تعبت نفسيا من الاجهاضات فقدت 6 تعالوا ساعدوني

لسلام عليكم ورحمة الله وبركاته


اللهم اجرني في مصيبتي واخلفني خيرا منها
اجهضت وللمرة السادسه

مرتين نزل نزيف بدون تنظيفات ولله الحمد
3مرات وقف قلب الجنين
مره وحده حمل خارج الرحم

امس سويت سونار كنت مستانسه داشه الثالث وصدمني الدكتور ان ماكو نبض وللعلم من 3 اسابيع سمعت نبضه واستاانست وااايد
وبحملي اخذ حبوب وتحاميل مثبته وبيبي اسبرين وابر كلاكسين ومع هذا وقف قلبه :(
حالتي الله العالم فيها وعندي ولد واحد واشكر الله علي هالنعمه يبته عقب 3 اجهاضات


سويت تحاليل عند دكتوري وقالي كل شي سليم وللعلم ما ادري اذا كل التحاليل او لا لان الي حاصلي مو طبيعي اكيد فيه سبب صح ؟

والحمدالله من قبل لا احلل اقرا سوره البقره بجلسه وحده وادعي الله ليل ونهار بس قدر الله وماشاء فعل
لو فيني تابعه جان طلعت

ابي حل لمشكلتي

الي تعرف اسم التحاليل المطلوبه تكتبهم لي علشان اعطيها دكتوري
الي تعرف شيخ بالكويت او حرمه تقرا علي يمكن تابعه وانا ما ادري
او تعرف دكتور يعرف بحالتي ويمكن فيه تحليل يعرف له

ابذل الاسباب والباجي بيد رب العالمين
والحمدالله علي كل حال

عفيه سساعدوني محتاجه لكم وماني عارفه شنو اسوي
هل يمكن زوجي عنده مشكله ؟ جينات او مشوه يمكن تكون فاسده البويضه ؟.

ساعدوني حدي محتاره:eh_s(11):
ولاتنسوني الله يعوضني بالاحسن يارب