع الهاتف تراني مت من شوقي الطريد=أرفعه خل المشاعر تلعب ابروحي لعب


    يعني خايف..أو تحاسب..أتصل لك من جديد=دام روحي تعود فيني شلي باقي ينحسب؟؟!!

    أرفع الهاتف وخلني أستمع صمتك وأزيد=خل ناري تفيض فيني وخل شوقك يلتهب

    ولو تنفسنا هوانا وتهنا في حلمن شريد=إحظن الهاتف وخلني أستمع صوت القلب

    وارقب حروفي وتفنن إستمع شوقي وصيد=كل كلمه تثور فيني..من وَجَلّها تنقلب

    يعني ضيّعني في صوتك..وأبشر ابحبي الشديد=أبشر ابضيعة خفوقك في كلامي وإرتقب

    وزيد شوقك في كلامك زيد وزيد..زيد وزيد=لين أشهق من غرامي وينتفض رمش الهدب[/poem]




    القصيدة رقم 30


    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    لو تنطفي شمعتي وأذوب في ذاتي=واتوه في ظلمة توحش لياليها
    ولو تذرف العين فوق الخد دمعاتي=ياسعد عين غلى مثلك يبكيها
    ولو تعجز اعصاب جسمي عن مجاراتي=و اقدام رجلي تخلف عن مواطيها
    ياسلوة الروح يامشكاي يامناتي=ياسلسبيل الحياة وجنتي فيها
    عشقك مدى سلوتي واوسع مداراتي=كل الكواكب سنا حسنك يضويها
    اصارع الموج واعشق موجك العاتي=وانغام حزنك حشا منهو يغنيها
    لدي بعطفك!! ولمي باقي شتاتي=يمكن تروفين في حالي وترثيها
    وان مت لفي بيدك باقي رفاتي=وبطيبتك صلي على روحي وحييها
    ذاب الجليد وصفالي عذب الآهاتي=حتْ الورق من غصون كنت اساقيها
    دفي براد الهواجر واروي شفاتي=وحطي كفوفك على كفي وخليها
    اهواك واعشقك واهجر واحة سكاتي=جارح رهين ؟؟ النواظر يوم تغضيها[/poem]





    القصيدة رقم 31


    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    يابنت ماني فيـك مغـرم وهيمـان=ولا نيب عاشق أو من أهل الأماني
    أنا مجرد شخص عايـش بحرمـان=وماظنتـي مثلـي أبـد مودمانـي
    من شوفتي لك صرت يابنت حيران=وعادت بي الذكرى لهاك الزمانـي
    وذكرت منهو شب في القلب نيران=هاك الغـزال اللـي بحبـه بلانـي
    وسريت في ليل الهوى دون عنوان=أحلى سنين العمـر بأربـع ثوانـي
    حتى سمعت منـادي قـال غلطـان=وفتحت عيني وأثر حبـي عمانـي
    من شان ذا يابنت بعطيـك برهـان=مثبت بأجمـل وصـوف المعانـي
    أنتي سكنتي قصـر صمـم بإتقـان=وأنا سكنت الطيـن قبـل المبانـي
    وأنتـي تمشيتـي بلنـدن ولبنـان=وأنا بريضـان رغبـه ذا مكانـي
    وأنتي ركبتي الروز والبنز والفـان=وأنا معي موتـر يزيـد إمتحانـي
    وأنتي طربك إليا صدح صوت فنان=وأنا أنطرب لأوحيت صوت السواني
    أكبر همومك لون جزمـه وفستـان=وأصغر همومـي كسـر المحانـي
    أنتي حياتك كلها أشكـال وألـوان=وأنا حياتي شكل مـن دون ثانـي
    على كذا يابنت وش صار وش كان=صدفه وربي في طريقـك رمانـي
    وختامها نطلـب مـن الله غفـران=وإنـه يسكنـا بعالـي الجنـانـي
    وصلاة ربي عـد همـال الامـزان=على شفيع الخلق قاصـي ودانـي
    [/poem]


    ونفيد شعراءنا الكرام علمنا أن قناة قوافي الراعي الرسمي لنشاطات منتديات غرابيل الأدبية قد خصصت حلقة خاصة عن هذه المسابقة وسوف تقوم القناة باختيار عشر شعراء لألقاء قصائدهم وتسجيلها لبثها بعد إعلان النتائج من قبل اللجنة .

    كذلك نتمنى من شعراءنا مراسلة مشرفين القسم في حال طلب أي تعديل قبل يوم السبت القادم , وعدم الطلب من خلال الردود في هذا الموضوع .

