فريق العين الثقيل فنيا VS الهلال .. + نقاط القوة الضعف ؟؟
بسم الله الرحمن الرحيم
اللهم صل وسلم على عبدك ونبيك محمد صلى الله عليه وسلم
نحن مقدمين على ملحمة كروية كبيرة منفصلة على شوطين (الرياض و العين ) . وعندي احساس كبير انها راح تصير مباراة صعععبه جدا واقوى من مباراة الهلال والغرافه الشهيره ..
المباراة لن تكون سهله دون شك ولن تمر مرور الكرام . فلو نظرنا الى فريق العين , واللي اقول عنه الفريق الثقيل
يأن نقطة قوة هذا الفريق تكمن من الوسط وحتى الهجوم . يعني عندك جيان هداف البطولة . وعموري وايضا اللاعب اللي غافلين عنه البعض ميروزلاف ستوتش هاللاعب صنع هدفين على الاتحاد وانا اشبهه هاللاعب بميسي رقم 2 لانه سريع وقصير والكورة لاصقه برجله وماهر في الاختراقات واتمنى التركيز عليه , والبعض يقول اذا راقبت عموري ضاع جيان وهذا خطأ انك تركز على لاعب واحد , ناهيك ايضا عن المدرب اللي فاهم فريقنا ولو الشيء قليل وسبق ان دربه
- أما نقطة الضعف الوحيده في فريقهم هي الدفاع
نادي العين تلقى اهداف في مرماه بسهوله خلال مشواره الى النصف نهائي بينما الهلال لم يدخل مرماه سوى 7 اهداف تقريبا
في الجانب الآخر الهلال : نقطه القوة هي بالدفاع فقط , اما نقطة الضعف هي بناء الهجمه فيحتاج له تدعيم اكثر لأن ناصر لم يعد بأمكانه فعل شي فهو لا يستلم عرضيات زي الناس من الشهراني والزوري . والوسط يقتل الهجمه ببرودتهم في المرتدات بالذات والفلسفه الزايده . ايضا ناصر في أخر 4 مباريات لم يسجل وهذي مشكلة لانك اذا ماسجلت يتسجل عليك ,, واخشى ان نادي العين سيرتاح كثير لان الهلال في العرضيات ماهو خطير يعني الفريق تجيه 10 ركنيات لا يتسفيد من اي وحده ولا حتى خطورة ملموسه , ولو اغلقوا الخناق على اهم مراكز هجومنا اخشى على فريقنا ما تخشون
اتمنى اشراك حمد الحمد , هاللاعب لم ياخذ فرصته والله عنده الشي الكثير . ايضا الكعبي او يوسف السالم بدلا من ياسر . فياسر اختفى فيه القوه الهجوميه. ولا يوجد عيب في ذلك عطوهم فرصه لحد يجي يقولي هذي مباراه اسيويه وماعندهم خبره لا ي حبيبي احنا نحتاجهم هالبطولة اكثر من الدوري وبعدين مركزهم هجومي يعني لو ما نفعك ما راح يضرك . عكس الدفاع .
بالأخير \ اللي ابي اقوله . أن كثييير ناس متأملين بالفوز والوصول للنهائي بل ان هناك اشخاص قاموا يتوقعون الفائز من الغرب ومن سيقابل الهلال بالنهائي ! ! ! ي اخوان ترى الجمهور المؤثر رقم واحد عاللاعب والدليييل : تغريده ياسر القحطاني . ليش غرد ؟ لانه شاف تفاعل من الجمهور وغضب على قضية اتحاد عيد . و هذا يشتت عالتركيز ويخرجهم من تفكيرهم
نفس الكلام ينطبق على المتأملين جدا بالتأهل
بالاخير انا واثق بإذن الله ان هالفريق قادر يتخطى العين و الله يوفق الهلال ي رب وان شاء الله التاهل ... اعذروني عالموضوع الطويل انا ماعرف اكتب شي قصير لازم اطلع كل شي بقلبي :s2:
