000 ياذكرياتي 000

أسعد الله أوقاتكم بكل خير،،
،
،

هذي قصيدة مشاعرية قلبية أبت إلا ان تحكي إحساسها

لو ان من يطري على البال نلقاه
‏تركت واقعكم وعشت بخيالي
‏ياذكرياتي وش بقى واتمناه
‏ليته معي أو اتركيني لحالي
ياحلوها ايامي معه كيف بنساه
وهو حياة الروح أول وتالي
عزّاه ياقلب العنا صدق عزّاه
تبيه بس الوصل مابه مجالي
وش حيلتك ياقلب غير آه ثم آه
تنهيدتك هي هي طول الليالي
صحيح ماباقي منِه غير ذكراه
لكنها اجمل مابْحياتي بقى لي
إذا طرى لي آه ياحلو طرياه
أغمِض عيوني وابتسم لاطرى لي
في ذمتي انه غاية القلب ومناه
واني بعد فرقاه واعزتالي
ماغير اهوجس واتذكر حلاياه
اضحك واسولف معه كنه قبالي
لجل كذا ياليت من يطري القاه
واعاف واقعكم واعيش بخيالي

،
،
وسلامتكم..

كلمات جميلة تلامس القلب
الف شكر

حياك سمووره ولاهنتي على كلماتك الجميلة

الف شكر لك

الحنين مشكله يبو ضاوي

صح لسسانك ملايين

ومبرك من الساعه اللي خلتنا نشوف ابداعك


لك وحشه كبر الضلعان

صح لسانك يا ابو ضاوي
قصيدة تفيض بالمشاعر والاحاسيس

مبدع





لايزال غرابيل مرجع لشعراء مميزين وشاعرات مميزات




..
.