    تحيتي للجميع
    التعديل الأخير تم بواسطة محمد الروقي ; 25-01-2008 الساعة 08:35 PM

  2. #2

    نجم ماسي

    الصورة الرمزية هَذْيَّان
    تاريخ التسجيل
    Jul 2006
    الدولة
    عَيِنَيِه ..!
    المشاركات
    7,072





    .؛.

    ماشاء الله

    كثار القصايد..
    وكلهم حلوووين

    الله يعين اللجنة عالإختيار..



    دمت ياغلايـ
















    Sara


  3. #3
    ~ [ المديـــر العـــام ] ~
    الصورة الرمزية خــــالـــــد
    تاريخ التسجيل
    Jan 2004
    الدولة
    الريـاض
    المشاركات
    57,989
    [align=center]
    أبو عبدالرحمن
    ـــــــــــــــــــــــــ ــــــ
    الحمدلله ماني في اللجنة !!

    ولا كنت اخترتها كلها

    والله قصايد جزلة وراااااائعة

    تسلم يالغالي على المجهود

    والله يوفق الشعراء .. بداية موفقة !
    ـــــــــــــــــــــــــ ــــــ
    أخوكـ/خالد
    [/align]




    [email protected]



    حياكم بتويتري
    kdosary

    أنت الزائر رقم :

  4. #4
    شــــاعـر الصورة الرمزية عبد الرحمن مازن العطاوي
    تاريخ التسجيل
    Dec 2005
    الدولة
    الرياض
    المشاركات
    1,066
    [align=center].
    .


    :)


    بالتوفيق لـ شعرائنا يابو عبدالرحمن


    .
    .[/align]
    [align=center]
    الموت عندي ماهو إبموت الإنسان
    ______ الموت لاصديت منهو يردّك .!!

    [email protected]
    .[/align]

  5. #5

    مشرفة منتدى تعليم أبجديات الشعر

    الصورة الرمزية وجــــدان
    تاريخ التسجيل
    Jan 2007
    المشاركات
    2,417
    قصائد جميله بالفعل

    الله يعين اللجنه بتحتار في اختيار الفائزين

    شكراً أبو عبدالرحمن

    تحيتي لك
    [align=center]أستغفر الله العظيم[/align]
    ملتقى شعراء الزعيم
    http://www.g111g.com/vb/t138730.html#post2141264

  6. #6

    رئيس تحرير مجلة حقائق

    الصورة الرمزية مهدي بن مسفر الحبابي
    تاريخ التسجيل
    Jul 2005
    المشاركات
    4,307
    أخوي ابو عبدالرحمن

    بيض الله وجهك على مجهوداتك الرايعه

    شعراء جزلين والله يوفقهم

    والله يوفق المجلة والقائمين عليها

    والله يوفق قناة قوافي على هذه البادره

    لكم احترامي وتقديري
    [poem=font=",6,,bold,normal" bkcolor="transparent" bkimage="http://www.g111g.com/vb/mwaextraedit2/backgrounds/124.gif" border="none,4," type=2 line=0 align=center use=ex num="0,black""]
    مـا كـل مـن يكـتـب حـروف الـقـصـأيـد
    يـقـدر يـنـاقـش بالـقـصـأيــد مــواضـيـع
    الشـعـر ســامـي والـمـشـاعـر فــرايـــد
    وأجـمـل بـنـات الـفـكــر تـاتـي مـفـاريـع[/poem]

  7. #7
    شــــاعـر الصورة الرمزية فالح المصعوك الغنّامي
    تاريخ التسجيل
    Aug 2007
    الدولة
    هنا وهناك
    المشاركات
    764
    بالتوفيق للجميع

  8. #8
    شــاعر
    تاريخ التسجيل
    Jan 2006
    المشاركات
    318
    [align=center]بالتوفيق للجميع[/align]

  9. #9
    ~عضو مؤسس ICDL ~
    الصورة الرمزية دفا المشاعر
    تاريخ التسجيل
    Jun 2005
    الدولة
    جـــدة
    المشاركات
    11,415
    ما شاء الله عليهم

    والله كل ما أقول هالقصيدة حلوة
    ألقى الثانية أحلى من الأولى

    والله بيكون اختيار اللجنة صعب
    الله يعينهم

    وربي يوفق جميع الشعراء

    وبننتظر النتائج على أحر من الجمر

    وكل الشكر لإدارة غرابيل على جهودها المتألقة دوماً

    احترامي وتقديري
    استغفر الله الذي لا إله إلا هو الحي القيوم وأتوب إليـه






    شكراً ع الإهداء غلاتي الحلوة فهوووودة

  10. #10
    شــــاعـر الصورة الرمزية نايف عبدالله العتيبي
    تاريخ التسجيل
    Apr 2007
    الدولة
    ـالرياضـ
    المشاركات
    818
    .

