ممكن تحطون نفسكم مكانى مطلقه وانخطبت تعالوا

بسم الله

بنات مثل ما انتو عارفين انا صارلي سنه منفصله
وتقدم لى واحد بيطلق زوجته لكن ما طلقها وتأكدت من هالشي ان راح يكون انفصال بينهم الريال ياب منها بنت يعنى بينهم بنت وحده .. شافنى وشفته ارتاح لى لكن لما شفته خنقتنى العبره مدري تذكرت زواجى القديم اهلى يبونه موافقين عليه انا عقبها وافقت اقتنعت بكلام اهلي وتوكلت على الله واستخرت ودعيت لكن الخوف بداخلى واحس بضيقه بصدري وان شاء الله بتم الملجه الثلاثاء انا بعرف ليش مو فرحانه هل لانى مريت تجربه سابقه شعوري داخلى متذبذب انا كنت برفض وحسيت بضيقة خلق ولما وافقت حسيت بضيقة خلق
بتكلم عن ظروفي في بيتنا فينا تفكك اسري الاخوان ما يدرون عن بعض والاب مايدري عن بيتنا امى بعيده عننا لان مو كويتيه يعنى احس بالاسي والضيق ... رفايجى كلهم متزوجات ومعيلات الله يهنيهم بس انا مالى حظ خايفه يكون يكون حظي معاه مثل حظ زواجى الاول .. انا بداخلى ابي الزواج والستر ابي ايييب اطفال واكون عائله يكون بينا تماسك اسري بس ليه ما احس بفرحه يعنى في وحده جذي مثلي تزوجت مو مرتاحه او ما اقتنعت وتساهلت امورها بعد الزواج وارتاحت فسرولى الشعور اللى فينى هذا