النتائج 1 إلى 2 من 2

الموضوع: قصائد منبريه في تكريم العميد/عبدالمحسن سعدالذيابي العتيبي

  1. #1
    ~ [ عضو جديد ] ~
    تاريخ التسجيل
    Jun 2014
    المشاركات
    2

    قصائد منبريه في تكريم العميد/عبدالمحسن سعدالذيابي العتيبي

    القصائد المنبريه في حفل تكريم العميدركن/عبدالمحسن سعد الذيابي العتيبي

    سﻻم والتكريم من طبع الكرام
    ويامرحبا بضيوفنا اللي حاضرين
    يامرحبا بالضيف ولربعي سﻻم
    ويامرحبا سلم لنا في كل حين
    والعز والتقدير واجل احترام
    للمحتفى به والرجال الغانمين
    من عزوتن تاريخهم كله سنام
    اﻻد عنضل ذاك خشم وذاك عين
    انتم هل الوقفات حامين الجهام
    واهل العزاوي من عصور اﻻولين
    وانتم رياجيل المهمات الجسام
    وانتم رياجيل الوفاء دنيا ودين
    ياسيفنا البتار قصاص العظام
    نفخر بكم والله خير الشاهدين
    ويابن سعد عداد همال الغمام
    مبروك يارمز الكرم ليث العرين
    نبراس علم وطيب ونعدك حزام
    وعزمك على طول الليالي مايلين
    والمعذره لن طال وان قصر الكﻻم
    ماهو موفي قدر ذربين اليمين


    قصيدة الشاعر /سعد بن سعدالله الذيابي
    في حفل تكريم العميد الركن / عبدالمحسن سعد الذيابي


    عدمن طاف الحرم واعداد همال السحايب
    وعدمالاحت بروق الصيف في عالي مزونه
    وعدماركبو هل العادات من فوق النجايب
    وعد دورات الفلك وايامه الي تعرفونه
    مرحبا عداد ماهبت ذعاذيع الهبايب
    برجال اهل الوفا والماقف الي يحتمونه
    قمت فالماقف وانا ماني عن الميقاف هايب
    عن جميع الي حضر والراس عزه من متونه
    شاعر نضمه فريد وعزوته من روس ذايب
    يحكم القيفان وتشوش النشاما مع لحونه
    بسم ربعي في حفل تكريم حلال النشايب
    قوة الحد الجنوبي صار ركن من ركونه
    يامذاخير الرجال الي يقودون الكتايب
    يالعميد الي عن الطالات ماتغضي عيونه
    بيض الله وجه ابوعبدالعزيز ولا غرايب
    يستحق المدح لنه راعي الطيب وزبونه
    ليلتن فيها الوفاء لهل الوفاء والكيف طايب
    ليلة التكريم محسن رمزهم ويكرمونه
    تنشرلك البيض يامحسن على روس الرقايب
    وان بدالك لازم ماتقصر الهقوات دونه
    انت في واجب وطنك ابليت وتسدالنوايب
    والوطن حقه كبير وحالفين انا نصونه
    بيعتن منا مضت بين المعنق والترايب
    لو يوردنا حياض الموت والله مانخونه
    الولا فينا عجيب وثامن السبع العجايب
    ماتغيره السنين ولا اختلف شكله ولونه
    قبلة الاسلام موطنا لياشبت شبايب
    بالسلاح وبالذخيره والعمار نحول دونه
    ومرحبا عدادماهلت هماليل السحايب
    وعدمالاحت بروق الصيف في عالي مزونه

