تحسين المستويات بسبب موظف تتحول الى حرب الخليج - الفروقات حقنا وهدفنا

السلام عليكم

مساء الخير للجميع...

تعينت على المستوى الرابع على الرغم ان لي أحقية المستوى الخامس ؛ وذلك لحصولي على شهادة دبلوم التربية العام قبل التعيين ، لكن الوزارة أغفلت هذا الشي بحجة اني قدمت اوراقي قبل الحصول على الدبلوم على الرغم باني طابقت بياناتي بشهادة الدبلوم ، حيث أني حصلت على البكالريوس في عام 1431 شهر 7 وقدمت على جدارة عام 1432 شهر 4 وحصلت على الدبلوم عام 1432 شهر 7 وطابقت بياناتي عام 1432 شهر 9 .



ما علينا من الكلام هذا كله ، الكلام هذا كوم والي صار كوم



طبعا انا رفعت طلب عن طريق ادارة التعليم بالرياض الى الوزارة >>>>>>> من حسن الحظ اني بالرياض


المهم ان الاوراق وصلت للوزارة في قسم التوظيف عند مكتب تحسين المستويات ، طبعا الكلام هذا في شهر 11 وانا متعين في شهر 10


مريتهم في شهر 12 ودخلت على واحد كنه جحا :mdr: اسمه اسماعيل الدويش سألته : قال اصبر الين ما يصدر قرارك ، قلنا طيب .


عطيته اسبوعين وبعدين مريته وقال نفس الشيء انتظر الين ما يصدر قرارك ، قلت له كيف يصدر قراري وأوراقي عندك وهذا من أبسط حقوقي !! ، قال حنا نجمعكم وبعدين نطلب لكم ارقام على


المستوى الخامس من الخدمه المدنية لأن الحين ما رفعوا لنا أرقام على المستوى الخامس لذلك انتظر ، قلنا طيب .


المهم اخذت فترة يمكن أكثر من أربعة شهور وأنا كل شوي ادخل علية و هو يتحجج بالخدمه المدنية الين رحت للخدمة المدنية وقلت لهم السالفة من الى ، قالو حنا مالنا دخل هم يحسنون


مستوياتكم ،موضوعك عندهم حنا مالنا أي علاقة بتحسين مستوياتكم ، قلت طيب .


المهم رجعت له الساعه تسعه ونص واخونا في الله مهوب فيه رايح يفطر انتظرته الين جاء قلت شف انا رحت للخدمه المدنية وقالوا ما لهم دخل في موضوع تحسين المستويات، قال وش دخل


الخدمه المدنية قلت مهوب انت تقول انهم ما رفعوا لكم ارقام


المهم ما طلعت بنتيجه منه على طول اتجهت لمدير التوظيف وحولني عليه قلت يابن الحلال توني راجع من عنده طلع اردى منه المهم رحت من مكتب الى مكتب كنت ابي ادخل على الحميدي


بس السكرتير حقه يقولي وش تبي فيه قلت ابيه في موضوع قال انا مدير الشوون الاداية والمالية وانا قاعد اكلمه قلت له بالموضوع قال رح له وجيب لي افادة قلت طيب واذا ما عطاني افادة قال رح


اشتك لديوان المظالم !!!! تخيلوا بالمنطق هذا


المهم دخلت مكتب وكالعادة طبعا حصلت اثنين من الموظفين ودلوني جزاهم الله خير على مدير شؤؤن الموظفين ودخلت عليه الصراحه رجل محترم جدا ومتفهم يقال له ناصر


الداوود جزاه الله كل خير وقالي ما انت برايح من هنا اليوم الا وقرارك في ايديك ، وارسلني عليه وقال اطلب منه افادة قلت واذا رفض قال ارجع لي ، فعلا رحت للدويش وقالي ما عندي افادة ويقول


موضوعك عندي كأنه يهددني ، ورجعت للداوود قال طيب انتظر وارسل واحد من السكرتارية وانتظر يمكن حدود نصف ساعة او خمسة واربعين دقيقة الا القرار اصدر بتحسين مستواي الى الخامس


وكان معي 82 وكلهم حسنوا مستوياتهم الى الخامس !!!!!!!! مع العلم ان ال 82 أغلبهم خارج منطقة الرياض ولا يقدرون يراجعون ؛ السؤال لو ما راجعتهم متى بتتحسن مستواياتنا ؟!!!!


يعني تخيلوا أنا قاعد أنتظر لفترة أكثر من سبعة شهور وفي ظرف دقايق يصدر قراري معناه أن الموظف هذا هو اللي معطل المعاملة لكن الله لا يوفقه ان شاء الله


طبعا موضوعي ذكرني بحرب الخليج الي استمرت سبعة شهور وهي نفس الفترة الي انا انتظرت فيها تحسين مستوياي !!!:cry::cry:


اما بالنسبة للفروقات قالوا ماااااااااااااااااافيه


وفي الأخير، أتأسف للاطالة وحسبي الله على بعض موظفين الوزارة الي يماطلونا ويعطلون معاملتنا .


للتذكير فروقات شهر 6 و7 و8 بتنزل لكم في اقرب فرصة لان القرار اصدر في شهر 6 ولو تأخرنا ما تحسنت مستوياتنا ، والحمدلله كنت السبب بعد الله في تحسين مستويات المعلمين ال 82