الرجاء من يعرف علاج للناقة او يعرف احد يسالة عن علاج الناقة ولكم منا الدعاء
اغنام - ابل - دواجن - طيور
السلام عليكم ورحمة الله وبركاتة .
الاخوة الاعزاء قدر الله ان اشتري ناقة لقحة لها شهرين من منطقة الرياض الى المدينة المنورة حملتها بدينا وطول السوداني بالمشوار نام بمحطة ونسي الجوال بالسيارة من الساعة 1 باليل لين الصباح المهم رد وقال انو تعبان وكمل طريقة وما وصل غير الساعة 7 المغرب ونزلنا الناقة على اساس لقحة شويات وشوف الناقة ممشاها مو طبيعي واخدتها للبعير وما تشاول لة عرفت انها مفيخة واحتسبت الامر عند الله رب العالمين ورضيت برزقي والحمدلله .. وكان اخر ايام الشتاء قبل سنتين وكانت الزمول وقف هياجها قلت احسن علفها واكرمها ووقت الضراب اعرضها على الفحل و كنت ابغاها تلقح من بعير محددة لها ,,الحاصل اول ما عرضتها على الفحل الناقة تبي تهج من المكان الي فية البعير والبعير يهدر كنة شايف بعير عندة بياكلها الا ان لطف الله وفكينها منة قلت اصبر كم يوم وارجع اعرضها والمرة ذي حرصت اسوقها مع النياق على اساس اضيع ملامحها عند البعير واول ما دخلت الشبك على البعير ولا نفس القصة بياكلها وعرفت ان مالي نصيب من هل البعير . وتوكلت على الله وعرضتها على فحل ثاني وضربها البعير وعرضناها بعد عشرة ايام ولا تشاول وعلى هذا الحال الين فدرت الزمول وكلن حمل ناقتة ورجع ديرتة ورجعت الناقة حايل والسنة ذي عرضتها 3 مرات على بعير ثاني وكل عشرة ايام نفس القصة ما تشاول وتهج من الزمول وكل ما عرضتها على فحل لازم اعقل يديها لانها تبهذلنا وهي ما بركت واذا بركت ترامز جسمها والبقوة تبرك سوا شاف الفحل او لا ..... اتصلت على راعيها السابق وقال الناقة ولدت قبل كدا ولا فيها عيب وكانت لقحة مثل ما قال وحلف عليها وجبت دكتور مختص وطبيب شعبي وفتشو عنها وقالو رحمها سليم والناقة والد قبل كذا كوينها عن سطع وهدد لاكن ما من فايدة وعطيناها ابرة يسرة ولا في فايدة وابرة جرب ولا في فايدة بعد وقطعنا عنها ولا فاد . والناقة مشراها غالي ولا ابي ابيعها على احد وفيها هل الذارب . لذا ارجو من الله ثم من الاخوة الكرام مساعدتي في هذة المشكلة ولكم منا الدعاء . وسامحوني على الاطالة ..
hgv[hx lk duvt ugh[ ggkhrm h, hp] dshgm uk hgkhrm ,g;l lkh hg]uhx
