رحت ماقلت حاجه

وش عاد لو جتني هلا من غلا الروح **** مدام قبل العشر ماقول حاجه
نظامكم مقفل ولاهو بمسموح **** ماغير شاشة عرض دونه زجاجه
هذا بقايا البوح والا صدى البوح **** مدري ولكن رحت ماقلت حاجه

صح لسانك اخوي عزيز القوافي ...
ابيات جميله ...
واعذرني على النقل ... من شروط المنتدى في قسم الشعر النبطي كتابة الرجال بأسمائهم الحقيقيه ...

تحيتي ...

ماهي الطريقة لتسجيل اسمي الحقيقي

رد على اصعب مراحل
ولا صار يومك مثل ليلك مثل عامك *** ماتفرق الا بالأعداد الحسابيه
تزور كل الوجيه وتصبح اخصامك *** وكل المراويح ماتسوى خطى الجيه

صح لسانك اخوي على الابيات وعلى المجاراه ...
عطني اسمك وانا اعدله لك ...
ننتظر جديدك في قسم الشعر النبطي ...

عوض النومسي
عزيز القوافي

ونعم يا عوض ...
تم التعديل ... وننتظر قلمك المميز ...

تحيتي ...

اشكر لكم حسن الإستقبال والرقي في التعامل ويشرفني ان اكون في هذا المنتدى وان اتقدم لكم بهذه الهدية المتواضعة
رقي التعامل والذرابه وحسن الذوق *** لمسته وانا في صفحة المنتدى توي
اكيد النجاح اللي وصلتوه شانه فوق *** مدام ان من يشرف على النشر متروي
كفلتوا حقوقي وادري اني علي حقوق *** ولا والله اخذل من عطاني على جوي
لبست الأدب بشت حشا مايجيها فتوق *** وتجمل بها قاف طواريقه تدوي
يبث الشعور ومنطق العاقل المخنوق *** ويشيل الجروح اللي بها الدم متروي