شعر اســتـقـالـة مشــاعـر

جــانــي بـعـــد غـيـبـة على القلب طــالـت
جــانــي يــذكـــرنــي بــحــب ٍ لـنـــافـــات

جــانـي بـعــد مــا دنــيـتـه فــيـــه مـــالت
وجـــار الــزمــان وذاق مرالـمـعــــانـــات

جــانـي وروحـي من شــقاء الويـل نالت
مــا يــدري ان الحـب في داخـلــي مــات

حتــى المشــاعــر غـادرت واســـتـقالت
واللي بـقــلـبــي كـان شــلته من الــذات

الـحــب وأنـــواع الاحــاســيــس زالــت
مــا عــاد لـه بالقـلـب روحــة وجـيــات

يــا مــا تـــرجـيـتـه ونـفـســـه تـعـالـت
ويــا مــا على شــانـه تحملـت صدمات

ويــا مــا بكيت ودمعة العـيـن ســـالـت
ويــامــا ويــامــا عـشــت ليلي متاهات

حتى الـمـآســي فـي حـيـــاتــي تـتــالت
وصارت تـداعـب هاجـسـي كل الاوقات

من يــوم غــاب ورجعـتـه اســتـحـالت
وإنـــا اتـعــذب دون ذنــب وخـطـيــات

يكـفــي ترى نفـســي من الهم شــالت
يكـفـي عـذاب وكـافــي اللي لـنـافــات

اجــدادنــا قــالــوا والأمـثــال قـــالـت
وصارت تــداول من ســـنيناً قـديمات

الــورده اللي من الظـمـأ اســتـمـالـت
تـذبــل وتفقد عطـرهـا مثــل الاموات

ارجع مثــل ما كنت غـيـبـتـك طــالت
ياما انتظرتك لين الاحساس بي مات

((بشيرالبلوي))