عبدالله الثابت. ووصف الذلول

على بيارق شبه دار الجزيره
كلن مضمر والوعد ياولد حان

وعلى خليج اليعربي خير سيره
من هاجسن جاب المثايل والاوزان

تجمعو من كل حدبن وديره
درب الفخر مطلوب من قدم الاعيان

ولا شارك اللي شوشته المسيره
عبدالله الثابت على كل ميدان

ثابت من اسمه والفعايل ذخيره
معروف ابن وايل كما السيف شامان

جاب الاصايل والعزايم جديره
اسمن لمع في ساحة المجد عنوان

بينه وبين الكاس قصه مثيره
لونافست بنت العماني من عمان

اللي ترد الاوله للاخيره
تلقى العلوم الوافيه دون نقصان

مضمره من ساس هجن ن شهيره
ماطبها الحزمي لها سلاله وشان

الوصف منها والوصايف سفيره
خذ الصحيح وكلمة الحق نيشان

الكوع بعد الزور ورك ونظيره
عريضة المنكب على طول ذرعان

مكنوزت الفخذين ماهي القصيره
متباعده بالخف شبرين ميزان

جنوبها والزور منها كبيره
ومنخارها مثل الفرس مابها عنان

مركوزت العرقوب سندا سعيره
فقارها واسط على الشوف مزيان

هي منوة دروبن صعيبه عسيره
ناموسها البيرق على كل برهان

يزبن عليها من تقابس نذيره
لاصار بارض المعركه ماله اعوان

فزولها دام الفعايل مثيره
جاكم عصارن تنهدم منه سيسان

بالشوط الاول والمطايا كثيره
على الصداره فوزها دون خذلان

عبدالله رجاء الجعفري العنزي