    أبو عبدالرحمن

    لاهنت يالقرم وعساكـ عـ القوه

    وبـ التوفيق لـ الجميع

    أخوكـ
    .

    وينكـ ؟

  11. #11
    موقوف الصورة الرمزية نشمي مقعد العتيبي
    تاريخ التسجيل
    Sep 2006
    الدولة
    جـــــــــــده
    المشاركات
    1,698
    [glow=990066]

    لاهنت يابو عبد الرحمن

    واتنمى التوفيق لكل الشعراء

    ومن افضل لافضل إن شاء الله

    بالتوفيق للجميع
    [/glow]

  12. #12
    مدير تحرير مجلة أوراد
    تاريخ التسجيل
    Jan 2007
    المشاركات
    652
    كل شئ تمام

    ونحن بإنتظار التعديل النهائي

    لاهنت ابو عبد الرحمن

    تحيتي
    [img]http://slo7ka.********************************************/faisal%203.jpg[/img]

    [align=center]للـتــواصــل

    [email protected][/align]

  13. #13
    شـاعـر الصورة الرمزية حامد الروقي
    تاريخ التسجيل
    Feb 2007
    المشاركات
    489
    اتمنى من كل قلبي التوفيق للجميع


    والقائمين علىالمسابقه اقولهم الله يعينهم ان شاء الله


    والسلام
    [img]http://abbd1990.********************************************/mothrka/4.gif[/img]

    [poem=font="Arial,4,black,bold,normal" bkcolor="transparent" bkimage="" border="inset,4,royalblue" type=0 line=1 align=center use=ex num="0,black"]
    على رسلكم ماني ببو الطيب المشهور=ولآني جرير ولا الفـرزدق باستـاذي
    ولآني خلف هذال أو بندر بن سـرور=ولا خالد محمد راع الـدرألأفـذاذي
    ولا صورتي تنشر ولا شعري بمنشور=ولا ني بهيم مـع القنـوات واهـاذي [/poem]

  14. #14
    ~ [ نجم صاعد ] ~
    تاريخ التسجيل
    Jan 2008
    المشاركات
    79
    بالتوفيق لكل شاعر

    الله يعينك ياأبو عبدالرحمن

  15. #15
    شــــاعـر الصورة الرمزية مضحي السميري
    تاريخ التسجيل
    Jun 2007
    الدولة
    بعد الاذان
    المشاركات
    1,147
    بالتوفيق




    للجميع




    دمتو بخير
    [poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    البارحه والنوم مايطري على بال الجفون=ولاجابه الطاري قريب للعيون وموقها
    ابيع واشري فالطواري وتخير فالظنون= الليل هذا ليلاها والسوق هذا سوقها
    القلب ماليه الحزن والدمع عزربالعيون=والشمس شحت لاتداركني بنور شروقها[/poem]


    ديواني الخــاص



    للتواصل

    [email protected]

صفحة 1 من 3 1 2 3 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. نتائج مسابقة قصيدة 2007 بتنظيم مجلة أوراد
    بواسطة أبوعبدالرحمن في المنتدى الساحة الأدبية
    مشاركات: 45
    آخر مشاركة: 05-06-2008, 02:51 PM
  2. صدور العدد التاسع من مجلة أوراد
    بواسطة أبوعبدالرحمن في المنتدى الساحة الأدبية
    مشاركات: 13
    آخر مشاركة: 16-04-2008, 10:28 AM
  3. ( قصيدة 2007 ) مسابقة من مجلة أوراد لشعراء غرابيل
    بواسطة أبوعبدالرحمن في المنتدى الساحة الأدبية
    مشاركات: 55
    آخر مشاركة: 21-01-2008, 08:45 PM
  4. مجلة ( أوراد ) تقتحم الأسواق بإدارة علي المسعودي وحامد زيد وفيصل العتيبي
    بواسطة أبوعبدالرحمن في المنتدى الساحة الأدبية
    مشاركات: 21
    آخر مشاركة: 09-11-2007, 11:16 PM
  5. آخر قصائد محمد الذيابي نشرتها مجلة المختلف
    بواسطة مُذهِلــــة في المنتدى الساحة الأدبية
    مشاركات: 11
    آخر مشاركة: 02-02-2005, 08:45 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •