طبعا الاغلب سمع التسجيل الصوتي للامير بندر بن محمد .. نائب رئيس هيئة اعضاء ضرف نادي الهلال .. وحديثه عن اللقب الهلالي وإن ابن همام بينشب لهم خخخخخ
انا استغربت صراحه ان مافيه احد حاول يتطرق له .. لو على الاقل لنقاشه .. بس تخبرون فيني نشبة حبتين قلت اسدحه فيذا :1111:
طبعا الدويش بدوره رد عليه برد لايصدر إلا من الكبار وقال
((سبورت- متابعات:
استبعد الكاتب الرياضي المعروف محمد الدويش رفع دعوى لما تضمنه تسجيل صوتي انتشر مؤخراً يحوي إساءات تجاهه. وأوضح الدويش إنها مجرد شتيمة قد يسمعها الإنسان في الشارع ممن يستسيغون ترديدها.
وأضاف الدويش في نهاية تصريحه لإحدى الصحف : طوال السنوات التي قضيتها في المجال الرياضي لم يسبق أن تعرضت أو سمعت بمثل هذه العبارات المسيئة ", مشيراً إلى انه لا يوجد لديه حالياً أي تعليق على ما دار في التسجيل الصوتي".
وكان اسم الدويش قد ورد في مكالمة مسجلة تم تسربيها عبر الانترنت جرت بين الأمير بندر بن محمد وشخص آخر يدعي خالد الصالح))
هذا طبعا نص المحادثة ولكم التعليق ..
بندر: ألو
خالد: ايه طال عمرك مانزلو شي
بندر: أشوى.. ولا أمس ؟
خالد: لا ولا أمس .. حتى لو كان فيه شي كنت بشوف تصريح يمكن
بندر: مافيه شي أبد
خالد : لا مافيه شي .. بينزلونه يالاربعاء يالخميس
بندر: بس خل محمد ينتبه يتركد شوي
خالد: والله بينزلونه هم .. أصلا بيصير شكل الهلال جداً بايخ لو طلع الفيفا وقال هذا الموقع مالنا دخل فيه
بندر: ايه هذي المشكله
خالد: بيكونون ورطو العالم أرسلو تهاني..هم شغالين عليها ..
بندر: أنا خايف بن همام يشتغل عليه
خالد: اقولك الالقاب طال عمرك .. اللقب يجي بدون ما النادي يسعى له .. لكن دام انهم اشتغلو مع الموقع بينكشف بينعرف .. هذا النصراويين يقولون كان فيه اجتماع بين القرون وعبدالله بن مساعد والألماني .. وش دراهم الله يحييك .. وهذي معلومات صحيحه .. فعلاً القرون هناك وشغال مع الألماني .. فمعناه انهم شايفينهم وراصدينهم .. يعني اللعبه مكشوفه من قبل تصير .. هذي خرابيط الله يحييك .. انا قهرني امس كلمه قالها الدويش ..قال الهلال آسيوياً الحين صار بعيد عن الانجازات في أرض الواقع .. فمسيرين النادي يحاولون التواجد في الساحه عبر الفضاء
بندر:قل هذا انت يازق
خالد: ايه هو زق بس مانبي نصير مثله هذانا نسوي حركاتهم يراكضون ورا ألقاب .. لقب الهلال معروف عند الجميع انه نادي القرن .. فإذا ما جا من الاتحاد الاسيوي خلاص الجميع عارف أنه الهلال.. نقول الله يستر
بندر: اي والله .. اي والله .. الله يستر صدز.. أوكيه ياجحش
تعليقي :
انا اتوقع هذا اكبر رد على فضيحة القرن .. وانا طبعا كما هو الكثير من المشجعين للفرق الاخرى لايهمنا سواء اخذ الهلال اللقب او غيره لان المميز هو من تبحث عنه الالقاب وليس من يسعى للحصول عليها . والدلائل كثيرة . ولكن سبحان الله لقب اعطوه لانفسهم وصدقوه ويحاولون اجبار الناس على تصديقه ...
بدر