    الشاعر /عبدالله ابن ثامرالذيابي
    حفل تكريم عبدالمحسن سعد الذيابي



    يتعب الرجال عشان ونعم ياصلها
    وونعم حد السحاب من الوطا مدهلها
    ونعم ماهي بفي سوق العثيم وبنده
    والله إن بعض الرجال يموت ماحصلها
    بنت شيخٍ ماعشقها ألاهواوي فزعة
    كل ما مالت عن شعفة الجمل عدلها
    دونها يثني وياقف وقفة مشهودة
    وقفةٍ يا كثر من ياقف ولا يصملها
    ماتبا اللي كل ماجات اللزوم يكنكن
    لا تعذر من معازيبه ولا جملها
    شفها في مثل أبو عبدالعزيز الصامل
    والله إن ونعم تصلح له و يستاهلها
    بنك طيب وبنك صفطان وجميل ونخوة
    سيرته فالمجتمع شمط اللحى تنقلها
    الجميل يقدمه في طالبه مجاني
    يوم دينها ردي الأصل واستقبلها
    اعتبر حاجتك مقضية ليا مريته
    لا نوى الله قبل لاينوي وقال ازهلها
    ماورثها ألا من جدوده كعام العادي
    الرجال اللي عديم المعرفة يجهلها
    ردها ردة ومسحل من يد القوماني
    صبحوها يوم ختال العدا يختلها
    وبشرروها بالفياض اللي رعت ربلتها
    تطوي البيدا تقول إن العفو شاملها
    ليش أطولها وفيك السابقة مسبوقة
    قبلي القصاد تفتل حبلها وأفتلها
    وفالنهاية مرحبا في مرحبا مثنية
    عند من قول ونعم تزهى ويستاهلها

    الشاعر/عبدالله فالح الذيابي
    حفل العميد /عبدالمحسن سعدالذيابي




    انا والله ان لي كم ليله وكم من يوم
    واناحث هاجوسي لشانن هذى وقته
    ادورعلى الي كنهاالجوهرالمنضوم
    بيوتن لها الجمهور يرقا بذايقته
    ولو دونهابحرغزير وجلد وارجوم
    انا هاجسي يفهم تضاريس منطقته
    يطير ويغيروفالغزيريعبريعوم
    ولاهيب عن شفه ودعواه.عايقته
    تحزم لهن ياالهاجسي الي قوي عزوم
    وخل القلم بحروفهن يبهج ورقته
    تفردبهن و حط في ارقابهن اوسوم
    ولاتاسم من الجول ياكود فارقته
    عشان الرفيق الي ينومس عداه اللوم
    وريث المراجل والمراجل معاشقته
    حزام الضفرلاصارسدالعلوم علوم
    طويل الذراع الي مباديه سايقته
    على الجود والفزعه وبعدالنضروالحوم
    علق بالسماء صيته والامجاد عانقته
    ابن رده الصارم ذخر رده الزيزوم
    على الطيب ذاخرته جدوده وسابقته
    وبعد ماجمعنا الله على الموعد المعلوم
    اببدي.كلامن بالبراهين. نسقته
    كلام به الوافي مع اهل الوفى ملزوم
    وفي مثل محسن يطرب المدح لاسقته
    عميد بفعله قبل.لايصدر المرسوم
    عميدالمواقف والمواقف موثقته
    ولاهان متنن شال تاج وثلاث.نجوم
    تعلق به الرادات ماهي معلقته
    كسب بالتجارب سيف عرف مهومثلوم
    وترى التجربه للرجل مكسب لو ارهقته
    وبنى له من الطالات.مجد تليد يدوم
    لو. النفس مهما عاشت الموت ذايقته
    وصلى الله وسلم على الهادي المعصوم
    وترى القول له زبده واذا جات غلقته

    الشاعر /عادل فهد الذيابي

    في حفل تكريم /العميدركن عبدالمحسن سعد الذيابي

  2. #2
    ~ [ عضو جديد ] ~
    تاريخ التسجيل
    Jun 2014
    المشاركات
    2
    واسمحو لنا عاى الاخطاء الاملائيه

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. تعيين عبدالمحسن بن عبدالله بن عبدالمحسن الثابت على وظيفة (مدير عام الشؤون الإدارية وا - الفروقات حقنا وهدفنا
    بواسطة حقوق المعلمين في المنتدى منتدى خاص باخبار اللجنة المشكلة بدراسة اوضاع المعلمين والمعلمات
    مشاركات: 0
    آخر مشاركة: 15-04-2013, 11:30 PM
  2. تكريم العاشق سالم الغامدي تكريم لكل عشاق الاتحاد
    بواسطة عميد اتحادي في المنتدى نادي الأتحاد السعودي - العميد
    مشاركات: 0
    آخر مشاركة: 15-10-2012, 08:30 PM
  3. جميع قصائد يوسف العتيبي في شاعر المليون
    بواسطة سيف العدالة في المنتدى الساحة الأدبية
    مشاركات: 13
    آخر مشاركة: 21-06-2007, 11:59 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •