صح لسانك بدر مبدع
نوع: مشاركات; عضو: شاعرة شـمنصير
صح لسانك بدر مبدع
اذا حملت السيف قلي وش تحصل من ثواب= والبندق ام النار والبارود سهل اطلاقها
انته انتحاري لا تقرب من مسننه الحراب=الناس يامخلوق اعاملها بحسب اخلاقها
حنا نعرف الطير ابو وجنحان ونعرف العقاب=والهاملة لا روحت تسهل على بواقها
انت من اللي يحملون السيف مسقول النصاب= واللى من اللى لا لقيله لقمة يفتاقها
دام البقى يا الشاعر اللى منطلق مثل الشهاب= مالك ومال الحملة اللى ماتبى تطاقها
انا سوات الضامي اللى مات يطردله سراب=ولا لقيلة شجرة يجلس بضل ارواقها
سلام ردية يطوي نورها ضلمى الغياب= في الصفحة اللى لو افارقها ارد اشتاقها
احيان احس ان السوال يموت ما يلقى جواب=واحيان احس ان الحقيقة ما تغيب اشفاقها
حق الرد لمن يرى في نفسه القدرة
صح لسانك واسف على الاكتفى بهذا القدر
وانت شاعر كفوا
الحمد لله عشانا من عذوق التمر=ونياقنا تروي الديرة وزوارها
الحضرمي لو يبيع الفول زايد سعر=ون قلت لة ليش قال الجره بنارها
شعيل يشعب بعيرة والقشر في كبر=وان دق خيمة يشيل الشر مسمارها
لعل دارى من الغراء يجيها المطر=من جود من يعطي العالم ويختارها
جميع من شرفني مرورهم
شكرا لكم علي مروركم وردودكم تاج على راس المشاركة
دام البقاء وانت هات العلم واخذ الخبر=في الهرجة اللى حلاها يخلط امرارها
ترى الخطيفة غدت مافاد راع الاثر= واللة يعلم خفايا الناس واجهارها
سـلام ردية تطــلع سـوات القمر= في الليلة المضلة لابانت انوارها
الغيث يمطر علينا مير متنا دهر= واللي يعرف الحقيقة يخفي اسرارها
شكرا لمروركم كل من شرفنا مروره ادارة اوا اعضاء
والابداع كلة من متابعتكم
يابنت فكيتي لنفسك متاهات=وحنا بنات البدوى ورد البساتين
اذا مشيتي في دروب الرخيصات= ترى بنات البدوى غالين غالين
اذا كشفت الزاد جتك الحشرات= ولا ياكل المكشوف غير الدنيين
ستر النساء يابنت لبس العبايات= وياما تحت ستر العبايه مزايين
المشكلة في اللي تحط الكريمات=من شان ماتخلف نظام القوانين
حنا تروح اوقاتنا في الصلاوات= وانتم تروح اوقاتكن في الصوالين
دام البقاء يم الرموش المضلات= وام الخدود اللى عليها التلاوين
اشين مذيعة في عيون البنيات=واحسن مذيعة في عيون المجانين
فرد صح لسانك شاعر متمكن
شجن وغلا ابوها مروركم تاج على راس المشاركة
واتشرف بوقوفكم في صفي
الحر ما تخفى علية الخافية يابن الكرام= الحر يعرف وش نضرتها وش توقيتها
ياقوم حنا ماكسبتوا من ذهبنا بالجرام= غير العلوم اللى تطريها صعب تفويتها
انتة تطالع لسماء والدرب قدامك عدام=رجلك على جمر الغضا يالدمي وطيتها
الله يديم الامن والايمان وايام السلام=وقت السلام الناس قالت كيتها من كيتها