الى يبي يعرس يدخل الملاهي
هذي اللة يسلمكم سالفة ام عزيز يوم جايت تزوج بنتها موضي ...
ام عزيز كان فيها زين يوم كانت صغيرة يسالفون فية الحريم في المجالس الى كلها حب وقشام وشاهي ونعناع وغجر ياعيني على الغجر ...
ام عزيز من حينها وهي تحب ترزر عند البنات وانها راعيت زين وكشخة مادري وين شايفتة مع انة ذاك الحين مافية دشوش عشان نقول البنت تعلمت من صبايا على الباب ياشباب ....
هذا السؤال حير عطران الشوارب ذاك الوقت .لانهم ماشفوا خير ماغير الديرمة والكحل والدراعة الدعمة والجلال الى يسفسف على كتوف العجز ..
تبون اوصفلكم ام عزيز (اهااا بس همن تقولون وينك شايفة فية بعد ) تزوجت ام عزيز من ابو عزيز ..
(صحيح المعادلة واحد+واحد =واحد) وجابت بنت عقب الكلفة والسهر المدمي للعين في اخر الليول ..
الظاهر ماعندك احد الرمي كان من وراء خط الثمان الطعش وماكان يعرف التمريرات القاتلة عشان يسجل
وينطلق يم الكمدينة (قصدي الجمهور)دارت الدنيا وحملت ام عزيز وجابت بنية وش طخمها على امها بس العقل ماش لكم علية شويي ..كانوا طالعين موضي ويا اهلها في ملاهي في الرياض ....
امممممممة ياعيني عاد على حريم الرياض الزين والدلع والطخامة ...(اقول لايكثر بس عبيد اخو زيد)
كانت موضي جالسة على كرسي في الملاهي وفاقة فمها ومطيرة عيونها في الالعاب تقول ماشافت خير
اي واللة حدها عقب عصر حصاتين ترجم بها شجرة نبق (سدر)ويا طايح عليها نبق والا الحصاة في دميجتها
هابدتها على كشرتها ..عاد تشوفها ام صويلح على الكرسي قالت بس هذي السبة الى تصلح لوليدي صويلح مفدغة مثلة وعلى نياتها .جاتها ولزتها على الكرسي وقالت لها منس بنتة قالت من ال علان الى جيرانا ال فلان ..ونعم وسبعة انعام (علوم قبائل )رقمتها بالجوال وقالت ان شاء اللة ازوركم في البيت.
يوم قام قلب البنت يخفق طربق طربق .وحطت حرتها في الفشااار ماغير تقرض فية .
المهم راحوا في ذاك الهايلوكس عقب عصر يخطبون وعلى قولتهم نبي بنتكم لولدنا صويلح .
تراة عاقل ولا يتتن واول واحد في المسجد ولا بعد يسابق المؤذن على المكرفون .ام عزيز ماشاء اللة ماشاء اللة لاحظتوا كررتها مرتين ابسطت العجيز .
طيب وين يشتغل اللة يصلحة يوم تقول ام صويلح منكب عليها بيالة شاهي قامت تزحر وتمجمج بالحكي في فمها وخذت شهيق تقول انة الحين في احدي الوزارات صويلح يشتغل في سوووووووووووووق الخضرة
ام عزيز غدا وجها تقول قرطاسة معفطة ومشقوقة من دفتر ابو اربعين ..اعلان البديجان حق نعجان
وش زينة مع المرقوق والمرقة.طيب يام صويلح نشاور ونرد عليكم ..
ام عزيز ماسكة موضي في حجرتها اخر الليل تبي تشاورها في الموضوع هاااة يابنيتي وش قلتي
البنت دنقت راسها وتهزهزة وهي مستحية .موافقة موافقة .اجل توكلنا على اللة ...
قومي يالعجيز واطمري على المسجل وحطي اغنية (ادلع ياكيدهم خلهم يشوفونك )مدري من تبي تقهر ذا السوسة .(ام عزيز بدات تقلب راس البنت)اسمعي مو من اول ليلة تخورين قولى لة مابة شي الا بعد اسبوع
لاتخورين يالسبة .واذا كلمك هزي راسك لاتحكين معة عشان لايشوف صفة ذا القشام الى في فمك(ابشري يمة)قام العرس والا قعد المهم انهم اعرسوا في قصر من قصور الرياض الى على طريق الحائر واللة اني مدري فية قصر هناك (ملاحظة اهل الرياض لايدققون )..
قام صويلح وخذ موضي وطار فيها على فندق في البطحاء ودخل وياها الغرفة وسكر الباب ..
وقفلة قفلتين بس الظاهر انهم زودوها حبتين ولنا اللة ياخالى من الشوق وانا الولع .مسكت غلط ..
المهم راح اكمل لكم السالفة الى في الحجرة في الجزء الثاني .بس الرجاء عدم اصطحاب الاطفال عندا قراءة الموضوع لانة يحتوي على مشاهد مخيفة ومروعة وبعدين ينصح للبالغين فقط الذين اعمارهم 18 ومازود وعلى فكرة ترا ابحط مثلث احمر فوق جنب الموضوع عشان تصرف الى حولك ..
بس ان شاء اللة اخذ موافقة المعاريس على طرح سالفتهم في الجزء الثاني ...
واللة ان تبطون ماشفتوا شي ..
واسف على الاطالة والتمارين السويدية (خاص للرياضين فقط)
